|
مســــــــــــــاعدة بخصوص استئــــــجار سيــــــــــارة بأوروبا الســــــــلام علــــــــــيكـــــم ورحــــــــــــمة الله حاب استفسر عن الـــــــــــــقيادة بأوروبا وهل تحتـــــــــــاج بطاقة إئتــــــمانية عادية ؟ وهل مسبقة الدفع تفي بالغرض ؟ علمــــا بأني قرأت في عدد من شركـــــات التأجير من خلال ملاحظة مكتوبة في مواقعهم بأن البــطاقات مسبقة الدفع غير مقبولة وهل الرخــصة السعودية كافية ام الدولية مطلوبة ايضا ويا حبذا لو تعطوني متطلبات القيادة كالاستكر بين دول الشنقن وايضا العبور من خلال المنافذ :) شكــــرا لكــــــم |
رد: مســــــــــــــاعدة بخصوص استئــــــجار سيــــــــــارة بأوروبا و عليكم السلام و رحمة الله وبركاته اذا كانت الرخصه المحليه باللغه الانجليزيه فالاغلب يقبلونها استكرات دخول الدول تختلف من دوله للثانيه ينقل للقسم المختص |
رد: مســــــــــــــاعدة بخصوص استئــــــجار سيــــــــــارة بأوروبا وعليكم السلام ورحمه الله وبركاته مشكلتهم مرات بالمزاج الفيزا جربوها كثير المسبقه ومشت مع ناس والبعض ما مشت اللي مشت معاهم بعضهم كان حاط مبلغ ضعف قيمه الاستئجار وبعضهم ما قالوا لهم شيء والعاديه تمشي الرخصه الدوليه مش ضروريه اذا رخصتك نفس ما تفضلت ام ريم فيها انجليزي لكن يمكن يتجلس لك موظف مع العلم الدوليه كلها 120 ريال خلها احتياط |
رد: مســــــــــــــاعدة بخصوص استئــــــجار سيــــــــــارة بأوروبا ماقصر ابو خالد ومشرفتنا .. تروح وترد بالسلامة هولمز |
رد: مســــــــــــــاعدة بخصوص استئــــــجار سيــــــــــارة بأوروبا المهم في البطاقة انها تكون محفورة مو مطبوعة ترى ما يدرو هي مسبقة الدفع او غيره المهم عندهم انها تكون محفورة وموجود فيها الرصيد اللي يبغو يحجزوه وبس بالنسبة للرخصة الدولية بفضل الله ما قد احد سالني عنها سواء دول عربية او اوروبية او امريكية. لكن احد الاصدقاء قبل فترة وقع في موظف ابن ستين ك.. ورفض يعطيه السيارة مع انه دافع المبلغ كامل مسبقا. لذلك نصيحتي استخرجها وخلها معك. بالتوفيق |
رد: مســــــــــــــاعدة بخصوص استئــــــجار سيــــــــــارة بأوروبا تصحيح بسيط الرخصه المحليه تمشي في المكتب وبعض الاحيان يطلبون الدوليه لكن لماذا نستخرج رخصه دوليه والمحليه مكتوبه اساساً بالانجليزيه ؟ الجواب الرخصه الدوليه يطلبونها في التفتيش اذا صادف احدنا ويطلبونها عند ارتكاب مخالفه . سألت البوليس في سويسرا عن هذا الموضوع هل ضروري ان يكون معاي رخصه دوليه ام المحليه تكفي ؟ رد علي مصيبه كبيره اذا لم توجد معاك رخصه دوليه وعلى طول ع التوقيف فهي ضروريه جداً تمنياتي لكم بالتوفيق |
رد: مســــــــــــــاعدة بخصوص استئــــــجار سيــــــــــارة بأوروبا معلومة مهمة مشرفنا تو انتبه اشوى قدام نتوهق هولمز |
رد: مســــــــــــــاعدة بخصوص استئــــــجار سيــــــــــارة بأوروبا اهم شي أنه تكون البطاقه محفوووره وليست مطبوعه ثانيا يجي الأختلاف بخصوص قبول مسبقه الدفع او لا كما قال الأخوان الأحوط تطلع لك بطاقه فيزا ( ماتكون مسبقه الدفع ) وتخليها لأيجار السياره فقط لاغير !! وبطاقتك مسبقه الدفع استعملها في السكن والتنقل والمصروفات الشخصيه الرخصه الدوليه مهمه والأهم منها كلها رخصتك المحليه ( السعوديه ) ماراح يأجرون لك السياره بدونها حتى لو كانت الدوليه معك بالتوووفيق لك |
رد: مســــــــــــــاعدة بخصوص استئــــــجار سيــــــــــارة بأوروبا يفضل أن تستخرج رخصة قياده دوليه وتريح بالك وتحتفظ معك أيضا برخصتك المحليه |
رد: مســــــــــــــاعدة بخصوص استئــــــجار سيــــــــــارة بأوروبا وعليكم السلام 1- الرخصة السعودية الجديدة '' صالحه للإستخدام في أي دولة لمدة 6 شهور بعدها يطالبونك تستخرج رخصة قيادة قيادة من الدولة اللي انت فيها '' 2- بطاقة التأمين انا تعاملت مع sixt و avis وكلهم كانوا يقبلون البطاقة لكن بشرط وهذا الشرط '' في اغلب محلات واسواق اوربا'' ان يكون البطاقه منحوت عليه الاسم 'محفوره' 3- معلومه جانبية مهمه : ' بطاقة الائتمان' لابد ان يكون حامله هو صاحبها لان بعض المحلات تطلب منك الجواز او بطاقة الهويه قبل الصرف '' خصوصاً عند الشراء بمبالغ كبيرة اتمنى اكون افدت وما اطلت |
رد: مســــــــــــــاعدة بخصوص استئــــــجار سيــــــــــارة بأوروبا الرخصة السعودية يسمح القياده فيها دوليا ولا يطلب رخصة دولية في حاله وحده فقط ادا اسمك بالانجليزي يطابق الاسم بالانجليزي اللي على جواز سفرك ومكتوبه بالانجليزي اما اذا مطابق فلا داعي للرخصة الدولية حتى اذا تلاحظ عند طلب الرخصة الدولية يطلب منك جواز السفر لمطابقة الاسم. حيث انه اذكر في السعودية كان كتابت الاسم بالانجليزي اجتهاد وماكانوا يرجعوا لنا لتاكيد صحة الاسم .. لاتضيع فلوسك ووقتك ادا الاسم والمعلومات مطابقة لجواز سفرك لانها سنويه فقط . |
رد: مســــــــــــــاعدة بخصوص استئــــــجار سيــــــــــارة بأوروبا اقتباس:
مجلس التعاون لدول الخليج العربية خاصه في السعوديه ودول مجلس التعاون والرخصه الدوليه انترناشونال للقياده الدوليه مكتب التأجير ما يسلمك السياره الا بالرخصه المحليه السعوديه او غيرها من الدول والرخصه الدوليه للقياده على الطرق الاوربيه وغيرها . اذا صادفت تفتيش او ارتكبت مخالفه وطلب الشرطي الرخصه وابرزت له الرخصه السعوديه ماتنفعك من تجربه لي شخصياً في سويسرا يقول لو ما معك رخصه انترناشونال على التوقيف دايركت ونتصل بالسفاره ومسأله انت في غنى عنها 150 ريال ما تنقص شي .. تحياتي |
رد: مســــــــــــــاعدة بخصوص استئــــــجار سيــــــــــارة بأوروبا اقتباس : المشاركة الأصلية كتبت بواسطة حبْر http://www.arabtrvl.com/vb/traveler/...s/viewpost.gif اخي الكريم رخصة القيادة السعوديه مكتوب خلفها مجلس التعاون لدول الخليج العربية خاصه في السعوديه ودول مجلس التعاون والرخصه الدوليه انترناشونال للقياده الدوليه مكتب التأجير ما يسلمك السياره الا بالرخصه المحليه السعوديه او غيرها من الدول والرخصه الدوليه للقياده على الطرق الاوربيه وغيرها . اذا صادفت تفتيش او ارتكبت مخالفه وطلب الشرطي الرخصه وابرزت له الرخصه السعوديه ماتنفعك من تجربه لي شخصياً في سويسرا يقول لو ما معك رخصه انترناشونال على التوقيف دايركت ونتصل بالسفاره ومسأله انت في غنى عنها 150 ريال ما تنقص شي .. تحياتي اخوي انا احكيلك عن تجربه استاجرت سياره من ايطاليا وصار حادث بسيط معي في فرنسا وماطلبوا الرخصة وعبيت الورق والتامين بعد اسبوع من الحادث طلب صورة للرخصة العادية ارسلها بالفاكس وبس المهم عندهم موافقة التامين في تغطية كلفة الحادث والرخصة الدوليه مجرد ترجمة . ثاني شي لمن رحت اطلب رخصه دوليه من المرور في البحرين هوا بنفسه قالي وين بتسافر وبعدها قالي مو لازم بس بعض دول شرق اوروبا والصين واليابان.. ومعك حق دايم المؤجرين في فرنسا يطلبون رخصة دوليه بس ماكانوا يرفضوأ يعطوني ادا مو معي. انا طلعتها مره بس في حياتي بس لازم تكون مكتوبه بالانجليزي وكلمة اسم نفسها مترجمه بالانجليزي وتاريخ الميلاد والصلاحية مترجمة . ماعندي علم بالرخصة السعودية الجديدة ادا كل شي مترجم ولا لا. انا مضايقني موضوع التجديد كل سنه ولازم مو اكثر من ثلاث شهور من السفر وعلى ايش كأن ترجمة اسمك بتختلف من سنة لسنة يعني؟. المهم للي يسألون اذا قررت رخصة دولية ولا مو دولية لازم ماتنسى وجود الرخصة المحلية معها . انا معك انه في شرطيين يفتون من عندهم كثير ويكبرون الموضوع. بس انا طابع كل الورق لكل دولة خاصه سويسره والمانيا لاني ازورهم كثير واذا شرطي اتفلسف اوريهم ورقه من الانترنت من المواقع الحكومية لبلدهم ومكتوب فيها بكل وضوح اني ممكن اقود برخصة من دوله اجنبيه... اخوي صدقني ترى التوقيف مو سهله عندهم هذول انا كنت في المانيا ومن غير ورق بس المدام كانت تسوق (ماتخليني اسوق في المرتفعات ) و الشرطي طلب اوراقي وقالتله زوجي ونسى الاوراق في الفندق وقال اوكي وتجاهلنا وقال يستحسن الاوراق دايم تكون معكم وبس . صدقني ماعمري راح اطلع رخصه دولية واذا مصرين مكاتب التاجير راح اترجم الرخصة واختمها بختم المترجم المعترف ومن السفارة الفرنسية لانهم كاتبين بكل وضوح ورقه ترجمه رسمية للرخصة في حال حبيت تعيش في فرنسا ومعاك سنة لتبديلها لرخصة فرنسية ومو كاتبين رخصة دولية. ولا اطلع رخصة كل سنة . بس انتا جرب مره وخلي الرخصة الدولية معك واذا طلبوا قلهم مامعي وشوف شو راح يصير . انا ماخد اكثر من مره ودايم يسألوا بس اقولهم مامعي رخصه دوليه بس ماكان يرفض يعطيني. بس كان عندي احطياط اذا رفضوا استأجر على أسم المدام لان معها رخصة فرنسية بس ماعمرهم رفضوا لي . |
رد: مســــــــــــــاعدة بخصوص استئــــــجار سيــــــــــارة بأوروبا انا مادري عن نوعية الرخصه في البحرين انا اتكلم عن الرخصه السعوديه وانا من النوع اللي يشتري راحته مالي في المشاكل اطلعها ب ١٥٠ ريال واريح راسي من تجارب سابقه . تقبل تحياتي |
رد: مســــــــــــــاعدة بخصوص استئــــــجار سيــــــــــارة بأوروبا مشكور اخي انس و ملاحظاتك مهمة ممكن ترفعلنا صورة الرخصة البحرينية لنرى فرقها عن السعودية شكرا لك |
رد: مســــــــــــــاعدة بخصوص استئــــــجار سيــــــــــارة بأوروبا ...... |
رد: مســــــــــــــاعدة بخصوص استئــــــجار سيــــــــــارة بأوروبا ..... |
رد: مســــــــــــــاعدة بخصوص استئــــــجار سيــــــــــارة بأوروبا |
رد: مســــــــــــــاعدة بخصوص استئــــــجار سيــــــــــارة بأوروبا اخوي بالنسبه لأستفسارك الاول نعم تحتاج بطاقه ائتمانيه مايصير بطاقه مسبوقه الدفع او بطاقه atm يفضل تكون visa او master card او امريكان اكسبرس او اي من البطاقات العالميه المعروفه بالنسبه للأستفسار الثاني يصير بالرخصه السواقه السعوديه بحد اقصى اسبوعين اذا المده الي بتسوق فيها اكثر من اسبوعين اجباري يكون عندك ليسن دولي لكن الافضل مهما كانت المده تطلب لك ليسن دولي اجراءاته بسيطه وسريع الاصدار بنفس اليوم ورسومه قليله وبالتوفيق ان شاء الله |
رد: مســــــــــــــاعدة بخصوص استئــــــجار سيــــــــــارة بأوروبا اقتباس:
مشكور اخوي على عرض تجربتك اذا المده اقل من اسبوعين مايحتاج رخصه دوليه اما اذا اكثر من اسبوعين اجباري الرخصه الدوليه دائما اذهب للأفضل والحيطه ويكون معاك رخصه دوليه |
رد: مســــــــــــــاعدة بخصوص استئــــــجار سيــــــــــارة بأوروبا سواء مسبقة الدفع او تعبأ بالنقود اهم شئ وقت الاستئجار يرهن المبلغ الي تريدة شركة الايجار من غير اي كلام ومعضم المبالغ نوع من التأمين لانك من بلد ثانية |
رد: مســــــــــــــاعدة بخصوص استئــــــجار سيــــــــــارة بأوروبا يمكن هذا الخبر يؤيد نوعا ما صحة ان الاهم الرخصة المحلية المترجمة الأنظمة السويسرية تمنع السعوديات من قيادة السيارة بالرخصة الدولية - صحيفة أنباؤكم الإلكترونية |
| الساعة الآن 12:43 PM |
Powered by vBulletin® Copyright ©2000 - 2025, Jelsoft Enterprises Ltd.
Search Engine Optimization by vBSEO