مسافرة لباريس وعندي سؤال
 

السلام عليكم
مسافرة الى باريس اول ايام العيد ان شاءالله ومدة الرحلة 10 ايام ونحن عائلة أم وأب وثلاثة اطفال
سؤالي كم ممكن تكلف الرحلة مع العلم اني دفعت تذاكر الطيران والفندق وأريد فقط ان اعرف كم ستكلفني المعيشة هناك لمدة 10 ايام مع ديزني.
شكرا

رحلة سعيدة اكيد حسب اختيارك للمطاعم كلاً له ميزانيته
انا تقريباً رايحة ذو القعدة وودي اعرف سعر تذاكر ديزني وافضل شي ع كثر م قريت مافهمت شي [emoji28]


أرسلت بواسطة iPhone بإستخدام Tapatalk

وعليكم السلام ورحمة الله وبركاته

من واقع الخبره راح يوصل مصروفكم اليومي من الصبح الي المساء مع الوجبات والمواصلات

من ال 700 الي 1000 يورو باليوم

تذاكر ديزني تقريبا 70 يورو للشخص

هلا باخوي فيصل لا فعلا كنت اقصد 700 الي 1000 يورو بس مو التذاكر حقت ديزني هههههه

حق المصروف اليومي عائله كامله راح تاكل وتشرب وتاكسي وتكتك من الشانز لي ايفل :25:

وقهاوي وايس كريم من هاقن داز :25: بس انتبهو ترا بعضهم فيها كحول

ممكن صح شخص عن شخص تختلف ميزانيته ومصروفه

بس صدقني الي بيطلع الصبح مابجيبه غير ال 250 العصر راح يتوهق

انا عشت فتره طويله في باريس واعرف الوضع زين صدقني العائله غير الشباب

وفي ناس تسافر علشان يقول انا سافرت بس

يعني لايسكن عدل ولا ياكل عدل ولا يتبضع ولا يلعب بالملاهي

بس يطالع بعيونه وياكل رخيص ولا يشتري شي لان الميزانيه ماتكفي

ماقصد بكلامي تجريح لي احد الكلام هذا اقوله بحسن نيه وهذا الواقع

تقبلو مروري :e304:

كبير يابو غازي

احبك :e20c:

بس 700 يورو مبالغ فيها جدا
انا رحت باريس 10 ايام عددنا اربعه انا وزوجي وطفلين وكنا نتمشى من الصبح لليلل وناكل في مطاعم غاليه ونتنقل بتكسي اوبر حتى المترو ماجربناه ورحنا فراساي وحديقه الحيوانات ودزني وكنا نصرف في اليوم من 250-300 يورو

وبالنسبه لدزني افضل لك تخلينها اخر الايام وتسكنين ٣ ايام جنبها المنطقه حولها جميله جدا وفيها الاوت لت ومول مره حلوه من احلى موالات باريس

الوجبه الوحده تساوي تقريبا 25 يورو للشخص الواحد ضرب 4 = 100 يورو هذا الغدا

والعشا ايضا 100
والفطور بقول 50 نص القيمه اصبح الوجبات الثلاث ب 250

طيب القهاوي والعصاير والايس كريم نبي نقسمها ايضا علي 3 فترات بعد كل وجبه مايقارب 100 الي 150

احنا لي الحين بالاكل والشرب

التاكسي اخذه من الشانز الي فريزر لاديفانس ب 10 يورو رايح بس رغم قرب المسافه
لو قلنا طول اليوم مشاوير روحه ورده بياخذ عليكم تقريبا من ال 70 الي 100 يورو

لو بتدخلين متحف او ملاهي او سينما الخ 4 اشخاص مايقارب 60 يورو

وانا لي الحين مادخلت بالمشتريات لو بحسب المشتريات حدث ولا حرج

انا متاكد انج مو حاسبتها عدل لان الزوج الي يصرف ههههه

هذي باريس صلو علي النبي

اذا انتي ١٠ ايا انا صارلي 5 سنين علي التوالي مره اقعد سنه كامله ومره ٦ شهور ومره شهرين وهكذا

عليك بالخبره :65:

انا مستعد احط جائزه :e131: حق اي عائله تسافر باريس بالصيف وتطلع من الصبح وترجع بالليل ما معاهم الا 300 يورو

بس علي شرط مو يقزرها ماكدونالدز وكله مشي ماركب تاكسي ولا يروح حق الالعاب

ابيه يعيش مسافر عادي والله مايقدرون