|
مساعده بإستئجار سياره في أوروبا السلام عليكم ورحمة الله وبركاته اتمنى افادتي بافضل المواقع الموثوقه والمجربه في اسئجار سياره في أوروبا الاستلام فرانكفورت التسليم ميلان هل استلمها من المطار ؟؟ وين اسلمها في ميلان ؟؟ شاكره ومقدره تعاونكم :yolks00260: |
مرحبا نفس ماقلت لج اختاري السياره الي تناسبج وبعدها نسوي مقارنه بين التسليم بنفس البلد او بلد اخرى ومقارنه السعر بتنقلاتج بالقطار واتوقع ان لو تستغنين عن التنقلات بالقطار راح يكون افضل لج وارخص 1- رنتل كار https://www.rentalcargroup.com/ar/ 2- انتر برايس https://www.enterprise.com/en/home.html 3- يوروب كار https://www.europcar.com/ 4- avis https://www.avis.com/car-rental/avisHome/home.ac 5- sixt https://www.sixt.com/ 6- budget Car Rentals from Budget 7- hertz https://www.hertz.com/rentacar/reservation/ بالتوفيق |
هههههه ابو سعد غلطة املائية "نشوي بدل نسوي" غيرت الفكرة انت مو انت وانت جوعان بالنسبة لحجز السيارة ، لاحظت ان الحجز والاستلام من وسط المدينة بيكون ارخص من المطارات خصوصا من شركة سكست وبالذات لو كانت السيارة من درجة مرتفعة |
هههههههه اي والله يا بومهاب كنت اكتب على عجاله رايح للنوم وحاولت ما اشرح بس احط روابط ماكان عندي وقت هههههه صادق بخصوص سكست مشكلتهم ياخذون تأمين مترجع عالي غير عن الشركات الثانيه انا ابغي نوع السياره تقريبا وبعدها نشوف الارخض والافضل |
يعطيك العافيه ع مجهودك تعبتك معي شيكت بموقع هرتز هل هو جيد ؟؟؟ M OPEL MOKKA AUT وسعرها تقريبـــا SAR 3163.63 الدفع في الموقع N FORD MONDEO AUT وسعرها تقريبـــا SAR 3361.41 الدفع في الموقع MERCEDES C CLASS AUT. GPS وسعرها تقريبـــا SAR 3954.60 الدفع في الموقع وش افضل بـ gps والا بدون واختار الفورد أو النوع الثاني الاسعار من المانيا والتسليم ايطاليا رنتل كار يطلبني احدد مكان الاستلام ومكان التسليم ماقدرت ابحث بدون تحديد بتصير الاسعار مختلفه |
طبعا انا باخذها من أوصل واسلمها بميلان واجلس بميلان بدون سياره ودام فيه سياره مااحتاج القطارات |
الله يعافيج اختي بالنسبه لموقع هرتز ماتعاملت معاه قبل لكن اسمع عنه ان تعاملهم جيد بالنسبه للسيارات الاسعار ممتازه جدا وخاصه التسليم في ميلان راح توفرين كثير من اسعار تذاكر القطارات و احتمال راح توصل اكثر من قيمه السياره مثلا رحله واحده لكم من فرانكفورت الى فرايبورغ راح تكلفكم 100 يورو بخصوص انواع السيارات : اولا استبعدي السياره الثانيه لانها ضيقه وصالون ماتنفع الاوبل جدا ممتازه تكفي اغراضكم وراح تكونين مرتاحين المرسيدس حلوه وايد ووتعطيكم فخامه بعد حلوه اذا تبغون الراحه على الخطوط والمشاوير ممتازه وثابته بعض السيارات اجباري فيها الجي بي سي مثل المرسيدس وبعظها انتي تطلبينه اذا ماعندج انتي ولا خزنتي الاحداثيات تطلبينه من عندهم وتدفعين عليه وهناك اي مكان بتروحين تدخلين الاحداثيات بالتوفيق |
ماقصروا الاخوان يعطيهم العافية .. مرتين يغيرون لي السيارة لأن التسليم بيكون في إيطاليا "عندهم تحفظ خاصة ألمانيا" موفقين |
اقتباس:
|
اقتباس:
الله يعافيك يا الغالي بخصوص تغيير السياره هم دايما كل مكاتب تأجير السيارات يكتبون جنب اسم السياره اور سيملير يعني السياره نفسها او سياره ثانيه من نفس النوعيه او الفئه اما اذا كانت سياره راقيه وغاليه اجباري يعطونك نفسها واذا بتروح بالسياره لدول اوروبا الشرقيه ممنوع يأجرونك سياره غاليه الثمن فقط متاح لك السيارات الرخيصه لان في اوروبا الشرقيه معروفه هالدول بسرقه السيارات انا العام في المانيا كنت مستأجر مرسيدس ML رحت هناك عطوني BMW - X5 |
اقتباس:
اخوي كانك عاكس FORD MONDEO مو صالون الاوبل هي السياره المرتفعه والا ؟؟ انا شيكت ع صورها بقوقل وبنفس الموقع .. لاني مااعرف بالسيارات |
طيب من وين استلمها بفرانكفورت ووين اسلمها بميلان |
اقتباس:
انا حطيت اسمها بغوغل وطلعت صالون يمكن نفس الاسماء https://www.google.com/search?q=FORD...IVSdsaCh3MSwWM اي اوبل اشوفها مرتفعه وفيها مساحه ورى للشنط https://www.google.com/search?q=M+OP...IVy4kaCh2GYQQy ماشفتهم من الموقع اطلعو لي بغوغل جذي بالنسبه للسياره استلميها من مطار فرانكفورت لان بتوصلون تعبانين وصعبه تروحون فرع ثانيه تستلمون السياره اخذوها من المطار وخلصو اموركم وفي ميلان انتي اي فندق حجزتي !! عشان اشوف لج اقرب فرع او تسلمينها بمحطه القطارات لان الفرع هناك يكون فاتح معظم الوقت |
هذا الفندق فندق أمباسياتوري بٌَِسٌِِّ !! احتمال نغير ويصير بفنيسيا شوف موضوع سويسرا |
|
لما بحثت برنتل كار تبع المنتدى الرابط الي فوق طلع لي خيار جميع المواقع وسيارات افضل واسعار ممتازه بس اذا نسخته مايطلع بشكل صحيح هنااا |
اقتباس:
الــ similar مافي مشكلة وعارفينه لكن مرة من المرات ماكان التسليم في ايطاليا بس قلت له بمر على ميلان ما رضى يعطيني المرسيدس :yolks00100: .. قالي مرسيدس وبي ام معصي ماكوو |
يوم وصول ميلان 25 / 4 ابريل قادمه من لوقانوا السكن بفندق أمباسياتوري وين اقرب مكان لتسليم السياره ارجو افادتي ي اهل الخبره |
استفادة من المعلومات واجابة الاستفسار استفسار مفيد للجميع شكراا آرووش وشكراا بوسعد ماقصرت |
العفو حبيبتي مافي احد بيرد علي :(58): |
مرحبا اختي ممكن اعرف من اي شركه مستأجره السياره !! |
حاليا ابحث في رنتل كار |
اها انزين استأجري السياره وعطيني من اي شركه مثلا سكست او يوروب كار او ايفس وغيرهم وبنشوف لج مكان التسليم السياره بس غالبا الافضل محطه قطار ميلانو لان معظم الوقت يكونون فاتحين |
اقتباس:
لاني ابي احدد التسليم من البدايه واختار ع حسب السعر والنوع.. |
اوكي اختاري محطه قطارات ميلانو انا اشوفها افضل |
السياره ماراح تستخدمينها في ميلانو صح |
اقتباس:
بس ببحث |
لا ماابيها بميلانو |
وين عيل تبغينها ! :(33): هههه |
استلمها من فرانكفورت واسلمها بميلان |
أولا ارفع تحيت احترام وتقدير لخبيرنا أبو سعد والله لايحرمه الأجر. . ثانيا ارشح وبقوة يورب كار ديزل قير اوتامتيك كرسي اطفال دام التسليم في إيطاليا طبعا المرسيدس مايمديكم يا أودي وارشحها بقوة أو أوبل برضوا حلوه وخلوا التسليم في أقرب فرع للفندق نصيحه روحوا لمكتبهم في نفس المنطقة لانتم فيها يأخذ 75 ريال على الحجز بس مقابلهم عند الموظف كود تخفيض يوصل الي 30 % في نفس الوقت قبل ماتروحون قارنوا السعر على موقعهم. . إذا بتجلسون في فرانكفورت شوفوا اقرب فرع لشركة التأجير لأن على ما اضن المطار يأخذ زيادة عشان ضريبة الموقف اذا كان مره قريب اما اذا بعيد مايحتاج ولا حقت الهجوله بشنطي وتكسي أفضل خذوا من المطار. .. الأهم من ذلك كله أثناء الحجز استخدموا فيزا مسبقة الدفع بارزه الأرقام ومحفوره الاسم مطابق للجواز السفر أيضا رخصه دوليه ولاتنسوا هناك ثلاث اختام تكون على الرخصه الدوليه لما يستخرجها المكتب لكم. .. أنصح في مداد البلاد أو الاستثمار. .. |
والله ي اروشششه انك تحيرين خلاص خذي السيارة من المطار وسلميها في ميلانو محطة القطار ولمن تحجزي عن طريق النت بيكون عنوان التسلم موجود في ورقة الحجز وكمان لمن تستلمي السيارة راح يعطونك عنوان التسليم ولو وصلتي ميلانو وما عرفتي مكان التسليم عادي خذو تكسي يوصلكم لعنوان التسليم وكمان يكون فيه رقم تلفون الفرع اللي بتسلمون السياره فيه وكمان رقم رئيسي للشركة في ميلانو في حالة راعي التاكسي مايعرف العنوان عشان مكتوب انقلش عادي خلوه يتصل ع التلفونات المدونه على ورقة التاجير وهما لمن يردون عليه راح يدلونه ع العنوان واذا مقفل المكتب عشان يصادف الاحد دائما فيه صتدوق عليه شعار الشركة الماجره ودائما يكون جنب المكتب جطي المفتاح في الصندوق وروحو ولو ماعرفتو محل الصندوق أسألو اللي في محطة القطار وراح يدلونكم :63: |
يعطيك العافيه اخ شخص ثاني شاكره لك |
فارس مْنَ خيال ٱنـِْآ كانت مشكلتي محطه القطارات طلعت لي اماكن كثيره:26: ماعرفت اختار اي مكان لكن راح اروح مكتب ع كلام الاخ شخص ثاني يكون افضل شاكره لك مجهودك |
| الساعة الآن 12:05 PM |
Powered by vBulletin® Copyright ©2000 - 2025, Jelsoft Enterprises Ltd.
Search Engine Optimization by vBSEO