|
شايب ومع عائله محتاج فزعتكم في باريس السلام عليكم من بعد الشرق وسفراتي هناك بين ماليزيا اندونسيا والهند مع اني اصرف فيها اكثر من اوربا بس كنت وما زلت مقتنع انها الافضل بنفس المبلغ الي اصرفه في اوربا اعيش ملك هناك واسكن واكل بافخم الاماكن ومناظر طبيعيه وكل شي بس عاد المره هذي تم هزيمتي من العائله وقالوا مهوب على كيفك :61:لازم نغير الي اوربا وتم الحجز على باريس والعوده من جنيف مده الرحله 12 يوم حجزت اربع ايام في باريس لا ديفانس Fraser Suites Harmonie Paris La Défense مده اربع ايام وبعدها استاجرت سياره 7 راكب Ford S-Max نوع السيارة Budget المزود والذهاب بالسياره الي جنيف والسكن في سكن لا ريزيرف جنيف فيرني فولتير فيرني فولتير, فرنسا بقرب جنيف ع الحدود الفرانسيه وتسليم السياره في مطار جنيف الجانب الفرانسي اعضاء الرحله سته انا والمدام وابنتي فوق 18 سنه وولد 16 سنه وطفلتين 11 سنه و9 سنوات هذه مقدمه عن الرحله واستفسارتي التي احتاج فزعتكم بها 1-التنقلات في في باريس حسب السكن حقي فهمت اني ساكن جنب المترو الله يستر لا يزعجني:28: واني اقدر اروح منه الي دزني والشليزيه بدون تغير محطات يعني اطمر واركب واطمر وانزل بالمكان الي تبي:17: هل معلوماتي صحيحه او شايب ومضيع:27: وهل اشتري التذاكر بالمكينه او اشتريه من الباعه وايش افضل تذكره وهل الباص السياحي الاحمر كويس وما هي فكرته عشان تعرفون اني من مواليد باريس بس عايش بالرياض 2-جدوال مبسط حق اربع ايام من ضمنها دزني وقبل شوي اسولف مع الاولاد قلت تبغون متاحف قالوا فيها اللعاب :28:عرفت انهم مهوب وجيه باريس حدهم ملاهي الحكير يعني نبي جدول خفافي نصور عن باب المتحف وما ندخل عشان يقولون رحنا هناك:17: 3-الاكل كيف الاسعار هناك والوجبات السريعه هل هي حلال هم يحبون الفاست فود لو تحطه عند افخم مطعم وجنبه ماك طمر ع ماك وهذا من رحمه ربي فيني ههه يوفرون علي 4-النت هل الافضل اشتري شريحه من هناك او افعل خدمه التجوال الدولي مع النت من هنا عندي موبايلي 5-الاسواق والمشتريات هل هي مناسبه للتسوق او الاسعار والماركات بالسعوديه ارخص ونفس الشي افكر اشتري ساعه هديه للبنت بمناسبه التخرج ومحتار اخذها من هنا او من جنيف 6-القياده في فرنسا صعبه انا اباخذ السياره اخر يوم وبطلع ع جنيف 7-تذكرت شي ههههه الان ان طلعت الفيزا وحسب كلام المكتب يقول صلح تامين صحي بس ما اشوفه عطني تامين هل هي تاتي مع الفيز الشنقل؟ اذا تذكرت شي كما اتوقع ابرجع لكم:17: صح تذكرت الطقس كيف وضعه تقريبا بعد عشر ايام وبالنسبه للملابس احتاج شتوي وهل الحجاب هناك ممنوع يعني كيف تتحجب المراه |
اقتباس:
ياهلا ومرحبا فيك اخوي تشرف الاجابه فوق باللون الاحمر |
وعليكم السلام ورحمة الله لم يترك لي الاخ وجهات اوروبيه اي شئ لاضيفه ماشاء الله قال كل شئ الله يعطيه العافيه فقط نقطة الحجاب.لا مشكله هناك في الحجاب.فانا طول عمري محجبه ابنتي نفس الشي ولم نتعرض لمضايقات او اي شئ من هذا القبيل...فاريدك ان تطمن من هذه الناحيه وبالنسبه للطقس عادة هو سخن لكن مش زي سخانتنا فيكفي جاكيت خفيف للمساء اضافه اخرى..بداية من الغد سيبدا موسم التخفيضات الصيفي وتخفيضاتهم مهمه جدا تصل حتى 70 بالميه اتمنى لكم اقامة طيبه |
اقتباس:
ويا فرحه ما تمت طلع المترو الي جنب الفندق ما يودي مباشر لدزني طيب انا جلست احربش بتطبيق حق مترو باريس تقل بس ماني متاكد لو مغطنا رجولنا على المحطه الي عند الفصول الاربعه يهق لي انه يودي هناك مباشره بدون تغير محطه :18: والنقطه الثانيه شراء التذاكر انا شفت المقاطع حقت المكاين بس ما احصل شباك وواحد يبيع اريح لي بدل ما احوس بالمكينه واخف اغلط وحتى على الباص الاحمر تري ما عرفت ايش هو وكيف فكرته ياليت تكمل معروفك معي وتستفيض وتبحر بالشرح اعتبرني طالب اول ابتدائي :8: وبالنسبه للتامنين الصحي هو يقول طلع طيب ايش اسم الشركه وكيف اتعامل بحاله احتجت مشفى؟ |
اقتباس:
طيب سوال الان الافضل التسوق في فرنسا او جنيف وايش ارخص لانن بس اربع ايام في فرنسا والبقيه بجنيف |
| الساعة الآن 01:03 PM |
Powered by vBulletin® Copyright ©2000 - 2025, Jelsoft Enterprises Ltd.
Search Engine Optimization by vBSEO