|
المساعدة في دزني لاند باريس السلام عليكم خبراء فرنسا: انا إنشاء الله رايح مع إسرتي الى دزني لاند باريس وقمت بالحجز في فندق Marriott's Village d'Ile-de-France خذيت شقة غرفتين نوم,, ولدي بعض الإستفسارات ياليت لو تفيدوني فيها 1- رايكم بالفندق. 2- قرب الفندق الى دزني لاند وطريقة الذهاب إليه. 3- طريقة الذهاب من المطار الى الفندق (( لدينا عدد من الشنط)). 4- هل ينصح بإستئجار سيارة ؟ 5-انا راح اكون قاعد 6 أيام فهل هناك مقل مولات او اوت لت تنصحون بالذهاب إليه ,, او بمعنى آخر ماذا افعل عند الإنتهاء من دزني لاند ؟ ومشكوورين على سعة صدركم |
وعليكم السلام الماريوت جيد خصوصا للعوائل الكبيرة بس على ما اعتقد ما عندهم خدمة room service الا مره في الأسبوع ... تأكد من الامر الفندق في المنطقه القريبه من ديزني حوالي ٧ دقايق للبارك يمكن الوصول الى البارك عن طريق الشتر من المطار لديزني الأفضل تاكسي راح يكلف من ٨٠-١٠٠ يورو بس اريح بوجود الشنط ايجار سياره ما راح تحتاجونه الباصات الشتر توصل لكل الاماكن القريبه ٦ ايام كثيره على ديزني هل في ايام ثانيه تنزل فيها باريس؟! عموما ديزني قريب منها الاوت لت و مجمع فال دي يورب وفيه اكواريوم |
وعليكم السلام الله يمهل ويسعدكم يارب زي ماقالت المشرفة 6 ايام كثير على ديزني ... وحرام توصل باريس وماتدخلها ... باريس لحالها يبي لكم 3 ايام للمستعجل عشان يشوف كويس فيها .. باريس من المدن الجميله اللي صادفتها واجمل عندي من لندن |
صباح الخير جميعا من واقع تجربه 6 ايام اذا عائله كبيره ممتازه ولكن لا تصادف ايام السبت والاحد انا كنت قبل سنه بدزني قعدت ٥ ايام وصادف الايام السبت والاحد للامانه ماقدرنا نلعب من كثر الزحمه وكان الجوووو حار بالصيف يعني يومين نطلع من الظهر الي المغرب الي برج ايفل والتسوق بالسنتر ثم نرجع الي فندقنا بدزني |
اقتباس:
|
كم عددكم ؟ والاعمار للاطفال |
اقتباس:
3 كبار 3 اطفال Sent from my SM-N910C using Tapatalk |
أتوقع سفرتك في الصيف معناه النهار طويل برأيي ٣ ايام كافيه او ٤ بالكثير اذا تبون تاخذون راحتكم بزيادة |
طيب شنو رايكم في فندق سيركس ؟ Sent from my SM-N910C using Tapatalk |
جيد جدا ومجرب من كثير أعضاء شوف هالموضوع فيه تجربتي للسكن في الفندق http://www.arabtrvl.com/vb/t7474.html |
اقتباس:
طيب شلون طريقة الانتقال من المطار الى الفندق ؟ وخصوصا احنا 6 اشخاص ومع عدد من الشنط وكذلك اذا حبينا نروح لباريس عل ينصح بالتنقل عن طريق التاكسي ولا مترو ؟ وسمعت انه يوجد مول واوت لت فريب من فندق سيركس شلون طريقة الذهاب اليه وهل التامسي متوفر بكثرة ؟ Sent from my SM-N910C using Tapatalk |
اسأل براحتك من المطار للفندق اريح شي التاكسي راح يكلفكم حدود ٨٠-١٠٠ يورو بس اريح لكم بوجود أطفال و عفش التاكسي متوفر في المطار بسهوله ، اتبعوا اللوحات الإرشادية الين مواقف التاكسي راح يكون في شخص يسجل عددكم ويبعث لكم تاكسي يكفيكم اذا تبي تنزل باريس زياره فقط بدون سكن ممكن تستخدمون الرير RER الانتقال للاوت لت الفندق ممكن يوفر لك شتر خاص قيمته ٥ يورو للشخص الكبير و ٢ يورو للي اصغر من ١٢ سنه قيمة التذكرة يكون مشوار الروحه و الرده المول لاصق في الاوت لت يعني تقدر تخصص يوم كامل للتسوق بين المول و الاوت لت شوف هذا الموضوع عن الاوت لت http://www.arabtrvl.com/vb/t11594.html |
يعطيج العافيه يا ريم شكل الاخ خايف من توفر التاكسي من المطار للفندق فحبيت اذكر له تجربتي احنا بعد اجراءات الوصول لباريس وقفنا عند المخرج للتاكسي بعد تتبعنا لوحات علامة التاكسي ولقينا هناك منظمين بالخارج يرتبون المسافرين لركوب التاكسي واحنا كنا ٦ اشخاص كبار ومع شنطنا اتصل الموظف وهو تونسي الاصل قال انتو تحتاجون تاكسي كبير واتصل عليهم بعشرة دقايق واقف التاكسي عندنا وحمل الشنط كلها واحنا ركبنا ووصلنا لفندقنا بدزني وهذا بالليل بعد الساعه ٩ مساءً وكان ب ٩٠ يورو فقط اما المواصلات من الفندق لدزني فبيكون هناك باصات مجانيه كل عشر دقايق يوصل باص ينقل النزلاء الى دزني ويرجعهم من هناك ولاتنسى تحفظ رقم باصكم لان نفسه اللي بترجعون فيه للفندق الباص ممكن يمر على كذا فندق فلا تحاتي اذا ما وقف عند فندقكم اول شي لان راح ينزل كل النزلاء بفنادقهم على حسب الاقرب اما الانتقال للاوت لت تطلب من الفندق ان يتصل بتاكسي الاوت لت ياخذكم كل شخص ب ٥ يورو وينزلك عند مكتب ومن هالمكتب او المكان ترجع علشان يرجعكم مره ثانيه للفندق تذاكركم لا تضيعونها اما اذا بتروحون لباريس تاخذ الرير وهو القطار والا تاخذ تاكسي احسن لكم لان معاكم شنط والقطار بتكون المحطه نزول وصعود ومشي بالانفاق لحد ما توصل للسلالم اللي بتصعدك للشارع الرئيسي فالتاكسي أفضل ويمكنك مشاهدة تقريري لتأخذ فكره عن دزني والاوت لت وطريقة الوصول http://www.arabtrvl.com/vb/t782.html |
اقتباس:
اخوي نصيحتي لاتصادف يوم السبت والاحد زحمه غير طبيعيه ما تقدر تلعب يعني اللعبه الوحده تنتظر دور تقريبا ٤٥ دقيقه وشمس وحر |
مشكوورين جميعا لمدخالاتكم الكريمه ونصائحكم .. ولي فهمته من حضراتكم أنه إختيار فندق سيركس بيكون جيد + عدم الحاجه إلى إستئجار سيارة. لكن بالنسبة ل RER هل من السهل إستيعابه ؟ |
اقتباس:
|
اقتباس:
شف الموضوع هذا http://www.arabtrvl.com/vb/t1435.html بس انتبه لنقطه الخط متجه الى وين وشف هنا تطبيق للجوال حلو مره http://www.arabtrvl.com/vb/t14921.html |
شكرا للجميع وقررت الحجز ف فندق سيركس الي يم دزني لاند لكن حاليا انا عندي مشكلة إحنا عددنا 6 ولقيت في موقع بوكينج.كوم غرفة اسمها Family connecting room فيها سرير واحد كبير وسيريرين أطفال فوق بعض .. لكن هل هذه الغرفه فقط ؟ ولا عبارة عن غرفتين فيهم سيريرين كبار مع سيريرين أطفال لانه مو واضح بالموقع صراحه |
http://uploads.tapatalk-cdn.com/2016...db77d94caf.jpg هذي الغرفة الي تقصدها؟!! تكون غرفتين متصلتين شوف شرح الغرفة واضح في الموقع fanda@arabtrvl |
اقتباس:
|
هم غرفتين بنفس هالسراير يعني كل غرفة فيها سرير كبير وسريرين فوق بعض |
| الساعة الآن 04:24 AM |
Powered by vBulletin® Copyright ©2000 - 2025, Jelsoft Enterprises Ltd.
Search Engine Optimization by vBSEO