|
احتاج رايكم في ترتيبي لسفرتي لشهر العسل حبيت اطرح برنامج سفرتي وأخذ رايكم فيه واذا احتاج أي تعديل عليه السفرة بتكون 15 ليله (26/04/2015 - 11/05/2015) مقسمة كالتالي: الطيران: طيران الإتحاد 5 ليالي فرنسا (ديزني لاند): السكن: Kyriad Disneyland® Paris وقت الوصول: الساعة 4 عصرا البرنامج: اليوم الأول راح يكون جوله استطلاعية بما إني راح أوصل العصر اليوم الثاني بروح بالميترو لوسط باريس: برج ايفيل صعوده والحديقة، جوله نهر السين، والجولة بالباص الأحمر لمعالم باريس اليوم الثالث: رحلة قصر فرساي، وجوله ثانية بالباص الأحمر مع النزول لأحد المعالم اليوم الرابع والخامس : ديزني لاند والاوت لت اليوم السادس والأخير: تجهيز الأغراض للإنتقال لبروج في بلجيكا ^ عندي استفسار هني .. أي افضل هل اروح لوسط باريس بالمترو وأخذ Thalys؟ أو اخذ على اقتراح اخوي qa6ar911 اني اروح دايركت من ديزني لبروج بالـ TGV - sncf وشلون أحجز له؟ :dunno: 5 ليالي بلجيكا (بروج): السكن: B&B De Bornedrager أحتاج اقتراحاتكم للترتيب واهم شي مصنع الشوكولاته :(141): 5 ليالي هولندا (امستردام): السكن: Best Western Dam Square Inn أحتاج اقتراحاتكم للترتيب وحابة أزور هاي الأماكن::(58): - قرية الطواحين - قرية الجبن - قرية الصيادين - روتردام ودلفتولاهاي - حديقة الزهور وبعدها العودة من مطار امستردام على طيران الإتحاد :(39): |
رد: احتاج رايكم في ترتيبي لسفرتي لشهر العسل عالسريع ٥ ليالي باريس ممتازة الأفضل كان تسكنون باريس على الأقل اول الأيام المخصصة لباريس بس الي اذكره انه قلتي حجزكم ما يتغير ؟!!! نجي للجدول اول يوم مثل ما قلتي استكشاف المنطقة وبعدها ممكن تروحون مول فآل دي يورب القريب من ديزني تمشي وعشا دام ناوين تصعدون ايفل الأفضل تحجزون قبل وترتبون يومكم على الوقت الي تلقونه لانه مو سهل المواعيد الباص الأحمر ما احس يحتاج يومين ... يوم واحد كافي تلفون الروت كامل ويمديكم بعد تنزلون مكان الي تبون ( اذكر انه دخول اللوفر مو من مخططكم) الرحله النهريه ممكن تكون في المساء اذا يمديكم الوقت او تنتقل لليوم الثاني اليوم الثالث فرساي ( بس ما يكون يوم الاثنين لانه مغلق ) وبعده ممكن مونمارت او الحي اللاتيني فيه مطاعم حلال ممكن تتغدون في واحد منها بخصوص القطار دام إنتوا في ديزني فالاريح طبعا القطار من هناك نزلتكم باريس بالشنط وتبديل محطات بتصير حوسه الحجز هين وتقدرين عن طريق النت ... انزل لج الرابط اذا فتحت اللابتوب وان شاء الله الي عنده خبره عن بروج وأمستردام يفيدك بس ٥ ليالي بروج احسها وايد خصصي يوم لبروكسل عالاقل |
رد: احتاج رايكم في ترتيبي لسفرتي لشهر العسل يا هلا اختي أم ريم ..:(125): اي الحجز ما يتغير ..:(7): بخصوص بروج انا بسكن فيها على انها أهدا من بروكسل بس اكيد ما بتكون كل رحلاتي فيها انا في بالي اروح يوم أو يومين بالمترو لبروكسل او على حسب البرنامج |
رد: احتاج رايكم في ترتيبي لسفرتي لشهر العسل ما قصرت ام ريم ليش ما تخلين روحتك لايفل عبر الباص الاحمر وتنزلين ومن بكره تكملين الباقي ويفضل تنزلين من عند ميدان ترايكادور منه تقدرين تصورين افضل صور لايفل وفيه اكوايم صغير قريب المحطه أو اخذ على اقتراح اخوي qa6ar911 اني اروح دايركت من ديزني لبروج بالـ TGV - sncf وشلون أحجز له؟ :dunno: tgv حاليا بالعربي سهل الحجز |
رد: احتاج رايكم في ترتيبي لسفرتي لشهر العسل أووكي اخووي فيصل ماقصرت يالشيخ :(39): أم ريم انتظر من صوبج رابط الموقع :(39): وننتظر راي اخواني البقية :(153): |
رد: احتاج رايكم في ترتيبي لسفرتي لشهر العسل |
رد: احتاج رايكم في ترتيبي لسفرتي لشهر العسل انا بااااااااك :detective2: الله يعطيها العافيه خبيرتنا ام ريم ومديرنا فيصل بيض الله وجهيهم ماقصرو بالنسبه لحجز الفندق في دزني لاند مايتغير صح !! لو حاجزه اول ليلتين او ثلاث في باريس عشان مايكون طريقج طويل لما تروحين فرساي وعشان مب كل مره تروحين مشوار باريس اذا كان السكن في دزني لاند اكيد اختي الافضل والاريح لج تاخذين القطار من دزني لاند الى بروج وقلت لج تبدلين قطارين في الرحلة عشان يكون توصلين اسرع مابين 3 ساعات و 19 دقيقه الى 3 ساعات و 31 دقيقه والي يبدل قطار واحد فقط يوصل في 4 ساعات و31 دقيقه يعني ياخذ وقت اكثر اذا تبغين نساعدج بحجز رحلات القطار او نساعدج في اختيار الرحله خبرينا ماراح نقصر معاج ان شاء الله ان شاء الله بنسوي لج جدول أبشري تبغين تزورين فقط مصنع الشوكلاته او تبغين انتي تسوين شوكلاته بنفسج وتاكلينها :essen: ان شاء الله رجعين للجدول للمناطق الي بتزورينها وكل الي تحتاجينه ان شاء الله |
رد: احتاج رايكم في ترتيبي لسفرتي لشهر العسل ولكـم أخووي qa6ar911:yolks00550: بخصوص حجز ديزني ما بقدر اغيره :yolks0080: وعن حجز القطار .. انا دخلت على الموقع الي عطتني اياه اختي Fanda يزاها الله خير بس شوي تلخبطت فيه ماعرفت شنو الي اختاره:yolks00570: انتظر من صوبك الجدول بفارغ الصبر:yolks00650: وعن الشوكلاته انا مينونه فيه فيعني لو يستوي الثنين احسن :yolks00310: |
رد: احتاج رايكم في ترتيبي لسفرتي لشهر العسل يسلمووو اختي :(40): هههه ان شاء الله أبشري بالجدول الليله بأذن الله بالنسبه لحجز القطار ان شاء الصور تكون واضحه سويتها على السريع ههههه 1- تدخلين على الموقع وتكتبين نفس البيانات بالصوره مع تحديد فئه العمر تحت وعددكم وتأكدي من التاريخ http://up.arabseyes.com/uploads2013/...9162112941.png العاب 2- هنا مرحله اختيار الرحله الي تناسبكم شوفي اي وقت يناسبكم الصوره الي ظاهره ان الرحله 4 ساعات و6 دقايق بس شوفي اوقات ثانيه بتحصلين 3:31 و 3:19 ولما تضغطين المستطيل الازرق في اي رحله تطلع لج التفاصيل والمسافه معاها مثال الرحله الي تحتها يمشي القطار الساعه 10:23 اضغط على الازرق بتشوفين المسافه 3:31 http://up.arabseyes.com/uploads2013/...9162124772.png العاب 3- هنا تفاصيل الرحله وتحت تختارين سياحيه او درجه اولى http://up.arabseyes.com/uploads2013/...9162133353.png العاب 4- هنا تكتبين بياناتكم الشخصيه وتستمرين لين الاخير واي شي توقفين عنده خبريني عشان اوضح لج زياده http://up.arabseyes.com/uploads2013/...9162139834.png العاب ان شاء الله يكون واضح بالتوفيق اختي :(125): |
رد: احتاج رايكم في ترتيبي لسفرتي لشهر العسل اختي حاولي مره ثانيه مع المكتب الي حجزتوا منه حتى لو تدفعون مبلغ زياده شوي بس تشترون راحتكم غير المشوار اليومي لباريس فالرحله الى بروج ما احسها بتكون مريحه حاولوا العفش يكون اقل ما يمكن والشناط ما تكون كبار عشان الصعده والنزله من القطارات |
| الساعة الآن 07:52 PM |
Powered by vBulletin® Copyright ©2000 - 2025, Jelsoft Enterprises Ltd.
Search Engine Optimization by vBSEO