|
ممكن تدخلوا السلام عليكم سبق ونزلت استفسار عن تخطيط رحله اوربيه بس ربي ماكتب لنا نسافر بسبب وفاة عندنا والحين بنرجع نخطط طبعاً بمساعدتكم واقتراحاتكم حيكون سفرنا باطن الله 15 ذو القعده وحابين بارييس وسويسرا والنمسا وحابين جداً نضيف هولندا طبعاً المده 20 يوم ان شالله والميزانيه حلوه عددنا انا وزوجي وطفله 5 سنوات ساعدوني في التخطيط ومن وين تنصحوني اطلع الفيزه متأمله تساعدوني في ترتيب رحلتي من نقطه الانطلاق الى العوده :2: وشكرررريا مقدماً |
الله يعظم اجركم واحسن الله عزاكم والله لايريكم مكروه في عزيز عندكم وان شاء الله خيره يارب بالنسبه لسفرتك اختي من رأي تلغون هولندا وتكتفون بالباقي لسبب : 1- اذا بتروحون من باريس الى هولندا اجباري تمرون بلجيكا وبلجيكا بها مابها الان 2- لايوجد خط قريبه من هولند الى سويسرا او النمسا اجباري الطريق ياخذكم بالغرب الالماني وهو طريق طويل يعني حيكون طيران في حال الغاء هولندا بيكون الجدول كالتالي : الوصول ميونخ والعوده من باريس او العكس ميونخ ليلتين زيلامسي او كابرون 4 ليالي هايدي ليله واحده انترلاكن 6 ليالي جنيف ليلتين باريس 5 ليالي موزعه بينها وبين دزني لاند في حال رغبتكم بالذهاب الى هولندا ميونخ ليله واحده زيلامسي او كابرون 4 ليالي بيرتساو او انسبروك 3 ليالي لوزيرن 3 ليالي بادن بادن 2 ليالي امستردام 3 ليالي باريس 4 ليالي موزعه مع دزني لاند المسافه من بادن بادن تقريبا 570 كيلو اذا تبغون مكان بالنصر ترتاحون فيه ليله ممكن تروحون دوسلدورف بألمانيا |
الفيزا حسب التخطيط اكثر دوله راح تقيمين فيها منها راح تطلعين الفيزا |
ماني حابه اروح ميونخ ماعجبنني كثير طيب لو طلعت الفيزا الفرنسيه ونزلت باريس بس مابنجلس كثير فيها تقريباً 3 او4 ايام بس والاكثر النمسا وسويسرا وحابه سالزبورغ والغابات السودا لو مثلاً الغيت هولندا اشوف الايام كثير ٢٠ ابي اوزعها تمام لاني اول مره اطلع ع اوروبا كنت حابه ازور هولندا كله عشان قيثرون بس |
اختي يعني لو تلغين سالزبورغ اقدر ارتب لج جدول حلو الذهاب الى باريس والعوده من امستردام على طيران ناويه تروحين !! عشان اتأكد في على امستردام دايركت الجدول كالتالي باريس انتر لاكن فرايبورغ (الغابات السوداء ) دوسلدورف هولندا لو رحتي سالزبورغ او زيلامسي او كابرون راح تطول عليج المسافه |
انا كنت ابغي تنزلين ميونخ فقط عشان تروحين سالزبورغ من قريب لان المسافه من ميونخ الى سالزبورغ فقط 140 كيلو يعني مب شرط تروحين ميونخ فقط من المطار الى سالزبورغ مباشره |
الطيران السعودي او الاماراتي اوكي ممكن ترتبها ليه واكون شاكره لك وكمان وضحلي نوع التنقل ايش الافضل والاسهل طيران او قطار وكذا .. |
يعني م ينفع نضم النمسا وهولندا تطول المسافه خلاص خلينا من امستردام النمسا افضل واماكنها اكثر |
سو سوري بتعبك معاي خلاص اعطيني خط رحله باريس وسويسرا والنمسا والمده ٢٠ يوم وايش تنصحني اضيف اماكن حلوه تكون وقريبه منهم وسووري مره تانيه |
العفوو اختي بالعكس حاضرين لج لأي استفسار ان شاء الله اليوم راح اعطيك التفاصيل بكل مكان وارتب الرحله واذا عندج استفسارات ثانيه ممكن تطرحينها وابشري بسعدج تحياتي لج |
وعليكم السلام عظم الله اجركم ورحم الله موتاكم وأموات المسلمين ماقصر خبيرنا القطري ف الرد بارك الله فيه وفيكم ٢٠ يوم مناسبة جدا وصول باريس وعوده أمستردام باريس ٣ طيران داخلي عَلى زيوريخ استلام السياره الذهاب مباشره الى سانت غالن ٣ ايام (منها زياره شلالات الراين وبيت هايدي ) انترلاكن او حولينها وهناك خيارات كثيره ٥ ايام فرايبورغ (الغابات السوداء) ٤ايام دوسلدورف ٣ ايام ( منها يوم لزياره مدينه الألعاب في sevenum الهولنديه ) جيثورن ٣ ايام أمستردام يومين او ضواحيها والعوده من هناك ولي رجعه ان شاء الله لموضوعك |
ثانكس ع الترتيب ع كذا الغينا النمسا كنا حابين نزورها طيب رايكم نكنسلها او نكنسل امستردام انا حتكون اول مره ازورهم. |
خلاص قررنا باريس وسويسرا والنمسا ابي التخطيط مع الايام والسكن والتنقل ومن فين نطلع الفيزا زوجي يقول الفرنسيه لانها مدتها تطول واقتراحاتكم لنا في كل شي معليش اول مره نزورها بتعبكم |
القياده حاليا ممنوعه ف النمسا لهذا السبب ماحبيت أضيفها لكم .. الفيزا استخراجها من الدوله الأكثر مكوث فيها .. اذا مالك رغبه ف هولندا خلي وصول ميوينخ عوده باريس او عكس المسار وصول باريس عوده ميونيخ |
طيب ماتنفع الفرنسيه لان اول مكان بنزوحه باريس بس اكثر مكرث ي النمسا ي سويسرا طيب وكيف لو متوقفه القياده ف النمسا ايش نستخدم في التنقل ..؟ |
ممكن تردوا والله محتارين محنا عارفين شي شكلي طفشتكم:49: |
اقتباس:
مرحبا اختي لازم تستخرجين الفيزا من الدوله الاكثر اقامه في حاله واحده تستخرجينها الى دوله الوصول وهي اذا تساوت المده معاها ومع الدول الاخرى لكن بوضعكم لازم مكان الاقامه الاطول الحل انج تسوين لج حجز وهمي في فرنسا بحيث تكون المده اطول وتستخرجين الفيزا من السفاره الفرنسيه اما الحجز الوهمي بمجرد الحجز تبطعين منه نسخه وبعدها على طول تلغين الحجز تأكدي قبل حجز الفندق بوجود الغاء مجاني + الدفع لاحقا بالنسبه للتنقلات داخل النمسا بالمترو والتنقل بين مدن واخرى اما بقطار او بسياره مع سايق والتنقل بين داخل الارياف باصات وتكاسي وسيارات بسايق |
طيب حلو باقي التخطيط باريس سويسرا والنمسا ابي توزيع الايام والاماكن الحلوه فيهم ولو عندكم ارقام سواقين في باريس اعطوني ؟؟ |
السواقين غالييين في باريس ماانصحك فيهم التاكسي أرخص منهم أو المترو أفضل وأريح |
صحيح اختي راح تكلفكم السواقين كثير خلكم على المترو حلو وسهل وممتع واسرع و ارخص لكم بالنسبه للتخطيط وتوزيعه الايام راح نوزع لج الايام في هذا الموضوع وبعد موافقتج ويكون توزيعها مناسب بعدها تطرحين موضوع منفصل لكل دوله في بوابتها اسستفسارج لفرنسا راح يكون هنا وسويسرا في بوابه سويسرا والنمسا في بوابتها حتى تستفيدين اكثر ويكون كل استفسار في بوابتها المخصصه لذلك تحياتي لج اختي وبالتوفيق يارب |
بالنسبه للتوزيع المبدئ 4 ليالي باريس ليلتين دزني لاند بحيره انسي ليلتين انترلاكن 6 ليالي فالنسي ليلتين زيلامسي او كابرون او هالشتات 4 ليالي بس اختي يعني الحجز كيف راح يكون الوصول باريس والعوده من ميونخ !! |
توني انتبه وانا اراجع ردودج انج بخاطرج في الغابات السوداء جذي راح يتغير التخطيط : الوصول باريس 3 ليالي دزني لاند ليله واحده انتر لاكن 6 ايام فرايبورغ ( الغابات السوداء و اوروبا بارك )4 ليالي زيلامسي او كابرون او هالشتات 4 ليالي ليلتين سالزبورغ او وولف قانق او موندسي |
| الساعة الآن 10:39 PM |
Powered by vBulletin® Copyright ©2000 - 2025, Jelsoft Enterprises Ltd.
Search Engine Optimization by vBSEO