|
بخصوص استئجار سيارة السلام عليكم عندي استفسار بخصوص استئجار السياره هل استئجرها من المطار ؟ ام من التطبيقات ؟ وماهو الفرق بين المطار والتطبيقات لان اغلب التطبيقات م افهم لها بالحيل والاسعار اشوفه غاليه مادري قلت يمكن اخذ السياره من المكاتب اللي بالمطار احلى ادري طولت عليكم 💛 |
و عليكم السلام و رحمة الله و بركاته .. حياك الله ابو الهنووف ... بخصوص أستئجار السيارات في الخارج و أثناء السفر بالتأكيد الحجز المبكر من مواقع الشركات أفضل و يضمن لك الحصول على السيارة المناسبة و بسعر مناسب أيضاً أما تأجيل الحجز و التوجة إلى مكاتب التأجير بالمطارات فهذا أمر قد يجعل السائح في مأزق عدم توفر سيارة مناسبة و أيضاً يجعله صيد سهل للبعض أن كنت متجة إلى أوروبا مثلاً حالياً الوضع يشهد أرتفاع في الأسعار و قلة في توفر السيارات و خصوصاً الفانات العائلية لذا ننصح بأن تبحث عن المناسب لك من السيارات في موقع rentalcars.com بعد أيجاد السيارة المناسبة يفضل الحجز عن طريق موقع الشركة الأصلية لأن موقع rentalcars.com يجمع لك كل العروض و يخيرك لذا الأفضل مو موقع الشركة مباشرة و يكون تأمين شامل |
الله يعطيك العافيه اخوي ابو معتز انا طلعت فيزا لسويسرا شخصين وطفل يعني سياره صغيره تفي بالغرض وان شاء الله ناوي السفره اواخر اغسطس بشوف الموقع اللي قلت لي عليه .. بس التامين الشامل م يجي تلقائي مع الحجز واذا بحجز هل يجي اختيار نوع التأمين مثلا شامل ولا ضد الغير لان والله انا اللي مخوفني فقط السياره ولا البرنامج وخطة السير الشباب اللي هنا م شاء الله م خلو شين كل شين ذاكرينه وبالتفصيل |
اقتباس:
رايك استلام السياره من اي مدينه بسويسرا ؟ لان شفت جنيف اقل سياره اليوم ب 1000 صعبه سعر حيل غالي طبعا التاريخ شفت انا ب 16 اغسطس |
اقتباس:
أي مطار في سويسرا بيكون وصولك ؟ أذا مطار جنيف فيه قسمين القسم الفرنسي و القسم السويسري و كثيرين يقولون بأن السيارات في القسم الفرنسي أرخص من السويسري بالنسبة للتأمين الشامل و الله أريح لك من الغثاء و القلق لا سمح الله لو حصل للسيارة شئ لأن انت مسافر تستمتع منت رايح تغث عمرك و تدفع تكاليف أضافية و اللى تدفعه كتأمين ما يجي شئ عند التكاليف اللى تقدر لأصلاح السيارة لاحقاً و فيه ملاحظة التأمين الشامل ما يغطي الزجاج الأمامي و الأطارات إلا تدفع لها تغطية أضافية و أنصح تأخذ تأمين الشركة منهم مباشرة أفضل من تأمين المواقع الوسيطة مثل rentalcars لأن في حال حدوث شئ للسيارة الشركة تدفعك التكاليف و تعطيك فواتير كي تطالب الموقع |
اقتباس:
أذا نازل جنيف مثل ما ذكرت لك حاول تجرب البحث في الجانب الفرنسي و شوف فرق السعر رغم أني عملت بحث سريع و سفر الأسعار في الجانب السويسري أرخص من الفرنسي !!! |
اقتباس:
يابعد حيي والله عز الله اجابه وافيه دايم تنورنا باجاباتك على استفساراتنا انت والاخوه الموجودين سؤال اخير وادري كثرت عليك الاسئلة الحين اذا ابي استأجر هل لازم عندي فيزا باسمي انا ولا عادي لو اخذ فيزا حقت اخوي واستاجر به لان اللي عندي الفيزا مسبقة الدفع وحسب م قريت انه م تنفع |
اقتباس:
تسلم أخوي ابو الهنووف … الأفضل تكون البطاقة بأسمك لأن بعض الشركات يكون أحتمال الرفض وارد لأن صاحب البطاقة غير متواجد معاك هذا شئ و الشئ الأخر الشركات يخشون أن تكون البطاقة مسروقة و عند أستخدامها لدى شركة التأجير قد يتم الأعتراض على العمليات و يتم أيقاف البطاقة و يصعب على الشركة تحصيل مستحقاتهم بطاقات مسبقة الدفع لا تقبل حط في بالك هالشئ حتى لو قيل لك من البعض أنها تقبل في الحقيقة أحتمال أن ترفض أكبر من القبول |
اهلين اخوي ابو معتز انا دخلت على موقع بوكنق ووجت فيه تئجير سيارة استلام من نفس المطار للبلد المراد اذهاب اليه مادري ماشوفك تنصح فيه هل فيه ملاحظه ولى شي الله يسلمك |
اقتباس:
دائماً ننصح ان يكون الأستئجار من الشركة مباشرة و لكن هذا لا يعني أن موقع Booking غير موثوق و لكننا نحبذ الأفضل و خصوصاً فيما يتعلق بالتأمين على السيارة لأن بحجزك من موقع Booking فالتأمين يخص موقعهم لذا تجد في حال لا سمح الله حصول حادث أو تلفيات فالمستأجر يتحملها و يسدد التكلفة بالكامل للشركة و بناء على الفواتير المعطاة له يعود و يطالب الموقع الوسيط اللى هو Booking أو غيره هذي هي النقطة التى قد يغفل عنها البعض و يغريه رخص السعر بالتوفيق |
| الساعة الآن 07:35 AM |
Powered by vBulletin® Copyright ©2000 - 2025, Jelsoft Enterprises Ltd.
Search Engine Optimization by vBSEO