|
اعطوني نصيحتكم مسافره انا وأطفالي فرنسا السلام عليكم انا إم لاربعه اطفال اكبرهم 16 سنه واعتمد عليه بعد الله وأصغرهم خمس سنوات حابه اسافر معهم باريس مع العلم عمرنا ما خرجنا برا السعوديه ولا عندنا لغه بس الحمدلله احس أني اعرف اتصرف وارتب أموري تتوقعو اش الأشياء اللي ممكن تواجهنا نصيحتكم لي لحد يقول مو لازم .. سفري للضروره اش رأيكم هل بتعب في المطار ؟! هل بتعب لما اكون لوحدي بدون زوجي؟! |
وعليكم السلام أهلاً وسهلاً فيك بيننا اطلاقاً ما راح تواجهوا أي مشكلة بالعكس راح تكون احلى رحلة بحياتكم لأن الاعتماد على النفس له حلاوة ويعطي الواحد ثقة بنفسه ويبدأ يشوف الدنيا بمنظور مختلف أكيد راح تواجهوا عقبة اللغة لكن راح تكونوا خبرة مع الأيام وتبدأوا تتجاوزوا هذي العقبة ركزوا على حكاية عدم حمل كاش الا للضرورة واستعملوا البطاقات طوال الرحلة سواء كانت فيزا ، ماستركارد ، مسبقة الدفع أو بطاقة العملات بطاقة السفر ( العملات ) موجودة عند بنك الاستثمار أو الانماء وهي مفيدة جداً بالسفر رحلة سعيدة :e306: |
و عليكم السلام و رحمة الله و بركاته .. ما أقدر اضيف شئ بعد كلام أخوي أبو غسان .. بصراحة أهم نقطة في السفر هي الأعتماد على النفس .. و قبل السفر لابد من القراءة و أخذ المفيد من التجارب و أعتبار أن السفرة الأولى تجربة و منها نتعلم .. "تجربة الغير تعطينا الحذر .. و تجربنا الشخصية تعلمنا الدرس ..." شعرت من كلمة: "بس الحمدلله احس أني اعرف اتصرف وارتب أموري" بأن عامل الثقة بالنفس مرتفع لديك و هذا عامل مساعد و محفز بأن تنجح رحلتكم و تصبح جميلة خصوصاً بوجود الأولاد الله يحفظهم .. نتمنى لكم رحلة سعيدة موفقة ... و جميعنا متواجدين لتقديم الأستشارات و العون في أي وقت ... |
يعطيك العافيه وشكرا على النصيحه بس سمعت واحد يقول في المطار يسألونك اذا عندك مبلع كاش تقريبًا 125 يورو على كل يوم انا اجلس فيه ولكل شخص فينا 125 يورو😒 ولازم تكون كاش |
فيه ثقه ولله الحمد بس يجيني شعور بالخوف صراحه لما افكر جد بس ارجع اهون على نفسي 🙏🏼 باذن الله يكون التوفيق والناس الطيبة من نصيبي أنا وعيالي |
اقتباس:
أحياناً يسألوا أسئلة عادية مثلاً عن السكن وطبعاً لازم يكون عندكم حجوزات فندقية ( اعملوها من بوكنق ) وأيضاً عن تذكرة العودة لازم كل واحد يكون معاه برنت لتذكرة العودة أيضاً كيف راح تصرفوا على أنفسكم ؟ ممكن تطلعوا بطاقة ائتمانية لهم أو كرت مدى (الصراف) أو كاش أو برنت كشف حساب ومعدل الفرد 100 يورو باليوم ( الصغار 50 يورو ) فلو كنتوا 4 أفراد بالغين وجالسين 10 أيام = 100 * 4 = 400 * 10 = 4000 يورو يعني حول 17 ألف ريال |
اقتباس:
ومشت امورهم وكمان مساكين ما عندهم رصيد بنكي لانهم معتمدين ع الراتب الي ينزلهم بينما انت جايه سياحة |
وكلي الله واهم شي اقري بالمنتدى عن الحاجات الاساسيه في فرنساء وحاولي تركزين عليها وتابع التقارير السابقه عنها .. انا بصراحه ماعمري رحت لفرنساء ولا كان عطيته نبذه عنها |
وين مسافرة بفرنسا ؟ إذا العاصمة باريس .. الوضع سهالات إن شاء الله وبارس مثل لندن اغلبها عرب وماتخوف قسموا مهام السفر بينك وبين أولادك مثل البحث عن المقاهي والمطاعم المميزة اعتمدي فيها على اولادك أنا مثلك أخاف من فقرة المطارات و التفتيش و الاسئلة وغيرها ولكن ، غالباً نسافر مجموعة ومعانا أطفال فمايدققوا علينا رحلة ســــــعيدة |
اقتباس:
و عليكم السلام و رحمة الله و بركاته .. الله يخليهم لك و دام السفر للضرورة الله ييسر و يسهل أموركم .. من ناحية المطار انا ماقد سألوني عن شي أبد .. و التعب ماراح يكون فيه تعب بإذن الله اذا رتبتي امورك و برنامجك في باريس .. فيه الميترو عانيت فيه من مشكلة ( نصب ) من بعض الفرنسيين يشوفون العالم اللي تجهل طريقة الححز في الميترو و يطلبون مبالغ ( تذكرة شخصين من الشانز الى ديزني كلفتني 110 يورو ) و هي ارخص من كذا بكثييييييير و لا عرفت الا بعد ماركبت الميترو و شيكو على التذاكر .. |
اقتباس:
|
اقتباس:
من جد اللي شايله همه المطار لاني عمري ما سافرت خارج السعوديه حدي اذا سافرت لوحدي الرياض بس باذن الله تتسهل الامور |
شكرا لكم جميعا عالردود اللي تطمن دعواتكم لي |
السلام عليكم و رحمة الله اختي اول شي أنصحك بعدم لبس المجوهرات و الساعات و الخواتم لانها تجذب اللصوص و تعرضكم للخطر خليك طبيعية بنسبة للمطارات يوجد لديهم موضفين يتكلمون عربي من اخوانا في الجزائر و المغرب الأمور سهلة انصح يكون معك شوي نقد في حدود 500 يورو وباقي الفلوس في البطاقات بنسبة للبطاقات انصح يكون عندك بطاقتين صراف و بطاقتين فيزا او ماستر كارد اذا خرجتي من الفندق يكون معك وحدة صراف و وحدة فيزا والثانيات في خزنة غرفة الفندق احتياط اذا فقدتي الي معك الي في الخزنة تكمل الرحلة لك و بنسبة للنقد قللي استخدامة كل شي ممكن يدفع باالبطاقة يكون معك في حدود 100 و الباقي في الخزنة |
الله يسهل سفرتج المطار حليووين وما يسالون اي شي بس يشوفون الفيزا طبعا وابتسامتهم قبلهم وتطلعين باتجاه مسارالتاكسي مكتوب باللغه الانجليزيه الاسعار محددة اسكني في الشوارع الواضحة ومو متفرعة مع ان حتى واحنا ماشين بالليل ما تعرضنا لشي الحمدلله اذا رحتي دزني طبعا السكن بالفنادق اللي هناك بيكون في باص ينقلكم كل عشر دقايق الى الملاهي وفي بعد اوت لت تقدرين تروحين له باتصال بالتاكسي الى هناك والسعر رايح وراجع تحتفضين بالتذكرة للتاكسي علشان الرجوع دايما خلي معاك ومع العيال كرت الفندق سبحان الله ما حصلتوا سايق يفهم عليكم يعرف من الكرت وبعد اذا ضاع احد من الاطفال يكون عنده كرت الفندق على العموم اغلب السواق في باريس من اهل المغرب العربي مغاربه وتونسيين وجزائرين بس ماراح يتكلم عربي الا اذا سالتيه انه يعرف عربي ؟ رحله جميله نتمناها لج بس بعد اقرأي في التقارير وتتسهل كل امورج باذن الله |
سبحان الله وبحمده سبحان الله العظيم يبقى ذكر الله هو الأجمل |
حبيبتي الله يسهل عليكم و تكون أحلى سفرة و ترجعو تعملي لنا تقرير مميز الأمور سهلة بإذن الله الاشياء اللي ذكرتيها ما مرت علينا في مطار باريس كان الدخول والجوازات عادي جدا لكن أحذري و أحذري ثم أحذري من المترو لدرجة واحد فرنسي حذر زوجي و قال انتبه لمحفظتك وصحبتي كمان قالت انتبهي من مترو باريس قالت لي اللي يسرقو من اوروبا الشرقية كلنو بنتين وحدة تلهيك بالخريطة في وجهك والثانية تدخل يدها في الشنطة خليك حريصة :53: لا تشيلي هم حصنو نفسكم واتوكلو على الله :e304: |
استعيني بالله ثم بقوقل .. اذا اردتي الذهاب لمكان ضعيه في قوقل ماب واقري التعليقات عنه .. مطعم .. ملاهي .. مكان ريفي .. ستجدين اراء وتقييم ( يعطيك نظره عنه ) .. استخدمي عبارة ( أين اذهب في .... ) اكتبي مثلا اين اذهب في باريس وستجدين انواع الفعاليات والاماكن والمطاعم والاماكن السياحيه وغيرها .... استخدمي قوقل ماب لاخذ فكره ( كم يبعد) المكان المستهدف حتى مااحد يغشك .. والامور الباقيه سهالات جدا .. الحجز استخدمي بوكنج ولا تعطي عريبيا وجه هناك اللي يقول لك ابحجز لك واللي يقول اخدمكم بسواق وغيرها .. افتحي لك موضوع لامشيتي هنا بالمنتدى.. وضعي اسألتك والشباب راح يسوون لك دعم ( اونلاين ) .. اسالي اليوم عن خطة بكره ..مثلا .. وستجدين اجابات وافيه من فريق الدعم والمسانده ( عرب مسافرون اونلاين سبورت ) :32::32: |
رحلة موفقة |
ا ا |
تحمست لصاحبة الموضوع خصوصا اني طالعة بعد مع اولادي الثلاثة وراح اكون لحالي معهم ان شاء الله كانت سفرتها حلوة وانبسطت هي و اولادها واستفدت صراحة من نصايحكم الف شكر للجميع |
مرحبا رحله ممتعه اذا كنتي رحتي كيف كان الوضع مع الجراز الصحي ضروري نحول الباركود لفرنسي ولا موضروري هل هم مدققين في هالموضوع ؟ |
| الساعة الآن 10:43 PM |
Powered by vBulletin® Copyright ©2000 - 2025, Jelsoft Enterprises Ltd.
Search Engine Optimization by vBSEO