|
هل توجد شركة تأجير سيارات أفضل من يوروب كار ؟ السلام عليكم ورحمة الله وبركاته هل توجد شركة تأجير سيارات أفضل من يوروب كار ؟ أنا جربت يوروب كار ثلاث سنوات.. • السنة الأولى بدون أي مشاكل • السنة الثانية لم يرجعو مبلغ (الوديعة) وراسلتهم كثير بدون أي إجابة • السنة الثالثة لما جيت استلم السيارة سألتهم عن الوديعة السابقة قالوا أنه مو واضح عندهم في النظام وأنه لازم اتواصل مع المركز الرئيسي بس أنه أكيد السبب راح يكون مخلافات !! أنا اعرف قيادتي لا أسرع ولا أخالف الأنظمة شيء غريب... المهم مشيت الموضوع... لكن نفس الشيء مع السيارة الأخيرة مبلغ الوديعة لم يرجع وفوقها اخذوا زيادة 1800 ريال وراسلتهم كثير وبدون أي استجابة علماً بأني عامل تأمين شامل والسيارة مافيها أي مشكلة ولا حتى خدش.. ومرجعها مثل ما اخذتها والبنزين فل.. • وهذه السنة الرابعه بس ما ابغى اتعامل معهم لعدة أسباب: 1- خصم مبالغ إضافيه بدون تقديم أي سبب 2- ما يستجيبون للرسائل اللي بعد الاستلام 3- الوديعة قد لا ترجع لك بدون تقديم أي مبرر 4- سواء حجزت السيارة قبل 4 شهور أو اسبوع نفس الشيء لأنه في جميع الحالات حجزك غير مضمون.. وهذه صارت لي شخصيا حجزت قبل الموعد بشهرين ولما جيت لهم قالوا اختر سيارة ثانية لأنه السيارة المختاره والبديله أيضا غير متوفرة!!!! هل توجد شركة سيارات أفضل ؟ خصوصاً تسمح بخدمة الأميال المفتوحة لأني بستخدمها 35 يوم وأنا من النوع اللي يحب التنقل كثير جداً وشكرا لكم |
avis budget |
اقتباس:
يا هلا ومرحبا أخوي نورت الموضوع افيس مشهوره بس اللي يمدحها قليل يقولون مشاكلهم كثيره!! اما بدجت ما قد سمعت عنها .. كيف تعاملهم وهل أنت استأجرت منهم شخصيا؟ |
اقتباس:
بدجت تعاملت معاهم قبل 6 سنوات ممتازين لكنهم اغلى شوي من يوروب كار |
avis sixt hertz Budget وغيرها كثيير .. في كل دولة اكثر من شركة غير الي ذكرتها تعليقي بخصوص موضوعك: اسمحلي انت تتحمل جزء من الخطأ .. المفروض ماتسكت عنهم اكثر من 3 اسابيع حتى لو باقيلك ريال واحد لهم أرقام ولهم مكاتب ولهم ايميلات .. من حقك تعرف كل تفاصيل حجزك نقطة نقطة وتطلب منهم يرسلون لك ايصال بكل شي (السعر ومبلغ الوديعة وتفصيل المبلغ من كرسي اطفال او ضريبة او غيره واذا عليك اي مخالفات) روح مكتبهم الرئيسي وطالب بتفاصيل حجزك السابق كامل وقبلها خذ كشف حساب من البنك لتفاصيل المبلغ وقت حجزك منهم وياليت تفيدنا بالتحديث |
avis sixt hertz Budget |
يوربكار و سكست ممتازين الى أن تصير لك مشكلة معهم وتكتشف أنك كنت مخدوع فيهم لو بحثت في قوقل عن مشاكلهم مع العملاء حتى الاوربيين نفسهم لاخذت ايام تقرأ الشركات الامريكية أكثر موثوقية منهم خاصة هيرتز واللي يهم هو طريقة تعاملهم مع التأمين والوديعة عند الاستئجار فيه شركات اخرى كثيرة مثل ناشونال و دولار وكلهم شروطهم واضحة ما فيها لف و دوران |
اقتباس:
يا هلا ومرحبا أخوي إذا أغلى ما ظنيت أني بجربهم يعطيك العافيه عزيزي |
اقتباس:
يا هلا ومرحبا أخوي نورت الموضوع شركة sixt يقولون تاخذ وديعة بنفس قيمة الايجار يعني لو استأجرت بـ 10 لازم ادفع وديعة بـ10 تتجمد في حسابي ولا اقدر استفيد منها إلا بعد ما ارجع مالها داعي كذا أما بالنسبة للوديعة اللي مارجعت في المرتين اللي فاتت فكلامك سليم... بس هم ماسرقوني هم أخذو الفلوس اللي يستحقونها بسبب المخالفات والأضرار اللي صارت على السيارة بسبب وجه النكبه أخوي كان يطلع بالسيارة وأنا نايم لسى معترف لي قبل يومين أنه ماخذ مخالفات + حك بالسيارة من تحت أكثر من مره.. يقول انه مستغرب كيف أن السيارة ماخربت من قوة الضربات اللي جتها من الأسفل. يعطيك العافيه عزيزي |
اقتباس:
يعطيك العاافيه عزيزي وألف شكر |
| الساعة الآن 10:12 AM |
Powered by vBulletin® Copyright ©2000 - 2025, Jelsoft Enterprises Ltd.
Search Engine Optimization by vBSEO