![]() |
اولمبياد باريس والاوضاع مسافرين من 9 الئ 12 جولاي فندقي fraser suite بنكون في الشانز وكوفيهات والمول الي حوله ويوم بنقضيه في درني لاند هل ممكن يكون زحمه فعلاً علماً معي أطفالي ؟ وكيف الاوضاع حالياً هل فعلاً بيتسكر concorde و حديقه برج ايفل بوقت سفرنا |
اقتباس:
نعم سيتم اغلاق محيط ساحة الكونكورد امام السيارات و المشاه من اول يونيو 2024 لانهم يجهزون الموقع لاستضافة الالعاب الاولمبية . بالنسبة لحديقة برج ايفل فهو مفتوحة للسياح . يفضل ترجعين إلى الفندق اللي راح تسكني فيه حتي يزودك باي مستجدات بخصوص غلق الشوارع و الاتجهات المرورية البديلة خلال فترة تواجدتكم في باريس بالنسبة لمدينة باريس هي دائما شديدة الزحام في الصيف . حاولي تزورين منطقة الاوبرا عندك شارع اوسمان boulevard Haussman فيه جاليري لافاييت و عندك مول 4 temps في الديفونس . بالنسبة لزيارة ديزني المدينة كبيرة و بتكون شديدة الزحام يفضل زيارتها باي يوم ماعدا الاحد و يفضل يكون معكم كاب للراس لان الجو بيكون حار على الاطفال . تحياتى |
يعطيك العافية بالنسبه للباص السياحي الاحمر مدتة 9 محطات منها منطقة الاوبرا ودنا ننزل من الباص ونتمشئ بالمول وبياخذ وقت ممكن ساعتين او اكثر كيف نرجع نركب بالباص السياحي مره اخرئ ؟ ونتوجه لفندقنا بالشانزليه علما مكتوب مدة الجوله بالباص السياحي ساعتين فقط هل يعني بعد ساعتين لا نستطيع ركوبه مره اخرئ أرجو المساعده وشكراً |
اقتباس:
يعطيكي الف عافية بالنسبة للباص السياحي الجولة الكاملة له بدون النزول منه تاخذ ساعتين لكل المعالم السياحية . ما يميز الباص انه Hop on Hop off انه يسمح فيه انك تنزلين في اي مكان سياحي تلتقطين الصور و ترجعين لمكان موقف الباص يعني تنزلين عن محطة Trocadero لالتقاط صور برج ايفل و ترجعين لنفس المكان اللي نزلتي فيه تركبين الباص اللي راح ياتي بعده و تستكملي الجولة بمنتهي السهولة تنزلين في المكان اللي بعده تلتقطين الصور و تقفي عند موقف الباص تنتظرين الباص القادم . كل سائح يركب الباص يعطوه خريطة للاماكن السياحية للجولة تبع الباص و موضح عليها المواقف اللي راح يتوقف فيها الباص حتي يستطيع السائح انه يتحرك بسهولة و يركب الباص مرة اخري . بعض الباصات عندهم تذاكر لجولات سياحية لمدة يومين حتي يستطيع الراكب ان يزور كل المعالم السياحية. يوجد اكثر من شركة للباصات السياحية و معظم جولات الباصات تتحرك من منطقة الاوبرا . و الجولات تبدا من الصباح حتي المساء كل يوم . اقصر الجولات الشاملة لمعظم المعالم هي Tootbus ادخلي علي هذا الرابط راح تجدي كل التفاصيل https://www.tootbus.com/en/paris/home بالنسبة للعودة للفندق راح تختاري المحطة اللي تنزل في الشانزلزيه او عند قوس النصر و تنزلين فيها . تحياتي |
يعطيك العافيه فهمت من كلامك الباص السياحي بيوفر علينا كثير ، بحيث انه ينزلنا مثلاً بمنطقه الاوبرا في جاليريا لافاييت ننزل ونتقضئ بساعات وبعدها نتوجهه مع الباص الي بعده ؟ صحيح يعني صلاحيه ركوب الباص السياحي يوم كامل ؟ |
اقتباس:
يعطيك الف عافية صلاحية الباص حسب التذكرة اللي راح تشتريها عندك تذكرة ليوم واحد و تذكرة صالحة ليومين . الباص السياحي يتحرك من الصباح حتي المساء ربما حتي السابعة مساءا . اهم شيء عند ركوب الباص السياحي تاخذون معكم خريطة مواقف الباص تبعهم لانها تختلف عن الباصات العمومية اللي تمشي بشوارع باريس الباص السياحي له مواقف حسب المعالم السياحية الهامة . موقف الباص بمنطقة الاوبرا راح يكون بعيد قليلا عن جاليري لافاييت فالافضل تخبروا السائق انكم بدكم جاليري لافايييت راح يختار لكم اقرب نقطة و تنزلون عنده و ترجعون لنفس النقطة لركوبه مرة اخري . الذهاب إلى منطقة الاوبرا سهل جدا لانه السيتي سنتر معظم الباصات العادية تتجه لها و الافضل لكم تركبون الباص العادي فقط تقصون التذاكر تبعه من محطات المترو سعر التذكرة العادية بحدود 2 يورو للشخص الواحد و برايي يمكن شراء كارت مواصلات اسمه NAVIGO من ماكينة التذاكر بداخل محطة المترو و بعد ذلك تشحنوه بمبلغ يكفي ليوم او اثنين حسب عدد الاشخاص و حسب ايام الرحلة 30 يورو يكفي يومين لشخصين الكارت يمكن استعماله في المترو و الباص و قطار RER . هذا رابط موقع المواصلات راجعي تفاصيل كارت المواصلات https://www.ratp.fr/en/titres-et-tarifs |
الساعة الآن 08:32 AM |
Powered by vBulletin® Copyright ©2000 - 2025, Jelsoft Enterprises Ltd.
Search Engine Optimization by vBSEO