|
باريس باس السلام عليكم مساء/صباح الخير عندي 5 ايام في باريس بعد اسبوعين السؤال هل تنصحوني اشتري الباريس باس؟ نحن شخصين وطفل عمره سنتين هل الباريس باس للشخص الواحد؟ |
رد: باريس باس حياك الله ياسر يعتمد انت شنو برنامجك للسفر راح تزور متاحف ؟ تبي تشوف معالم ؟ هو باختصار راح يجمع لك بين تذكرة باريس فيزتا (المواصلات بين مترو و رير و باص) + دخول متاحف + باص هوب اون هوب اوف عن نفسي انا اذا اروح باريس اكتفي بالباريس فيزتا (مواصلات) فقط |
رد: باريس باس اقتباس:
بالنسبة للمتاحف ما افكر ازور متاحف كثيره يمكن بس قصر فرساي ومتحف اللوفر المعالم هي الأهم وبالنسبة لـ باريس فيزتا وش طريقتها؟ وكيف اشتريها؟ |
رد: باريس باس وعليكم السلام الباريس باس هي بطاقة تخولك دخول المتاحف وبعض المعالم السياحيه بالمجان بالاضافة الاستفاده من المواصلات العامه سواء المترو او الباص خلال الفترة المحددة باستثناء المواصلات من والى المطار البطاقة بعد تعطيك خصم لبعض المطاعم والمحلات مثل لافاييت هل تنفع لك البطاقة او لا ؟! يعتمد على خطة رحلتكم ، لازم تحدد لسته بالأماكن الي ودكم تزورونها وتقارن سعر الدخول المفرد مع سعر البطاقة اذا كان برنامجكم خفيف ومافي بالكم أماكن كثير فالبطاقه ما تسوى |
رد: باريس باس ما قصرت مشرفاتنا ما دام ما براسك متاحف كثيره فما انصحك فيه يا غالي باريس فيزن بطاقه لركوب الرير والقطار والباص محدده حسب الايام التي ترغب بها ومحدد الزون مثلا الاغلب هي من زون 1-3 فرساي وديزني خارج هالزون هذا وممكن تطلع لها مباشره عبر القطار الفرنسي او الرير |
رد: باريس باس اقتباس:
Paris Visite Pass - Transport ticket - Paris Tourist Office غالبا ماراح تحتاج تطلع برع زون 3 الا لديزني و اوتلت فالي دي يوروب و قصر فرساي فأنت شوف كم يوم زيارتك لباريس مثلا 6 ايام تأخذ ثلاث ايام سمت زون 1-3 و تأخذ 3 ايام ثانية 1-5 عشان تروح للأماكن البعيده اللي ذكرتها أعلاه انت تشوف برنامجك شتبي؟ اذا متحفين انا أقول مالها داعي باريس باس احس 122 يورو اليوم كثيرة وماراح تستفيد من كل شي في يوم بيني وبينك تدخل اللوفر شتسوي ؟ :dunno: اهم ماعليك تروح خارج اللوفر تصور مع الأهرام الزجاجية وسور المبنى لأنك بصراحة لن تسطيع الوصول للموناليزا من الزحمة الجنونية بالنسبة لفراساي كذلك كيو له اول ماله اخر انا افضل دايما أزور حديقة فرساي و ااجر قولف كار داخلها يمكن رحت 4 مرات باريس وفي كل مرة اروح الحديقة وما أمل :(40): طبعا اذا انت من هواة المتاحف والتاريخ هذا شي ثاني :(59): هذا رايي الشخصي :detective2: و طبعا كل تذاكر الأماكن السياحية من متاحف و برج إيفل وقوس النصر متوفرة اونلاين احجزها وانت مرتاح لا توقف في أكشاك التذاكر في النهاية الامر انت تقرر شتبي و دايما تجزيئ الباكج اوفر خذها قاعدة لان اليوم 24 ساعة ومحدد بأوقات عمل و زحمة الأماكن و إرهاق عليك اكثر من مشوارين في اليوم اسمح لي طولت عليك |
رد: باريس باس اقتباس:
بالعكس طولتين لكن عطيتيني كل الي ابيه :yolks00310: |
رد: باريس باس ترجع بالسلامه ياسر كأني شفتك بالانستغرام أنك سافرت |
رد: باريس باس اقتباس:
ايه نعم سافرت:yolks00740: واليوم توني واصل الى باريس:204: |
رد: باريس باس الحمد لله عالسلامه و ناطرين التقرير :yolks0010: |
| الساعة الآن 06:45 PM |
Powered by vBulletin® Copyright ©2000 - 2025, Jelsoft Enterprises Ltd.
Search Engine Optimization by vBSEO