|
فرنسا مع الاحداث الأخيره السلام عليكم قريت ان فرنسا اعلنت حالة الطوارئ ثلاث اشهر بعد هجوم نيس وانها مستهدفه والاوضاع مضطربه واحنا مقررين من قبل الهجوم .. في اكتوبر ان شاء الله السفر الى باريس 4 ايام ومنها طيران الى نيس ونستأجر سياره ونجلس 4 ايام في الريفيرا ونطلع على ميلان 7 ايام والعوده من ميلان لكن للأمانه متردده كثير انا وزوجي بعد الهجوم الاخير في نيس وفي المقابل تعلقي الشديد بزيارة الريفيرا وخاصة كان فكرت اكنسل باريس واكتفي بميلان والذهاب بالسياره الى الريفيرا من هناك .. مع العلم اني لم يسبق لي زيارة باريس لكن ممكن اني اتنازل عنها لو الوضع صعب لكن الريفيرا لا😢 هل تتوقعون بعد شهرين من الان الاوضاع حتتغير ؟؟ واقتراحاتكم ببديل ممتاز لايقل عن الريفيرا جمالاً خاصة اني افضل الشواطئ والمدن الساحليه |
هلا بك اختي حتى لو من بكره تسافرون مافيه مشكله طالما انتم سياح ماراح تتضايقون ولا في اي مدينه ان شاء الله فقط حيكون تشديد في الوصول على التفتيش والتدقيق وانتم ماتفرق معاكم وطالما طلعت تاشيراتكم صدقيني عارفين كل شي عنكم توكلو على الله وزوري باريس وما بيجيكم شي الا العافيه تحياتي |
اقتباس:
روحي وانا اخوك ماعليكم الا العافية باذن الله بس اهم شي أهم شي اهم شي احترموا قوانين البلد ولاتخلفونها ترا الفرنسيين لازالوا في مرحلة الصدمة لكن من واقع خبرة تراهم طيبين روحوا وانبسطوا والله يهنيكم ياكريم اخوك ابوريما |
اعتقد اعلان الطواري فقط في نيس |
جميل شكراً لكم استفسار آخر احتاج مساعده في ترتيب الميزانية كم تتراوح ايجار السيارات وخاصة الكشف ؟؟ وكم ممكن يكلفني البنزين بحدود كم الصرف اليومي في مدن الريفيرا ؟؟ هل 1000 ريال كافيه او نزيدها ميزانيتنا مبدئيا بحدود 35 الف لشخصين شامله كل شي ماعدا التذاكر .. هل ترونها كافيه خاصة الفنادق المختاره من فئة 4 نجوم |
بعد السكن كم متبقي من الميزانيه ممكن الف ريال تكفيك وممكن أقل أنت تتحكم بصرفك باقي لك أجره السياره الكشف لازم تحدد نوعها وتاريخ أجرتك ونوع التأمين |
استخير وتوكل على الله انه كنت في فرنسا بعد شهر من احداث شارلي أبدو والوضع كان طبيعي جدا حتى المطار كان الإجراءات كانت طبيعية الميزانية تختلف من شخص للثاني بس دامكم شخصين سهل التحكم في مصاريفكم حجز التذاكر والفنادق و حتى السياره المبكر يساعدك في الحصول على أسعار ممتازه |
:e136:شكراً للجميييع ما ادري فيه في باريس دراجات خاطري اخذ لفه فيها بحديقة مثل الهايدبارك :e136: |
باريس 3 ايام السكن في Fraser Le Claridge Champs-Elysées جناح تنفيذي غير مطل عالشانز بس عشان الاستفاده من الموقع نيس 4 ايام السكن في ميركيور وحصلت عرض مذهل في كارلتون كان نفس المده بفرق الف وشوي عن ميركيور قبل كم ساعه عقلي يقول نسكن في نيس وقلبي يبغى كان ؟! باقي معانا تقريبا 6 ايام ما ادري هل هي كافيه للذهاب لميلان وفينيسيا وبيزا وكومو ولوقانو ؟؟ الاقامه في ميلان وزيارة الباقي بالسياره او جينيف وانسي و شموني وانترلاكن بس اخاف يكون الجو بارد جدا واخاف من الملل ايضاً ما ابغى تضيع الايام في التنقلات اقتراحاتكم وملاحظاتكم لاهنتو |
6 ايام كافية نيس و كان فريبين جدا من بعض 35 - 40 كم اسكني في اللي ترتاحي له اكثر (انا مع العقل في نيس) بس ابيزا ؟؟ هذه جزيرة تابعة لأسبانيا اتوقع تقصدين بيزا كيف بتروحين من نيس الى ميلان (بالسيارة ولا طيارة ولا قطار)؟ اذا طيارة، خليها نيس - فينيسيا فينيسيا ليلتين بعدين بالسيارة الى ميلان اذا بالسيارة روحي بيزا اول ويعدين فينيسيا وبعدين ميلان |
| الساعة الآن 01:03 PM |
Powered by vBulletin® Copyright ©2000 - 2025, Jelsoft Enterprises Ltd.
Search Engine Optimization by vBSEO