|
مساعده بخصوص ديزي لاند باريس سلام عليكم انا ان شاء الله مسافر ومعي الاهل والاهل ودهم بدزني لاند والا انا والله لالي فيها ولاشئ بس حبيت اسالكم الله يحفظكم 1- اين يفضل السكن جمبها وحولها والا في باريس ؟ بتكون معي سيارة خاصه طبعا 2- وش هي الحديقه يعني نقدر نلفها في يوم كامل ونخلص ونمشي؟ 3- هي حديقه حيوانات والا عروض والا كلها مع بعض وملاهي ؟ بكم الدخول للاشخاص الكبار والاطفال اقل من سنتين واي نصائح ثانيه اكون شاكر لكم |
رد: مساعده بخصوص ديزي لاند باريس وعليكم السلام ديزني ملاهي كلها العاب وشخصيات كارتونيه تقدم عروض تحس نفسك في فيلم كارتون . وهي عباره عن قسمين : البارك ويكون العاب وعروض شخصيات ديزني و القسم الثاني الاستوديو فيه العاب بس الاكثر عروض طريقة تصوير الافلام وتاريخ ديزني . ويمهم ديزني فيلج وفيها مطاعم ومحلات للتسوق. الملاهي ممتعه وتستحق الزياره . اذا ناوين تخصصون اكثر من يوم لديزني الافضل السكن قريب منها اما اذا يكفيكم يوم واحد من الصبح الى الليل فخلكم في باريس اسعار التذاكر تختلف اذا لقسم واحد او للقسمين . اقل من 3 سنوات الدخول مجاني . ديزني على طول زحمه , ابتعدو عن الويك اند لانها مزحومه اكثر تكون . ولا تنسون الفاست باس يوفر عليكم وقت في النطره. واي استفسار ثاني في الخدمه |
رد: مساعده بخصوص ديزي لاند باريس ممتعة الافضل السكن قريب من ديزني ثلاث ايام حلوووة |
رد: مساعده بخصوص ديزي لاند باريس هلا اخوي الملاهي لها عده تذاكر حسب جلوسك ورغبتك كم يوم تريد ان تدخلها وانواعها واسعارها كمايلي لوبتدخل يوم واحد فقط لحديقه الملاهي فقط 54يورو للشخص لو الحديقه والاستوديو 68يورو لو يومين 114يورو ثلاثه 140يورو لو اربعه 160يورو لو خمسه 175يورو |
رد: مساعده بخصوص ديزي لاند باريس مع رأي الاخوه اذا بتمرون عليها سريع يوم من باريس اذا معاكم اطفال وبتروحون الاوت لوت خذوا 3 ايام سكن حلوه وزياده والماريوت كويس والاسكبلور وماجيك ودريم كاستل |
رد: مساعده بخصوص ديزي لاند باريس تابع تقريري بتشوف ديزني ان شاءالله تتضح الرؤية لك |
رد: مساعده بخصوص ديزي لاند باريس الله يستر عليكم يعني افهم من كلامكم اني اسكن جمبها افضل شئ مده ٣ ايام. وكل يوم اروح ازور شوي مره الحديقه ومره الفيلج وافضل اني اشتري التذكره مع الفاست باس عشان الزحمه ويفضل زيارتها وسط الاسبوع مثلا اثنين وثلوث وربوع |
رد: مساعده بخصوص ديزي لاند باريس الفاست ببلاش ومو اي لعبه ممكن لها بعض الالعاب بس هي مهمه تابع تقرير ام حسين حصلت التذاكر بسعر مغري جدا من الفندق لعل الفندق اللي هي سكنته ممكن يعجبك |
رد: مساعده بخصوص ديزي لاند باريس تذاكر الفاست باس ما تشتريهم هذي خدمه مجانيه موجودة عند الألعاب الي يصير عليها ضغط كبير وكيو كل الي عليك تمرر بطاقة الدخول عند الجهاز وراح يعطيك بطاقة فيها الوقت الي تقدر تدخل اللعبه بدون ما تنطر.... يعني تروح تلعب في ألعاب ثانيه وترد عالوقت الي طلع لك. ٣ ايام في ديزني ممتازة اذا معاكم أطفال او اذا عددكم كبير تقدرون تخصصون يوم للبارك ويوم للاستوديو ويوم للاوت لت والمول القريب منه |
رد: مساعده بخصوص ديزي لاند باريس اقتباس:
اي اخوي نفس ماتفضلو الاخوان الملاهي كبيره وماتكفيها يوم كامل وخاصه اذا تبغي تروح الاوت لت لافيلج جنب الملاهي والافضل السكن خارج الملاهي لانه ارخص يعني في منطقه فال دي يوروب جنب المول والاوت لت وتقريبا 8 دقايق الى ملاهي دزني لاند او السكن قريب من الملاهي والاوت لت وهي الفنادق نفس ماتفضل اخوي فيصل فندق دريم كاسل و فلل الماريوت و راديسون بلو وتقسيم الحديقه نفس ماتفضلت الاخت فيندا واهم وقتين في دزني هو تقريبا الساعه 6 المسا العرض الاول الصغير والعرض الثاني الكبير قبل اغلاق الملاهي تقريبا الساعه 9 او 9 ونص المسا ومكان العرض بالشارع بين المحلات التجاريه ويفضل تاخذ لك مكان حلوه قريب من مكان مرورهم ويوجد عندهم نظام القايد خاصه في فصل الصيف تكون الطوابير زحمه على الالعاب يعني ممكن تنتظر اللعبه لوحده بين نص ساعه او ساعه ونظام القايد بوقت شراء التذاكر تقول لهم تبغي VIP الرسوم الاضافيه غاليه تقريبا 500 يورو او اقل مب متذكر بالضبط ميزته يكون معاك رجال من العاملين هناك ويدخلك اي لعبه تبغيها بدون الانتظار بالطوابير يعني تدخل على اللعبه دايركت من باب خلفي وبالتوفيق |
رد: مساعده بخصوص ديزي لاند باريس اذا بتسكن في فنادق ديزني راح يكون السكن شامل تذاكر الدخول اما فنادق اللي يسمونهم (بارتنر) السكن مايشمل التذاكر .. لازم تشتري تذاكر الفاست باس للعلم فقط .. ماتقدر تاخذ اكثر من تذكره خلال ساعه او ساعتين .. بالنسبه لي اشوف 3 ايام كافيه مقسمه بين البارك والاستديو و يوم حق الاوتلت انا كنت مسافره الشهر اللي طاف وان شالله ارتب الصور وبحطهم بتقرير تقدر تستفيد منه |
رد: مساعده بخصوص ديزي لاند باريس معلومة جديده عن الفاست الباس ناطرين التقرير :) |
رد: مساعده بخصوص ديزي لاند باريس اوبرا ساعه او ساعتين حددي لان فيه فرق بينهم وطبعا بانتظار التقرير |
رد: مساعده بخصوص ديزي لاند باريس اقتباس:
انا اخبر وذكرت كذا مره ان في قايد يكون معاج خلالت التجول بدزني ويدخلج اي لعبه تبغينها بدون ماتصفين بالدور لكن ان يكون كرت باس يمكن جديده هذي |
رد: مساعده بخصوص ديزي لاند باريس اقتباس: المشاركة الأصلية كتبت بواسطة فيصل http://www.arabtrvl.com/vb/traveler/...s/viewpost.gif اوبرا ساعه او ساعتين حددي لان فيه فرق بينهم وطبعا بانتظار التقرير :(37): يعتمد على حسب الوقت والزحمه انا خذيت فاست باس حق لعبه راتاتولي ورحت اطق فاست باس حق لعبه التاور طلعلي مايصير الا بعد ساعتين .. المهم اللي يبي فاست باس يتأكد من الجهاز الساعه جم يقدر ياخذ الفاست باس الثاني :(37): |
رد: مساعده بخصوص ديزي لاند باريس شكرا لك ان شاءالله نشوف هالملاحظات بتقريرك القادم |
رد: مساعده بخصوص ديزي لاند باريس يمكن مع الزحمه يختلف الوضع ما ادري اذا فيصل يذكر في واحد من اخر التقارير الي انكتبت في المنتدى القديم ذكر انه مر على ماكينات الفاست باس جمع التذاكر كامل وبعدين رجع يلعب بالالعاب |
رد: مساعده بخصوص ديزي لاند باريس اذكر ام ريم نفس ما قلتي وكان مرتب وقته بالطريقه ذي يمكن تغير شيء |
| الساعة الآن 12:40 PM |
Powered by vBulletin® Copyright ©2000 - 2025, Jelsoft Enterprises Ltd.
Search Engine Optimization by vBSEO