|
استئجار سياره السلام عليكم الله يعطيكم العافيه اود الأستفسار عن موضوع استئجار سياره في باريس هل مكاتب استئجار السيارات متوفره وسط باريس ام فقط في المطار ؟ هل المواقف متوفره في الاماكن العامه ؟ رحلتنا بتكون ان شاء الله اسبوع في باريس و3 ايام في دزني لاند شكرا لكم |
وعليكم السلام مكاتب تأجير السيارات متوفرة في وسط باريس المواقف صعبه شوي ومكلفة غير انه زحمه الشوارع الأفضل الاعتماد على المترو او التاكسي للتنقلات |
مرحبا اختي ياهلا وفيج ومرحبا بمنتدى الجميع ورقم عضويتج مميز وان شاء الله دوم تكوني مميزه بخصوص السياره نفس ماقالت مشرفتنا مكاتب التأجير مب شرط بالمطار موجوده مكاتبهم منتشره في وسط باريس لكن مافي داعي تكون معاكم سياره بباريس المترو يكفي واريح ينقل لقسم تأجير السيارات |
الله يعطيكم العافيه ومشكورين قرأت كثير ان فرنسا ماتحتاج سياره والاعتماد على المترو لكن للأسف انا مااحب اتعامل مع المترو خاصه معاي اطفال صغار وحقائب وعربية اطفال فلذلك نفكر في استئجار سياره هل المكاتب تحتاج حجز مسبق بمده للسياره ام ممكن عند الوصول لفرنسا وعند الحاجه للسياره نذهب للمكتب ونستأجر في نفس اللحظه ؟ |
الله يعافيك يارب اي نعم تقدرين تستأجرين من اي مكان مب شرط المطار حتى ونتي داخله موقعهم وقت الحجز تختارين مكان استلام السياره وتسلميها نعم تقدرين لما تروحين هناك وتحتاجينها تستجرينها من هناك بنفس اللحظه بس انتي وحظج تحصلين السياره المناسبه لكم ام لا الافضل قبلها تشوفين كل شركات الايار وتشوفين السياره المناسبه عند من فيهم |
ماقصروا الغالين وين حاجزين السكن ؟ عشان نشوف لكم اقرب مكتب ايجار سيارات |
فندقنا ميركيور باريس سنتر برج إيفل, استفسار عن التكاسي هي هي متوفره في كل مكان ؟ وهل هي آمنه ؟ وهل هي شركات ام شركه موحده ؟ وتقريبا كيف طريقتهم في التسعيره ؟ |
بالنسبه لتاكسي باريس من ناحيتي انا اشوفها صعبه وشبكتهم ضعيفه تحصلين عدد قليل بالشارع والباقي في المواقف العامه للتكاسي يعني بصراحه اشوفها صعبه لكنها امنه بالنسبه للتسعيره هي بالعداد اما مكاتب التأجير الي جنب ايفل 1- سكست sixt العنوان 42Avenue de Saxe 75007 Paris اقرب محطه مترو لها Ségur http://up.arabseyes.com/uploads2013/...7357481441.png العاب 2- يوروب كار Europcar العنوان Terminal Air France, Esplanade des Invalides 2 Rue Robert Esnault-Pelterie 75007 Paris اسم مبنى الرير من الخارج مكتوب Air France موقع الشركه بمحطه الرير اسمها Invalides http://up.arabseyes.com/uploads2013/...7357482032.png العاب 3- ايفيس Avis وشركه بدجت budget الشركتين بنفس المحل العنوان 5Rue Bixio 75007 Paris موقعه في نهايه حديقه برج ايفل خلف القصر 4 - هيرتز Hertz العنوان 45Avenue du Maine 75014 Paris اقرب محطه مترو لها هي Edgar Quinethttp://up.arabseyes.com/uploads2013/...7450702181.png العاب بالنسبه للموقع الاخير الي هو هيرتز قريب من هالمكان في فرع ثاني حق يوروب كار و سكست و ايفيس لان هالمنطقه فيها محطه قطارات مونبارس Gare Montparnasse |
شكرا جزيلا الله يعطيكم العافيه |
| الساعة الآن 05:07 PM |
Powered by vBulletin® Copyright ©2000 - 2025, Jelsoft Enterprises Ltd.
Search Engine Optimization by vBSEO