|
ترتيب رحله الى اوروبا , السلام عليكم , لوسمحتوا احتاج ترتيب رحله الى فرنسا وكم دوله مجاوره اول مره اسافر اوروبا احنا عائله , نبغى دول ممتعه يهمنا التسوق , الضجه والأماكن الترفيهه مانحب الطبيعه مره , نبغى رحله تقريبا عشرين يوم , ميزانيه ممتازه الحمدلله , مع اماكن السكن وشكرا لكم , |
رد: ترتيب رحله الى اوروبا , وعليكم السلام هل معاكم أطفال ؟! شنو القصد من ضجه وأماكن ترفيهية ؟! متى الرحله؟! في إمكانية تتاجرون سياره؟! |
رد: ترتيب رحله الى اوروبا , اقتباس:
مرحبا مشرفتنا الكبيره ام ريم بعد اذن اخوي العضو يقصد مايبغي الارياف او بحيرات وهالسوالف يبغي داخل المدن الكبيره والاسواق والزحمه والقرقعه ههههه:yolks00250: |
رد: ترتيب رحله الى اوروبا , مع باريس ممكن ميونخ او برشلونه بس دامها 20 يوم خصص كم يوم للارياف والطبيعه صدقتني ما راح تملون ابد |
رد: ترتيب رحله الى اوروبا , مرحبا اختي اشرايج باريس + بروكسل + لندن من بروكسل الى لندن بقطار يورو ستار دايركت والمسافات كلها بسيطه ماتاخذون وقت طويل من باريس الى بروكسل بالقطار ساعه و 25 دقيقه دايركت من بروكسل الى لندن بالقطار بين ساعتين الى ساعتين وربع دايركت اماكن كلها ضجه اختي وتمشي واسواق وكوفيهات |
رد: ترتيب رحله الى اوروبا , لندن باريس بادن بادن جنيف لو تحبي المدن والصخب باستثناء بادن بادن لكن قريب منها يورب بارك |
رد: ترتيب رحله الى اوروبا , لندن حلوه وضجه لكن يبيلها فيزا ثانيه ممكن باريس بروكسل امستردام او من باريس الي برشلونه او مدريد ومنها العوده طيران ايزي جيت او فلينق رخيص اذا حجزتم بدري |
رد: ترتيب رحله الى اوروبا , اقتباس:
طفل واحد عمره 9 سنوات اماكن ممتعه اسواق ملاهي ماهي هاديه ولاريفيه |
رد: ترتيب رحله الى اوروبا , اقتباس:
اختي فكري بخيارات الخبراء والمشرفين واذا قررتي زيارد بريطانيا انصحج وبقوه بمدينه Blackpool السنه الي راحت كنت مع العيال استمتعو كثير وهي منطقه ساحليه شمال غرب المملكه المتحده وعلى البحر مدن كثيره للملاهي واسواق ومكان يعج بالحركة والسياحه وطبعا الافضل يكون مكان السكن مانشستر الجميله والعوده منها الى ارض الوطن |
رد: ترتيب رحله الى اوروبا , الخيارات كثير ومتنوعه وأوروبا التنقل بين مناطقها ودولها سهل جدا أفضل شي تحدد من الخيارات الي انطرحت او تاخذ لفه سريعة في البوابات الاوروبيه وتشوف اي اكثر دوله تناسبكم وعلى اساسها نرتب الجدول من تقسيم الأيام وطرق المواصلات |
رد: ترتيب رحله الى اوروبا , السلام عليكم . قررنا ان شاء الله الرحله كالتالي , هولندا : امستردام ليلتين , فرنسا : باريس 4 ليالي , باريس ديزني لاند , 3 ليالي سويسرا , ماحددنا اي مدينه للحين بس اضن جنيف وانترلاكن , وشورا علي ايطاليا : ميلانو وايش غيرها ؟ الايام تقريبا 20 كذا قسموها على المدن بحسب حاجه كل مدينه ونبغى شقق فندقيه ايش افضل الاماكن بالسكن لكل المدن وشكرا |
رد: ترتيب رحله الى اوروبا , رد معدل با الاسفل |
رد: ترتيب رحله الى اوروبا , بالنسبه لمسافات القطار بالنسبه للمدن الي ذكرتيها اذا مناسبه لج توكلي على الله على اساس نشوف لج موضوع السكن امستردام - باريس 3 ساعات و 21 دقيقه دايركت بدون تبديل باريس - جنيف 3 ساعات و 16 دقيقه دايركت بدون تبديل جنيف - انتر لاكن ساعتين و 42 دقيقه تبديل قطار واحد انتر لاكن - ميلانو رحلات متفاوته في بعض الرحلات تبديل قطار واحد والمسافه 3 ساعات و 7 دقايق حاولو تروحون على وحده منهم لان بعظهم رحلاتهم طويله بالنسبه لتقسيم الايام : امستردام 4 ايام باريس 4 ايام دزني لاند يومين جنيف 3 ايام انتر لاكن 4 ايام ميلانو 3 ايام لين استقرينا على المخطط نشوف السكن ان شاء الله |
رد: ترتيب رحله الى اوروبا , اهم شي عند الحجز يكون نقطة الوصول غير عن نقطة المغادرة ممكن مخططكم يكون أمستردام بروكسل باريس ديزني جنيف انترلاكن والعودة من زيورخ او ممكن المواصلة الى ميلان مرورا بلوقانو |
رد: ترتيب رحله الى اوروبا , السلام عليكم ورحمة الله وبركاته الغالي المسافر اذا من السعودية اقترح عليك ولا يهونوا الأخوة المشرفين الوصول باريس (بحكم سهولة اجراءات الفيزا) والعودة من جنيف او ميلان (طيران مباشر) ويكون الجدول كالتالي باريس (4) - يوروديزني (3) - امستردام قطار او طائرة (3) - جنيف بالطائرة (3) - انترلاكن (4) - ميلان (3) |
رد: ترتيب رحله الى اوروبا , السلام عليكم صار تغير بسيط , احنا بدينا بهولندا لان الفيزه بتكون هولنديه ان شاء الله هولندا ليلتين , باريس اربع ليال ديزني لاند ثلاث ليال جنيف ثلاث ليال ميلان 3 ليال وفنيسيا 3 ليال شرايكم ؟ وهل فنيسيا تناسب لعائله وممتعه ولا تزهق ؟ |
رد: ترتيب رحله الى اوروبا , وعليكم السلام بالنسبة لباريس ٤ ليالي جيدين ديزني ٣ ليالي أشوفهم كثير خصوصا انه معاكم طفل واحد بس الا اذا إنتوا تحبون جو الألعاب من جنيف الى ميلانو المسافه طويله كان أفضل لو كانت انترلاكن نقطة تقريب مسافه بين الاثنين فينيسيا أنتوا وذوقكم اذا تحبون التمشي والساحات راح تعجبكم بس الأنشطة فيها محدودة جدا |
رد: ترتيب رحله الى اوروبا , اختي راجع بالنسبه لأستفسارج بس عندي ملاحظه ليش البدايه من هولندا عشان استخرجتو الفيزا منها !! وشلون كان ترتيبكم قبل التعديل المفروض تطلعون الفيزا من الدوله الي بتجلسون فيها مده اطول وليس اول دوله تدخلونها يعني بترتيبكم الصح يكون من السفاره الفرنسيه |
| الساعة الآن 12:20 PM |
Powered by vBulletin® Copyright ©2000 - 2025, Jelsoft Enterprises Ltd.
Search Engine Optimization by vBSEO