|
من ينقذ شهر العسل ؟ يا اخوان محتاج فزعتكم ووقفتكم الله يعافيكم اخوكم بيتزوج باذن الله يوم 6 ستمبر الجاي ومحتار وين اروح شهر عسل يكون تقريبا 10 ايام الى 12 يوم طبعا ناوي السفر يا 7 ستمبر او 8 المشكلة مو هنا المشكلة ان الزوجة مصممه وتبي سنتريني باليونان ومصممه وتبي نيس بفرنسا واليونان اقرب مالها تركيا من جهة الشرق ونيس هنااااااااااااك جهة الغرب وهي طبعا ما تبي تركيا لانه سبق وان راحت لتركيا وانا والله ماودي ادخل بصدامات ونقاشات وعوار راس فهل من الممكن انقاذ شهر العسل ذا بحيث يشمل على اليونان وفرنسا وان حصل دولة قريبة لنيس يا سلام سلم وما اخفيكم كان جدولي سابقا ما بين المانيا وسويسرا واليونان او المانيا والنمسا واليونان والان ضعت واحترت يوم طلعت لي نيس ولا ادري وش اسوي ؟؟ السؤال هنا بما انه اليونان موجوده موجوده هل اخليها اول السفره من الرياض او اخليها اخر محطه قبل الرياض انقذوا اخوكم وافزعوا له |
رد: من ينقذ شهر العسل ؟ ألف الف مبروووك اخوي جعله زواج مبارك ان شاء الله ربي يوفق لكم حياتكم ويرزقكم الذريه الصالحه ان شاء الله محلوله بأذن الله المكانين حلوين وينفع لشهر العسل تروحون سانتوريني مده 5 ايام وبعدها تروحون نيس من اثينا تروحون مطار اثينا وتحجزون الى نيس مافي دايركت لكن في ترانزيت في ميونخ او زيوريخ او باريس او روما ومده الرحله مع الترانزيت مابين 4 ساعات ونص الى 5 ساعات ونص 1- ترانزيت في ميونخ ( لوفتهانزا ) 4 ساعات و 45 دقيقه مده الرحله كامله 2- ترانزيت في زيوريخ ( سويس ايرلاين ) 4 ساعات ونص مده الرحله كامله 3- ترانزيت باريس ( اير فرانس ) 5 ساعات و 40 دقيقه مده الرحله كامله 4- ترانزيت روما ( الخطوط الايطاليه ) 4 ساعات و 35 دقيقه مده الرحله كامله يناسبك اخوي او لا !! |
رد: من ينقذ شهر العسل ؟ اقتباس:
الله يعافيك ويبيض وجهك بشوف واشاور وارد لك لكن ليه ما يكون العكس بحيث انه سانتوريني تكون اخر محطه قبل الرياض ؟ |
رد: من ينقذ شهر العسل ؟ اقتباس:
ووجهك ابيض يا غالي الي يناسبك انا فقط شفت الطريقه للذهاب بدون ماعطيك اي منطقه الوصول اولا في حل اخر انك تطير من مطار سانتوريني بدل ماتروح اثينا يعني سانتوريني وترانزيت في فيينا وبعدها دايركت على نيس بس هالرحله اطول اشوي تاخذ لها كامله مع الترانزيت 6 ساعات و 20 دقيقه ( برلين اير ) عشان نحدد تروح نيس اولا او سانتوريني لازم نعرف بالبدايه انت على اي خطوط بتسافر السعوديه !! انا ارشح لك لو تقدر تسافر على الخطوط الاماراتيه والسبب ان الاماراتيه من دبي تنزل دايركت في نيس وتطلع دايركت من اثينا الى دبي والعكس ايضا الخطوط السعوديه ماتروح نيس ولا اثينا والقرار لك |
رد: من ينقذ شهر العسل ؟ ما قصر ابوسعد ممكن من الرياض الي نيس عبر الخطوط السعوديه لباريس ثم الفرنسيه والرحله 11 ساعه تقريبا كلها لكن اذا فيه من الاماراتيه الي نيس مباشره بسبتمبر كويس ومن هناك الي اثينا عبر السويسريه او لوفتهانزا وترجع بس اسحب حسابك الافضل تزيد الايام علشان تنبسط او تتوقف في باريس بعد يومين وتنبسط وتكلفك اتوقع 3800 تقريبا الاماراتيه يا ابوسعد توقف كثير اذا الرياض نيس او الرياض اثينا والسعر اعلي |
| الساعة الآن 09:25 PM |
Powered by vBulletin® Copyright ©2000 - 2025, Jelsoft Enterprises Ltd.
Search Engine Optimization by vBSEO