|
ممكن المساعدة في وضع برنامج سفر صباح/مساء الخير الله يسعدكم واحد واحد أبغى برنامج سفر لباريس ل٤أشخاص وطفله عدد الأيام ١٠ أيام مفكرين تكون باريس ٤ ليال ليلتين دزني + أوت لت أنسي ٣ ليال بس مااعرف لا أمكان ولا مطاعم ولاشيء أول مره أسافر ، ف الله يسعدكم أبغى مساعدتكم الفنادق ماابغاها غالية ، اسار معقوله يعني وتقريبا كم بتكلف السفره هالايام العشره في شهر آغسطس للشخص الواحد من طيران وسكن ومطاعم وتنقل شاكرة لكم مقدما |
شكل موضوعي مو هنا مكانه في الاستفسارات انقلوه الله يسعدكم يامشرفين:10: |
مرحبا تخطيطكم متاخر شوي ، الان موسم سفر وراح تكون الأسعار مرتفعه و الخيارات محدوده سواء طيران او سكن يا ريت تحددين الميزانية اليوميه للسكن ختى نشوف الخيارات المتوفرة ينقل للاستفسارات |
اقتباس:
اخت ريمي مهم جدا ايضا مكان الوصول والمغادره لرحلة الطيران هل تم شراء ثذاكر الطيران او لسى ماحجزتو اذا لسى الافضل وصول باريس والعوده جنيف موضوع الفنادق والمطاعم سهل بس انتى تحددين ميزانيتك مثل ماذكرت مشرفتنا وهنا الجميع بيساعدك بأدق التفاصيل أرسلت من SM-G925I بإستخدام تاباتلك |
يعطيكم ألف عافية احنا 3 أشخاص كبار وطفله حد الشخص الواحد 15 ألف مابعد حجزت طيران ، ابغى اوصل هناك 13 واطلع نهاية يوم 22 يعني ابغى 10ايام فقط السفر ، وهل هي كافية ؟ |
صحيح متأخره ومتأخره جداً:2::2: |
بداية اذا حابة تروحي أنسي ضروري الطيران يكون الوصول باريس والعودة جنيف او العكس ثاني شي زيارتك لأنسي يتطلب وجود سيارة للاستمتاع أكثر ممكن تخلي الوصول والعودة من باريس وتغيري أنسي بهولندا او بلجيكا شوفي حجوزات الطيران المناسبة وبعدها الأمور تترتب |
طيب ممكن اخليها امستردام عادي وإذا خليتها أنسي هل يوجد سيارات (سائقين) يودنا وكذا وألا غالية ؟ |
أنا ابغى آخر الرحلة شيء ريفي |
شخصياً افضل الذهاب باريس و العوده من مطار جنيف اول يومين لدزني لانــــــــد و يليهـــا باريس 4 ليالي و من ثم الانتقال الى آنسي عبر وسائل المواصلات و منها الى مطار جنيف |
| الساعة الآن 05:46 PM |
Powered by vBulletin® Copyright ©2000 - 2025, Jelsoft Enterprises Ltd.
Search Engine Optimization by vBSEO