|
الله يسعد كل من رد علي وساعدني مساء الخير اخيراً وصلت مشاركاتي 10 علشان تفزعون لي بالبدايه لي 10 سنوات احلم بهذي الرحله والحمد لله قررنا نسافر خاطري بفرنسا باريس وبعدها بدور كذا دوله الخطه الي رسمتها علشان الفيز باريس بعدين بنفس اليوم نكون حاجزين على ميونخ وبعدها نستاجر سياره على كابرون ونجلس 3 ايام وبعدها قريه ابنزل السويسريه 3 ايام وبعدها شامونيه 3 ايام وبعدين نرجع ميونخ ونطلع طيران على باريس ونجلس يومين هل فيه خطه اسهل بحيث لما نوصل باريس نستاجر سياره وندور الريف الاوروبي تكفون افزعو لي مثلا باريس بعدين ستراسبورغ ..... ماعندي اي فكره تكفووووون |
هلا فيك بيننا منور المنتدى متى الرحلة وكم المدة المقترحة ؟ هل اهتمامتكم اغلبها طبيعة ولا تسوق ولا العاب او من كل بحر قطرة ؟؟؟ وهل الميزانية مفتوحة ؟ وان شاء الله نساعدك بكل اللي نقدر عليه طالما هذا حلمك |
اقتباس:
باذن الله رحلتنا 5 جولاي كل شي اول مره اروح وابي شي شامل الميزانيه بدون شوبنق 30 الف الله يسعد قلبك |
اخر فرصه اقدر اتواصل معك كيف؟ لان الرسايل مو شغاله عندي |
حياك الله يايلان تخطيطك مشاوير وكمان غير واضح الذهاب والعودة من باريس والمدة 15 يوم 2 باريس بعدها ايجار سيارة وزيارة الجنوب الفرنسي انسي + شامونيية ويكون السكن في ديفون قريب من جنيف 3 ايام ديفون 3ايام انترلاكن 4 ايام رست اليوربارك + مرورا بازل السويسرية + ستراسبورغ + كولمار اخر 3 ايام باريس كم عددكم لانو 30 الف تكفي سكن وايجار سيارة والاكل وتذاكر لدخول الانشطة السياحية يكفي المبلغ لشخصين خارج تذاكر الطيران وكمان الصرف باقتصاد |
اليوم 9 جولاي كيف رحلتكم 5 جولاي !!!!! خطة A الوصول باريس والمغادرة باريس باريس 2 يوم قطار الى جنيف 2 يوم واستلام السيارة زيارة البحيرة والسيتي سنتر و انسي الفرنسية انترلاكن 3 يوم زيارة البحيرة الزرقاء والمطل و القمة جونقرافو زيورخ 2 يوم زيارة الشلالات والقمة الثلجية تتلس ستراسبورغ 3 يوم ( زيارة يورب بارك )و بادن بادن تسليم السيارة وقطار الى باريس 3 يوم خطة B باريس 2 يوم قطار الى ستراسبورغ 3 يوم واستلام السيارة اول يوم (زيارة يورب بارك) و بادن بادن ميونخ 2 يوم كابرون 5 يوم العودة الى ميونخ و طيران اقتصادي الى باريس 3 يوم معدل الصرف راح يكون 2000 ﷼ باليوم |
27 ذي القعده باذه الله بخصوص لو اطلع قطار كم ساعه ووين نسلم السياره ودي اكتب جميع التفاصيل واقسم المبلغ قبل نروح علشان مانتوهق هناك احنا شخصين وحطيت مبلغ 15 الف شوبنق وهدايا اذا رجعنا بالسلامه قد مو فرحانه بالروحه قد مو خايفه مانعرف نتصرف بسالك بخصوص اجار السيارات حصلت كذا موقع وواحد فيهم عربي واسعاره جدا ممتازه بس مااعرف اهي بانزين او ديزل ومااعرف كيلوات مفتوحه او لا |
اقتباس:
ياساتر 30 بدون التذاكر 😭😭😭 الطريق الي ذكرته ممتاز بس وش الفرق بين نستاجر سياره من انسي عن باريس ولما نوصل انسي كم تبعد شامونيه وبعدها ابنزل السويسريه ومنها على انترلاكن وبعدها كابرون علشان زيلامسي واخر شي ميونخ ونسلم السياره اذا نقدر من مكان ثاني واخر شي طيران على باريس ونجلس يومين ممتاز كذا او متعب ؟ |
اقتباس:
من انترلاكن الى كابرون مشوار يمكن تاخذين في الطريق اكثر 7 ساعات المسافة اكثر من 500كم انترلاكن تغني عن زيلامسي واجمل بكثير اختصري على المخطط اللي ذكرته لك ولو مصره خذي مخطط ابوغسان الثاني مناسب جدا |
مرحبا بناء على كلامكم سويت هذا الجدول اذا غلط علموني(باريس بعدين طيران اقتصادي على ميونخ وناخذ سياره الى كابرون ونجلس فيها 3 ايام وبعدها نطلع قارمش يومين وبعدها ابنزل في سويسرا وتبعد ثلاث ساعات عن قارمش ونجلس فيها 3 ايام بعدين شاموني نجلس 3 ايام وبعدها بادن بادن يومين ونرجع ميونخ للمطار على باريس يومين |
اقتباس:
زيلامسي اهي الي فيها التلفريك تنزل من واحد وتصعد بالثاني الى الثلج هل فيه غيره وفيه ثلوج بالقمم |
اقتباس:
نصيحة لاتسافرين :59: بعدل لك الجدول باريس وطيران ع ميونخ تمام + الذهاب زيلامسي وكابرون تمام وكمان قارمش زيارتها من زيلامسي مو مشكلة والمفروض اول ماتوصلي ميونخ تروحي لقارمش اقرب وبعدها زيلامسي طيب لمن تنزلي سويسرا وين تبين بالضبط اي منطقة او مدينه؟؟؟؟ شامونية جنوب فرنسا وترجعي مره ثانية بادن بادن وميونخ:59::59: المفروض من زيلامسي تروحي كونستانس ومنها زيارة قرية ماينفيلد(هايدي) وشلالات الراين ومناك تروحي بادن بادن شامونية مو على خطك ابد ولاتستحق الزيارة لانو مافيها إلا قمة مونت بلانك الثلجية وفي كابرون قمة ثلجية تغني عن شامونية وقمة مونت بلانك من بادن بادن تروحي ستراسبورغ وتركبي قطار والعودة الى باريس مو ترجعي ميونخ |
مرررررره شكرررا من قلبي فعلا خطتك تجنن بس السياره كيف نسلمها في ستراسبورغ |
اقتباس:
اي مكان بسويسرا عادي عطني شي قريب وخطه لباقي المدن |
السيارة اذا تستلميها من ميونخ سلميها في بادن بادن او رست عشان ضريبة التسليم في بلد اخر واركبي باص او قطار على ستراسبورغ ومناك واصلي على باريس |
كونستانس هذي بالمانيا وانا بروح قارمش وبادن بادن ابي مناطق بسويسرا اعتذر تعبتك والف مليون شكرا لك |
اقتباس:
|
اقتباس:
|
لاتروح بورك الجدول |
ميونخ قارمش كابرون ماينفيلد بادن بادن ونسلم السياره ونطلع على ستراسبورغ ومنها على باريس |
مرررره شكرا ومليون شكرا اخوي فارس ماشاء الله عليك طيب الان بسالك عن البطاقات الي تدخل الاماكن السياحيه تلفريك وغيرها كيف اعرف اذا الاوتيل موجوده عنده او لا؟ والشي الثاني الي معي مدخن واشوف مو كل الاوتيلات مسموح فيها عطني نبذه بخصوص هالاشياء❤️❤️ |
والله عندي دوام ومن امس اروح مواصله علشان اخذ معلومات يارب انك صاحي لان مافي غيركم والله |
الله يوفقك |
تقصدين السويس باس تباع في محطات القطارات والمكاتب السياحية والمطارات تقدرين تركبين فيها جميع وسائل المواصلات العامة مجانا وتعطي تخفيظ لدخول الاماكن السياحية اذا بتشتري السويس باس لازم يكون جواز السفر معاك التدخين في الفنادق هذي المعاناة ههههههههههه زمان كان يوجد بالفنادق غرف مخصصه للمدخنين والحين صارت اغلب الفنادق تمنع التدخين داخل الغرف والفندق بصفه عامة الحل : الله لايهينه ينزل الشارع يدخن هههههههه اذكر العام الماضي في هونق كونق كنت ساكن في الادوار العليا وماكان فيني حيل انزل كل شوي عشان ادخن .. غطيت جهاز كشف الدخان بالشرابات وكنت اوقف عند الدريشه وادخن والزقارة ماسكها بيدي خارج الدريشه ولمن ادخن انفخ على برا عشان الدخان مايدخل مشت معاي الحركة بس ماسويتها إلا اخر يومين الايام الاوله كنت ملتزم الموووهم لمن سويت اتشك اوت من الفندق نسيت الشرابات ماشلتها بعد كم يوم جاني ايميل من الفندق اني وضعت الشرابات على جهاز كشف الدخان وهذا مخالف لسياسة الفندق وسحبو من بطاقة الماستر مبلغ 1000 او 1500 والله نسيت كم بالضبط كـ غرامة طبعا لا انصح بمثل هالحركات فالافضل يطلع يدخن ويرجع وقليل او نادر من الفنادق يكون فيها غرف للمدخنين |
اقتباس:
ماقصرت وبسال عنها باذن الله وهل سعرها مناسب لشخصين او حلوه للعوايل الكثيره؟ الافضل يكون اوتيل بشرفه وياخذ راحته بالشرفه صح بقى تعطيني منطقه هايدي ايش اكتب بالجدول لان قررت هذا المكان يكون اطول وقت نجلس فيه وبسالك بخصوص الشوبنق بالاماكن الي ذكرتها وين احصل اوت لت كويس لاني ماابي الا اوت لت فقط |
قريت عن البطاقه سعرها 485 دولار امريكي للشخص البالغ يعني حوالي 3600 ريال احس كثيرررر مررره وهي تدعم القطارات والتنقل وتعطي تخفيض للتلفريك ودخول مجاني للمتاحف الي اقصد بعض مواضيع الاعضاء كتبو مواضيع وفيه روابط بس مشكلتي مافمت لها اكون احجز الاوتيل ويعطوني بطاقات للاماكن السياحيه فري مو حتى خصم |
|
اقتباس:
الاوت لت في زيورخ اسمه Landquart عنوانه Tardisstrasse 20, 7302 Landquart Tel: +41 81 300 02 90 اقتباس:
اقتباس:
اي تقصدين بطاقة لنفس المدينة تاخذيها من الفندق مجانا للمواصلات وعليها تخفيض لبعض الاماكن السياحية عاد انتي وحظك اذا الفندق فيه او لا بعض الفنادق تعطي النزلاء اول مايوصل والبعض مايتكلم ولازم انتي تسألي وتطلبي البطاقة علما ان مو كل الفنادق تعطي مثل هذه البطاقات |
ابوراكان الشرابات نكبه خخخخخخخخخخخخ |
ممتاز معلومات مفيدة |
| الساعة الآن 12:41 PM |
Powered by vBulletin® Copyright ©2000 - 2025, Jelsoft Enterprises Ltd.
Search Engine Optimization by vBSEO