|
محتاجة من الطيبين مساعدة لزيارة فرنسا لاول مرة :e01d: السلام عليكم ورحمة الله وبركاتة يسعدني في بداية الامر ان اشكر كل من له بصمة واثر في هذا المنتدى الجميل مثل ما واضح بالعنوان رحلتنا باذن الله يوم ٢٥ يناير ٢٠١٨ والرجعه باذن الله يوم ٥ فبراير ٢٠١٨ عائله مكونه من الاب والام وولدين الاول ١١والاخر ٦ وطفله عمرها سنه تقريبا ١٢ يوم و١١ ليلة اول خطوة نجهز لموضوع الشنجن لكن وضح لي ان امر حجز الفنادق وحجز التذاكر لابد منه تم حجز التذاكر:e01d: السؤال: المدة كبيرة على فرنسا مفكره احجز باقطار لبروكسل حسب اطلاعي بالقطار المدة ساعة وربع تقريبا بس احاتي العفش كيف بيكون الموضوع بالقطار ؟؟ وهل فور وصولنا نتوجه الى بروكسل ؟؟ ام نسكن بالاول في باريس ومن ثم نطلع بروكسل واخرها ديزني ؟؟ اذا الغيت بلجيكا من الخطه لا توجد مشكلة نحن عائله نحب الطبيعه والحدائق والتسوق وهذا كله موجود في باريس اقتراحكم يهمني الامر الاخر ليه بعض الناس تحصل على الشنغن ل ٥ سنوات وبعضهم سنه ما الفارق وكيف اطلبها من البدايه وهل هناك رسوم فارقة؟؟ :50: في بالي فندقين واحد في باريس https://www.booking.com/hotel/fr/les...clichy.ar.html والاخر في دزني ابي رايكم اذا في خيار افضل بسعر وتقيم مماثل https://www.booking.com/hotel/fr/mar...=total;ucfs=1& شكرا لكم بحجم السماء والسلام عليكم :e032: |
مرحبا اختي سر وجودي في البداية الله يحفظهم لك ويتمم عليكم هذه السفره انا سفرتي بفبراير وما قصروا معي الاخوان و الاخوات بالارشادات وتم استخراج الشنغن في اربع ايام ولله الحمد وعطوني سنه انا وزوجتي و طفلي على حسب احيا ً يعطونك خمس سنوات يعني انتي وحظك بس لا تنسين غير حجز التذاكر و الفنادق ايضا ً فيه التأمين الطبي ضروري جدا ً يوجد في قسم الشنغن موضوع عن الطلبات واتمنى لكم التوفيق |
اقتباس:
ماشاء الله شكرا ع التنبيه الجميل :58: |
وعليكم السلام ورحمة وبركاته رحله سعيده ينقل للأستفسارات ما أعتقد فيه طبيعه في فبراير اذا عودتك الي باريس الشنط ممكن تحفظها في الفندق اللي ما تحتاجها الشنغين زي ما ذكر عوعو فيه قسم والمده حسب صلاحيه الجواز غالبا كنت بشوف لك في لاديفانس لكن الشقه اللي اخترتيها التقييمات عليها رائعه جدا حقيقه الماريوت جميل لكن أري الاستمتاع فيه بالصيف أكثر من غيره اذا وصولكم مبكر اري ان تطلعوا بروكسل التعب واحد البعض يفضل الذهاب الي باريس للراحه أو ديزني |
اقتباس:
شكرا لردك الطيب كيف مافيه طبيعه تقصد في فبراير ؟؟ نحن بنسافر يوم ٢٥ يناير ايضا كيف اخلي الشنطن في الفندق ونحن عملنا شيك اوت ؟؟ بالنسبة لبروكسل ممكن اشيلها من الجدول واستبدلها بمدن في فرنسا بدل المسافات والاولاد والشنط بانتظار ردك الكريم |
سفرة سعيدة يا رب المقصود بمافي طبيعة ان الدنيا بتكون برد والخضار بيكون قليل ممكن تخلي كم شنطة في الفندق في المخزن حق الشنط الى ما ترجعوا تاني باريس (بشرط تسكنوا في نفس الفندق) انا مع رأي التوجه الى بلجيكا او ليل الفرنسية اذا الوصول بدري باريس وصول واستئجار السيارة (او السكن ليلة قريب من المطار) والتوجه مباشرة الى ليل 4 ليالي (زيارة بروكسل وبروج ) ماستريخت (هولندا) او أخن (المانيا) 3 ليالي باريس 5 ليالي |
وعليكم السلام الله يحييك بيننا و ماقصروا الشباب رأيي : 2 يوم حجز فندق في ديزني 10 يوم شقة في باريس بداية الرحلة بديزني والسكن فيها تخليكم تكسبوا الصغار من البداية ويستمتعوا بالرحلة أكثر واللي راح تدفعوه برحلة لبروكسل او غيرها ادفعوه في فندق ديزني و راح تستمتعوا أكثر ما ارشح أنكم تتنقلوا كثير طالما معكم أطفال و الايام الـ 10 يادوب تكفيكم للتعرف على باريس بشكل كامل لذا خططوا رحلتكم للاستمتاع بباريس وهي فيها الكثير فيه اكثر من تقرير تكلم عن السكن في ديزني و اتمنى تتطلعي عليها وبعد اختيار الفندق تبدأوا بتخطيط باقي الايام شوفي الرحلات اليومية المقترحة او عروض المواصلات ممكن تأخذي منها فكرة لتخطيط الجدول حسب رغباتكم https://www.viator.com/Paris/d479-ttd |
رأي حبيبي أبو غسان حلو كثير للتمتع بباريس المشكلة في يوم الوصول 25 يناير بيكون خميس يعني 26 - 27 يناير بيكون عطلة وتكون ديزني زحمة شوية فممكن تقسموا الرحلة 4 ايام باريس - 2 يومين ديزني - 4 ايام باريس |
شباب زين لندن قريبه وحلوه لهم أكثر من بروكسل عن نفسي 10 ايام في باريس واجد يمكن أني عجل أزور كم موقع باليوم لكن العوائل تفرق فيه أيضا في بعض المحطات صناديق لحفظ الشنط |
اقتباس:
المشكلة الوصول متاخر تقريبا الساعه ٨ باليل ولحد ما نطلع من المطار و و و مبدئيا حجزت ٥ ايام في باريس في الفندق المذكور اعلاه (حسيت نفسي بكتب رسالة رسمية):3: طيب ويوم ٣١ الا هو الاربعاء بنتوجه الى دزني لاند قبل زحمة الوكيند ما قصرت يا طيب ردك ع راسي:e04b: |
| الساعة الآن 02:28 PM |
Powered by vBulletin® Copyright ©2000 - 2025, Jelsoft Enterprises Ltd.
Search Engine Optimization by vBSEO