|
شوبنج اقتصادي ... افيدني ياالخبيرات والخبراء مثل ماهو مكتوب بالعنوان وعلى نمط التسوق بلندن من الأماكن الرخيصة مثل بريمارك المعروف ببريطانيا هل بفرنسا فيه مثل هالشي ؟ بلندن احتجنا بعض الأشياء الخفيفة وكان بريمارك خيار مثالي ياليت تفيدوني كتبت موضوع مثله ببوابة سويسرا بعد اذن المشرفين :(155): |
رد: شوبنج اقتصادي ... افيدني ياالخبيرات والخبراء بريمارك موجود في باريس وعندك C&A مشهور في أوروبا منطقة شاتليه محلاتها رخيصه ينقل للاستفسارات |
رد: شوبنج اقتصادي ... افيدني ياالخبيرات والخبراء مشكورة اختي ام ريم الله يجزاك خير ممكن حبيبتي الوصف وين تصير هالاماكن بالضبط كيف نروح لها ؟ |
رد: شوبنج اقتصادي ... افيدني ياالخبيرات والخبراء مرحبا اختي مسافره نفس ماقالت لج مشرفتنا ام ريم جزاها الله خير وتقبل الله صيامكم ان شاء الله بالنسبه لبريمارك و C&A موجودين في باريس على العنوان Avenue de la France Libre 94000 Créteil اوقات الدوام Sunday CLOSED Monday 10:00 - 20:00 Tuesday 10:00 - 21:00 Wednesday 10:00 - 21:00 Thursday 10:00 - 21:00 Friday 10:00 - 21:00 Saturday 10:00 - 20:00 طريقه الوصول له بالمترو محطه Créteil - Préfecture على الخط البنفسجي رقم 8 من توصلون هالمحطه في جنبه مجمع تجاري تحصلين من ظمن المحلات بريمارك و C&A داخله بالنسبه لمحلات c&a قرب فرع موجود بعد متحف اللوفر في منطقه شاتليه اقرب محطه مترو له Châtelet عنوان المحل اسم الشارع 1 Rue des Déchargeurs 75001 Paris وراح اضيف لج بعض اماكن التسوق الاخرى تحياتي |
رد: شوبنج اقتصادي ... افيدني ياالخبيرات والخبراء الله يجزاك خير اخوي و مبارك عليكم الشهر الله يعيده علينا وعليكم لا فاقدين ولا مفقودين انا سكني في فندق اداقيو ايفل تاور هل هالاماكن تكون قريبة ؟ |
رد: شوبنج اقتصادي ... افيدني ياالخبيرات والخبراء ويجزاج الخير اختي اللهم امين ومن قال يارب مشكوره على الدعوه الحلوه بالنسبه لو بتطلعين من الفندق الى بريمارك و C&A تروحين لمحطه بير حكيم Bir-Hakeim الي جنب برج ايفل وتاخذين الخط رقم 6 الاخضر وتنزلين في محطه Daumesnil وبعدها تاخذين الخط رقم 8 البنفسجي وتنزلين في محطه Créteil - Préfecture جنب المجمع يعني اختي اي في مسافه من الفندق لين المجمع لانه مش في وسط باريس وراح تمرين على محطات مترو كثيره ويمكن المسافه بالمترو تمتد الى نص ساعه http://up.arabseyes.com/uploads2013/...7307849391.png العاب |
رد: شوبنج اقتصادي ... افيدني ياالخبيرات والخبراء مشكور الله يجزاك الجنة ماقصرت انا طبعا للحين اتلخبط بهالالوان المترو احسه مو مثل لندن سهل ياحلوه انشالله ما اضيع هناك انتظر الأسواق الثانية اخوي لا هنت |
رد: شوبنج اقتصادي ... افيدني ياالخبيرات والخبراء ابو سعد اعتقد ان اقرب فرع لc&a هو الموجود خلف متحف اللوفر ياليت تأكد لي هذه النقطه |
رد: شوبنج اقتصادي ... افيدني ياالخبيرات والخبراء بريمارك يكون في مجمع اسمه qwartz عند ضواحي باريس المجمع فيه بريمارك ماركس وسبنسر و h&m وغيرهم من المحلات من رايي الوصول له بالتاكسي افضل C&A له عدت فروع أشهرها في شاتليه....أظن الي يقصده ابو عبدالرحمن وفرع في مول الفصول الاربعه في منطقة لاديفانس |
رد: شوبنج اقتصادي ... افيدني ياالخبيرات والخبراء معلومات قيمة اختي ام ريم ماشالله الكل هنا ما يقصر الله يسعدكم و يرزقكم مناكم يارب |
رد: شوبنج اقتصادي ... افيدني ياالخبيرات والخبراء اقتباس:
صحيح اخوي بو عبدالرحمن وطريقه الوصول له من محطه شاتليه وماقصرت ام ريم في اضافتها جزاها الله خير وان موجود ايضا في مجمع الفصول الاربعه |
رد: شوبنج اقتصادي ... افيدني ياالخبيرات والخبراء اقتباس:
بالعكس اختي حلوه سالفه الالوان ههههههه خلاص ولايهمج لاتروحين عن طريق الالوان امشي على الارقام :(157): يعني من فندقكم تروحين محطه بير حكيم وتاخذين خط رقم 6 وبعدها تاخذين خط رقم 8 ان شاء الله برسل لج باقي الاسواق ومنها سوق ابوقير |
رد: شوبنج اقتصادي ... افيدني ياالخبيرات والخبراء شكرا ام ريم على التوضيح ما نستغني عن خبرتك ابدااا |
رد: شوبنج اقتصادي ... افيدني ياالخبيرات والخبراء فيه مول لي بون جربته احلي من العقد ومدحته أجد جربه منكم شباب |
رد: شوبنج اقتصادي ... افيدني ياالخبيرات والخبراء وين هذا المول يصير خن نجربه |
رد: شوبنج اقتصادي ... افيدني ياالخبيرات والخبراء لا والله يابوخالد ماقد رحت له بس يمدحونه مكان قريب من برج ايفل مابين ايفل وحديقه لوكسمبورغ الوصول له عن طريق محطه مترو اسمها Sèvres - Babylone عن طريق خط المترو رقم M10 و M12 مول حلو بصراحه ويستحق الزياره وهذا اسمه Le Bon Marché |
رد: شوبنج اقتصادي ... افيدني ياالخبيرات والخبراء مشكور اخوي القطري الله يعطيك العافية طيب بالنسبة للمترو شكلي يبي لي دورة تدريبية قبل لا اروح الحين وش الفرق بين الرير والمترو انا فهمت ان الرير يكون فوق الأرض والمترو مثل لندن تحت هل الرير ما يوصل لكل الأماكن السياحية ؟ مثلا برج ايفل نهر السين شارع الشانز قصر فرساي متحف اللوفر ديزني هذي الأماكن احتاج مترو والا رير ابي شرح صاير مخي قافل مو عارفة كيف |
رد: شوبنج اقتصادي ... افيدني ياالخبيرات والخبراء هلا اخت مسافره الرير يعتبر قطار يوصل لمحطات حول ضواحي باريس يعنى مثلا لو بتروحين لديزني او فيرساي او راجعه او جايه من المطار الميترو داخل زوم المديمه وهو اللي يخدم المدينه وعرباته صغيره يعني ماتحتاجينه الا بمشاوير بضواحي باريس |
رد: شوبنج اقتصادي ... افيدني ياالخبيرات والخبراء اقتباس:
العفو اختي مسافره نفس ماقال لج مراقبنا ابو طلال ان الرير يوصل لين ضواحي باريس اما المترو فهو وسط باريس والاثنين نفس الشي تحت الارض يعني في بعض الاماكن الرير يسمونه الاسبان يعني لضواحي المدينه بس انتي خلاص لاتحطين ببالج لون الخط او المترو والرير امشي على الارقام والحروف فقط المترو ارقام والرير حروف وان شاء الله الايام الجايه راح اعطيج محطات المترو الرئيسيه وطريقه استخدامها وطريقه شراء التذاكر ابشري ان شاء الله |
رد: شوبنج اقتصادي ... افيدني ياالخبيرات والخبراء مرحبا اختي مسافره اذا عندج ايفون او جلكسي نزلي هالبرنامج paris metro انا منزل ثلاثه بس انتي حاليا نزلي الي بالنص الي جنب يوروب كار http://i.imgur.com/tXmwDUsl.jpg اول ماتفتحين البرنامج بتطلع لج الخارطه بذي الشكل روحي فوق عند الخطوط الثلاثه واضغطي عليهم http://i.imgur.com/q68CLuGl.jpg بتطلع الصوره بهالشكل اختاري route planner http://i.imgur.com/u7nK33Nl.jpg بتطلع لج هالشكل المستطيل الاول اكتبي المحطه الي انتي فيها والمستطيل الثاني اسم المحطه الي بتروحين لها وبيطلع لج مسارج واي خط تاخذينه مباشره او روحي فوق على اليمين واضغطي route انا كتبت بالمستطيل الاول محطه georgeV في الشانز والمستطيل الثاني محطه saint-michel في الحي اللاتيني http://i.imgur.com/cFCB1Etl.jpg بتطلع لج هالشكل يوضح لج الوان الخطوط كل لون تعبر عن محطه المسافه كلها تقريبا 16 دقيقه وتضغطين على المستطيل الاول fast route http://i.imgur.com/HDgYKKbl.jpg بتطلع لج هالشكل خط السير ولون الخط ورقم الخط وايضا محطه تغيير الخط في محطه Chatelet واذا رحتي فوق ضغطي على map http://i.imgur.com/OUesxqtl.jpg بتطلع لج هالخارطه وخط سيرج ولاحظي البرنامج يعطيج دائرتين وهي المحطه الي طلعتي منها ومحطه الوصول http://i.imgur.com/hAv74aEl.jpg |
رد: شوبنج اقتصادي ... افيدني ياالخبيرات والخبراء موضوع استفدت منه شكرًا لك على طرحه وشكرا للمشرفين متى رحلتك نفس فندقنا |
رد: شوبنج اقتصادي ... افيدني ياالخبيرات والخبراء من جد صار موضوعي موسوعة ماشاء الف شكر لكم جميعا اخوي القطري البرنامج روعة وحلو عجبني اختي طوق الياسمين بنكون هناك انشالله من 14 الى 19 يوليو عسى نفس وقتكم ؟ :(37): |
رد: شوبنج اقتصادي ... افيدني ياالخبيرات والخبراء فيه سؤال ماله علاقة بالموضوع بس له علاقة بالقطارات وكذا الحين اذا ابي اروح انترلاكن من باريس أي محطة قطار اروح ؟ وهل القطار بتكون فيه وجبة مجانية ؟ هل فيه كافتريا والا نجيب معنا شي ناكله ؟ |
رد: شوبنج اقتصادي ... افيدني ياالخبيرات والخبراء هههههه اختي مسافره جبتي الخير والموسوعه بكبرها عشانج ويستفيد منها كل الاعضاء بأذن الله العفووو الله يسلمج بخصوص استفساراتج : # المحطه في باريس الي تطلع على انتر لاكن اسمها PARIS GARE LYON # رحله واحده باليوم فقط من باريس الى انتر لاكن مدتها 5:20 يتحرك القطار الساعه 6:23 مساء والباقي تبديل قطار في مدينه بازل # لا اختي مافي وجبات مجانيه لكن يوجد مطعم داخل القطار وفيها بعض الوجبات والسندويشات السريعه وايضا يوجد ترولي تجي الطلبات الي عندكم بين فتره وفتره لكن اشياء بسيطه وخفيفه واذا بتجيبين شي معاج تحبين تاكلينه وماتضمنين اكلهم ممكن تاخذين معاج |
رد: شوبنج اقتصادي ... افيدني ياالخبيرات والخبراء مشكووووور مشكووور اخوي القطري هم انت بسفرة لندن السابقة ماقصرت معي جزاك الله خير استفدت منك ومن كثيير من الأعضاء ماشاء الله كلكم الخير والبركة |
رد: شوبنج اقتصادي ... افيدني ياالخبيرات والخبراء العفووو اختي مسافره ماسوينا الا الواجب ويجزاج بمثله ماعليج زوووود انا والاخوان كلهم مايقصرون لو طلبتي منهم اي استفسار اكيد ماراح يردونج واي استفسارات اخرى حاضرين مايردج الا لسانج اتمنى لج سفرا سعيدا وصياما مقبولا ان شاء الله |
رد: شوبنج اقتصادي ... افيدني ياالخبيرات والخبراء لا انا قبلك من ٥الى١١ تعرفين اسم اقرب محطة مترو للفندق وهذي ثاني مره نسكنه |
رد: شوبنج اقتصادي ... افيدني ياالخبيرات والخبراء لا والله ياليت الخبراء يفيدونا هم انا عندي استفسارات إضافية وارغب في المزيد من التوضيحات وياليت الأعضاء والخبراء يتحملون شوي وشويات :(46): هذا مخططي النهائي الان وزبدة الكلام لفرنسا ...طبعا انا مجمعته وناسخة شروحات خبراءنا ما قصروا واللي يبي يستفيد هم بامكانه الغش مني :(47): فرنسا ** ملاحطة مهمة : فرساي يغلق الاثنين واللوفر يغلق الثلاثاء .. دزني لا تصلح في الويكند المخطط : اليوم الاول : الاثنين : اليوم الاول للشانز والصعود لقوس النصر ومتحف اللوفر وحديقة تريلي جنب اللوفر وجسر العشاق كلهم حول بعض . اليوم الثاني :الثلاثاء : في جولات نهريه جميله تمر فيك ل8 معالم سياحيه في باريس . شوفي هالرابط للتفاصيل والاسعار http://www.batobus.com/english/ خليها لليوم الثاني مع برج ايفيل اليوم الثالث: الاربعاء : دزني لاند _ الاوت لت - دزني تروحين لها من محطه شارل ديغول اللي باخر شارع الشانز من جهة قوس النصر تأخذين الرير الاحمر A وعلى طول لدزني .دزني اخرمحطه واللي قبلها محطه الاوت لت . الاوت لت وراء مجمع كبير مو ع طول بتشوفينه اليوم الرابع : الخميس: منطقة اللاديفانس وقصر فرساي . قصر فرساي تقدرين تروحين له من عده طرق . بس اللي اشوفه افضل تروحون ع منطقة الاديفانس ب اقرب ميترو من فندقكم وتتمشون فيها وتفطرون هناك ومن محطتها تاخذون القطار الفرنسي والى قصر فرساي المحطه في باريس الي تطلع على انتر لاكن اسمها PARIS GARE LYON ***** انا عندي خمس أيام يعني بيكون يوم حر او اذا تعبنا من اللي فوق بنوزعه على يومين اللي ابيه ياليت الله يعافيكم تكتبون اسامي هالاماكن بالفرنسية عشان اذا بحثت عن الذهاب لها بالمترو أكون فاهمة الموضوع واذا ماابي اكلف عليكم بعد أسعارها ورسومها وبعد المحطة اللي موجودين فيها وعندي بعد أسئلة لاخوي القطري بما انه توه راجع ويسمح لي زودتها هل لقيت هناك بطاقة موبيليس للمترو والرير ؟؟ كم سعر التاكسي من المطار للفندق مكانه عند ايفل ؟؟ وش جوهم هناك في يوليو اخذ صيفي والا شتوي والا ربيعي ؟؟ اممم معليش كثيرة الأسئلة بس انتو كرماء واحنا انشالله نستاهل :(47): |
رد: شوبنج اقتصادي ... افيدني ياالخبيرات والخبراء كم تدفعين واجاوب على استفساراتج :(56): ههههههههه ان شاء الله ابشري راجع لج بس بالنسبه لجسر العشاق ارجو الغاءه من القائمه :( لانه تكنسل من فتره قريبه |
رد: شوبنج اقتصادي ... افيدني ياالخبيرات والخبراء هههه اللي تامر عليه اخوي تستاهل كل خير وانشالله اقدر ارد جميلكم بتقرير اذا الله قدرني جسر العشاق خلاص يعني بح ؟ انا قريت ان الاقفال شالوها بس انه أساسا مو موجود ؟؟ |
رد: شوبنج اقتصادي ... افيدني ياالخبيرات والخبراء امممم بعد ولا عليكم امر ابي موقع حجز تذاكر دزني وبرج ايفيل سمعت انها اون لاين ارخص من هناك طيب هل عادي احجزها هناك لما أوصل اون لاين واطبعها من الفندق ؟؟ وش بعد احتاج احجز من هنا باقي أسبوعين وحاسة اني بديت أتوتر :( |
رد: شوبنج اقتصادي ... افيدني ياالخبيرات والخبراء بعد سؤال ...شكلي بتكفخ ههه الحي اللاتيني لاي يوم اضيفه وكيف اروح له بخصوص حجز التذاكر تنصحوني احجز اون لاين والا لما اروح اصف طابور وخلاص ؟؟ |
رد: شوبنج اقتصادي ... افيدني ياالخبيرات والخبراء رفع 😢 Sent from my GT-I9300 using Tapatalk |
رد: شوبنج اقتصادي ... افيدني ياالخبيرات والخبراء ايفيل الأفضل تحجزين اونلاين لانه الطوابير تاخذ ساعات احيانا أصلا حتى الحجز اونلاين صعب تلقين التاريخ والوقت الي تبينه ً هذا موقعهم للحجز La billetterie officielle de la Tour Eiffel ديزني اونلاين ارخص الا اذا تلقين عرض خاص من الفنادق تذكرة ديزني الاونلاين ما تقدرين تستخدمينها يوم الي تشترينها على الأقل يوم قبل |
رد: شوبنج اقتصادي ... افيدني ياالخبيرات والخبراء مشكورة اختي الله يعطيك العافية طيب وش الموقع اللي احجز منه لديزني |
رد: شوبنج اقتصادي ... افيدني ياالخبيرات والخبراء |
رد: شوبنج اقتصادي ... افيدني ياالخبيرات والخبراء الف شكر لك حبيبتي ما قصرتي |
رد: شوبنج اقتصادي ... افيدني ياالخبيرات والخبراء اقتباس:
جعلج تسلمين ماتقصرين والله ههههه اي الاقفال شالوها بس الجسر موجود اكيد وراح يمنعون وضع الاقفال اذا لج خاطر في المجسم الذهبي في ساحه Alma-Marceau هههههه قريبه من برج ايفل :(94): |
رد: شوبنج اقتصادي ... افيدني ياالخبيرات والخبراء وعندي بعد أسئلة لاخوي القطري بما انه توه راجع ويسمح لي زودتها لا بالعكس اختي خذي راحتج بأي استفسار لاترددين حاضرين لج هل لقيت هناك بطاقة موبيليس للمترو والرير ؟؟ انا ماخذت هالبطاقه لكن هي موجوده انتي بس قولي لي بالضبط استقريتي على شنو بالنسبه للمترو والرير خذي باريس باس للمده الي بتجلسينها حق زون 1-3 طبعا بدون المطار ودزني لاند وقصري فرساي لانهم في زون اخر ادخلي على الرابط تحت وانزلي تحت وشوفي عدد الايام الي تناسبك عندهم الايام لــ 1.2.3.5 اختاري كم يوم والزون نفس الي ذكرت لج 1-3 Paris Visite Pass - Transport ticket - Paris Tourist Office كم سعر التاكسي من المطار للفندق مكانه عند ايفل ؟؟ طبعا على حسب يوم الوصول اذا كان ويكند او لا بس تقريبا مابين 100 الى 150 يورو اذا كانت السياره فان كبيره بتحصلينهم موجودين بمطار باريس بمجرد تاخذون الشنط وتطلعون او من الكشك خارج المطار الخاص بالليموزين وش جوهم هناك في يوليو اخذ صيفي والا شتوي والا ربيعي ؟؟ الجوو حلو معتدل بالليل بس بالنهار اشوي دافئ اذا كان مشمس يعني مايحتاج ملابس ثقيله وايد جاكيتات خفيفه تكفي بس اذا معاكم اطفال ثقلو لهم اشوي بس لاتكثرون الملابس الشتويه الثقيله وتاخذ مساحه على الفاضي اممم معليش كثيرة الأسئلة بس انتو كرماء واحنا انشالله نستاهل نقره لعرض الصورة في صفحة مستقلة اكيد تستاهلين اي استفسار لاترددين الاجابه باللون الاحمر فوق بالتوفيق |
رد: شوبنج اقتصادي ... افيدني ياالخبيرات والخبراء اختي هذا فيديو انا مسويه في اخر زياره لي لباريس قبل شهرين طريقه شراء تذاكر المترو لعدد الايام واختيار الزون https://www.youtube.com/watch?v=JFMHw4MhfCQ |
| الساعة الآن 12:43 PM |
Powered by vBulletin® Copyright ©2000 - 2025, Jelsoft Enterprises Ltd.
Search Engine Optimization by vBSEO