|
ترتيب جدول لزيارة باريس السلام عليكم لو سمحتوا ممكن تساعدوني بوضع جدول لزيارة أوربا لمدة 20 يوم بداية بباريس و نهاية بأمستردام |
رد: ترتيب جدول لزيارة باريس وعليكم السلام متى وقت الرحله كم العدد وهل معاكم أطفال شنو تفضلون من أنشطه : تمشي ، متاحف ، طبيعه ... في بالكم مناطقه معينة حابين تزورونها |
رد: ترتيب جدول لزيارة باريس اهلين اختي fanda انا مسافره انا واولادي ولد 18 سنه و بنت 16 والصغير 12 انا زرت باريس في 2011 بس اولادي اول مره نفسهم يزوروا ديزني ماني عارفه باريس تكفيها كم يوم وحجزنا في يوم 16 جولاي الى باريس و مغادرة يوم 5 اوغست من امستردام و تسلمي عزيزتي على الرد |
رد: ترتيب جدول لزيارة باريس اذا إنتي و اولادك بالإعمار الي ذكرتينها فمعناه خيار استئجار سياره مستبعد عشان جذي رح نركز عالمناطق القريبة والي يمكن الوصول اليها بالقطار بسهوله ممكن باريس ٥ ايام ديزني ٣ ايام بعدها بلجيكا ٤ ايام ( بروكسل - بروج ) دوسلدورف ٤ ايام أمستردام ٤ ايام المسافات بالقطار بين المناطق ما تتعدى الساعتين ونص اكثر شي ممكن تحذفون دوسلدورف وتكون الرحله بين فرنسا بلجيكا وهولندا |
رد: ترتيب جدول لزيارة باريس ماقصرت مشرفتنا ام ريم ابدعت وعطتج المخطط الممتاز الوصول باريس دزني لاند ومن دزني لاند تاخذون القطار المتوجه الى بروكسل رحلات مباشره مدينه بروج البلجيكيه ومن بروكسل تاخذون القطار المتوجه الى بروج مدينه امستردام ومن بروج بالقطار الى امستردام اذا اعجبج الجدول نروح للفنادق بالتوفيق |
رد: ترتيب جدول لزيارة باريس الاخ قطر جزاك الله خير عجبني المخطط بس حابه ديزني بعد كم يوم من الوصول ومن جد الفنادق مشكله عشان العدد 4 والقريبه من الشانز غاليه جداً انا المهم عندي في السكن يكون آمن و قريب من المترو |
رد: ترتيب جدول لزيارة باريس ما قصروا المشرفين وافضل خيار مسار الفنادق جربي لاديفانس ارخص وفيها شقق لا تروحي ويكند لديزني ممكن تاخذون يومين في ديزين بالسكن في ماجيك او اكسبلور ومشرفتنا لديها خبره |
رد: ترتيب جدول لزيارة باريس ٤-٥ ايام في باريس كافيه تزورون معالمها الرئيسيه بعدها ديزني يومين او ثلاثه حسب ما تفضلون كل ما قربتوا من الشانز او ايفل أسعار السكن تزيد في أماكن ثانيه مناسبه للعوائل وامنه وأسعارها انسب لو تحددين ميزانيتكم لليله ممكن نساعدكم في الاختيار ديزني فنادقها أرخص وأسهل أنكم تلقون غرف تناسبكم لانها مصممه للعوائل فاغلب الفنادق يكون فيها غرف تكفي ٤ أشخاص |
رد: ترتيب جدول لزيارة باريس جزاكم الله خير جميعا ممكن تحددوا اسماء فنادق معينه الميزانيه في حدود 1000 الليله |
رد: ترتيب جدول لزيارة باريس ٣ مرات اكتب رد بأسماء الفنادق ويطير :yolks00340: |
| الساعة الآن 07:50 PM |
Powered by vBulletin® Copyright ©2000 - 2025, Jelsoft Enterprises Ltd.
Search Engine Optimization by vBSEO