|
استفسارات صغيره ياجماعه السلام عليكم ورحمه الله عندي كم استفسار .. ان شاء الله طالع الى باريس بتاريخ 5ـ12ـ2016 وراح اقعد فيها 5 ايّام ومن باريس راح اتجه الى لندن عن طريق القطار .. سؤالي يا اخون عن المحطة الي تنقلاني الي لندن ؟ ايش اسمها ووين مكانها بالضبط وكيف طريقه حجز التذاكر (تنصحوني أحجز اون لاين )؟ وعندي استفسار عن ديزني لاند والأوت لت ،، هل صحيح انهم يقعون على خط واحد بالقطار ؟ وكيف أطلعهم من وسط باريس ؟ علما أني ساكن قريب الشانز |
وعليكم السلام ورحمة الله وبركاته بالسلامة ان شاء الله من باريس محطة قطارات شمال باريس PARIS NORD والأفضل تحجز اونلاين ديزني والاوت لت في خط واحد الرير الأحمر Line A RER من الشانز تركب المترو وتغير المحطة مع تقاطع الرير |
ما قصر حبيبنا لابد تحجز أون لاين لأن موعد رحلتك إلي لندن يعتبر موسم |
وعليكم السلام مثل ما تفضل ابو مهاب من باريس محطة Paris Gare Du Nord توصلك مباشر لندن محطة London St Pancras ديزني على خط الرير الأحمر ، شوف الأقرب لمكان سكنك من الشانز ممكن تاخذ خط مباشر من محطة Chales de Gaulle Etoile الى اخر محطة بالخط Marne la Vallee تكون محطة ديزني الاوتلت قبل بمحطة يكون واسمها Val d' Europe الحجز اونلاين افضل عشان تظمن الوقت و اليوم الي تبيه وممكن تلقى عرض عالسعر |
مرحبا اخوي ماقصرو الاخوان جزاهم الاخوان افادوك بكل الي تحتاجه لكن عندي ملاحظه صغيره ومهمه جدا بالنسبه للخط الاحمر RER-A الي ياخذك على الاوت لت ودزني لاند طبعا من الشانز كما ذكرت لك مشرفتنا الكبيره ام ريم من محطه Chales de Gaulle Etoile لكن مادري هل للحين معظم هالخط مغلق ام لا لاني ماعرف مده اغلاق جزء من هذا الخط اذا صادف بوقت وجودك ان الخط مازال مغلق اعطيك الحل : من الشانز وتروخ لمحطه Chales de Gaulle Etoile وهي جنب دوار قوس النصر او محطه George V قدام محل LV لويس فوتو وتاخذ الخط الاصفر 1 وتنزل في محطه Nation ومن هذي المحطه تاخذ الخط RER-A الاحمر الى الاوت لت ودزني لاند لان محطه Nation الخط فيها شغال الى دزني اما باقي المحطات RER-A مغلقه لكن بتأكد لك اذا فتحو الخط او للحين وبالتوفيق |
يعطيكم العافيه ,, ماقصرتو كفيتو و وفيتوو :6: |
| الساعة الآن 12:47 PM |
Powered by vBulletin® Copyright ©2000 - 2025, Jelsoft Enterprises Ltd.
Search Engine Optimization by vBSEO