![]() |
احتيار بين فندقين في باريس السلام عليكم ورحمة الله وبركاته احتاج فزعتكم في الاختيار الامثل من بين هذين الفندقين: فندق ميليا باريس لاديفانس وكانت احد اقتراحات مشرفنا القطري الله يجزاه خير. الي اعجبني فيه كبر الغرفة اضافة الى سعره المغري.. وعلى مقربة من المترو. يعيبه البعد على حسب قراءاتي وبعض سياسة الفندق الغريبة فيما يخص التأمين. وبين فندق ماتيس والواقعة على مقربة كبيرة من الشارع الشهير الشانزلزيه وسعره مقارنة الى موقعه وتقييمه جدا ممتاز لكن غرفه صغيره.. من الخريطة حسيت انه المنطقة غير حيوية.. مجرد شارع يخلو مثلا اسوق او مقاهي.. محتاج فزعتكم ومشورتكم |
وعليكم السلام انا كنت ساكنه في (اداجيو اسبليندد) قريب من فندق ميليا والمنطقة المساء بعد نهاية الدوامات على الساعة 6 تقريبا موحشة وكئيبة |
شكرا لك زهرة تنبيهك افادني كثيرا.. ارفض الاماكن الكئيبة.. ابغى منطقة اكثر حيوية عشان الخدمات والامان يعطيك العافية |
عليك بالفنادق القريبه من الشانز كثييييررر ورخيصه تروح وتجي على رجليك وكل شي قريب لك |
اغلب الفنادق القريبه من الشانز مساحه غرفها صغيره للاسف بس الافضل لك تاخذ قريب من الشانز وتطلع للاماكن اللي تبيها مشي افضل لك من التاكسي أرسلت بواسطة iPhone بإستخدام Tapatalk |
الشانز حيوي غرف صغيره مزعج بنظري لاديفانس غرف كبيره مناسب للسائح اللي يصحي بدري |
انا حاجز في اجنحة فريزر لو كلاريدج مطل على الشانزلية فوق سيفورا ممتاز وتحته جميع الخدمات |
ميليا لاديفانس ممتاز جدا جديد و نظيف مساحة الغرف ممتازه موقعه قبال محطة المترو تماما وقريب منه خدمات شخصيا أفضله على فندق الشانز |
وعليكم السلام ورحمة الله وبركاته انا من عشاق لاديفانس وسكنت فيها قرابة ال 5 سنوات متقطعه بس فترات طويله كنت علاج وانا اشوف انها من افضل الاماكن اقامه بحيث السعر والهدوو والسنتر من ناحية المواصلات الدرجه الاولي لي التنقل في باريس هو المترو لانه خط معروف والاسرع وهو افضل من استخدام السياره القياده هناك غير عن بلداننا من الناحيه المروريه وكذالك الزحمه والادهي المواقف صعبه وايضا سوق الفصول الاربعه والي فيه كل الماركات العالميه وايضا المقاهي والمطاعم والسوق شررح وحلو وباللنسبه للفندق الي هو الموضوع الاصلي لهذا المقال انا ارشح ميليا لاديفانس الفندق جديد وحلو ولو انه غالي شوي بس يستاهل تقبل مروري المتواضع ترا اول مره اكتب في منتدي ولا اعرف شي يبيلي ارتب الكلام وهالسوالف بس مع الوقت ان شالله |
اسعار العقار اقتباس:
بالاديفانس ( كوربوفوا ) او مقابل النهر وشكرا |
الساعة الآن 10:03 AM |
Powered by vBulletin® Copyright ©2000 - 2025, Jelsoft Enterprises Ltd.
Search Engine Optimization by vBSEO