|
إستفسار عن رفض البطاقة الائتمانيه حصلت لي مشكله بالبطاقة الائتمانيه في مطار ميونخ حجزت عن طريق الموقع من شركة sixt وسددت المبلغ كامل بالسعودية وكل شيء تمام مجرد الوصول أدفع مبلغ الوديعه وهو التأمين المسترد بعد إرجاع السيارة لكن اللي حصل البطاقة الاتمانيه رفضت سحب مبلغ التأمين مع العلم المبلغ بالبطاقة اعلى من مبلغ التأمين قالت الموظفه معك بطاقة بديله قلت اتواصل مع البنك تواصلت كل شيء تمام حاولت أربع مرات مافيه فائده أخيرا إستخدمت بطاقة السفر بنك الاستثمار وقبلت وسحبوا كامل المبلغ للحجز مع التأمين وتم ارجاع مبلغ الحجز للبطاقة الائتمانيه المرفوضه بنفس اليوم لان لازم يكون مبلغ الحجز والتأمين من نفس البطاقة طبعا تم استخدام البطاقة المرفوضة بعمليات الشراء شغاله هل احد حصل معه هذه المشكله؟ مع العلم ان الحد الائتماني تم تخفيضه ل 500 ريال عند الاصدار ولكن يتم اضافة مبلغ عليها من الحساب وهو اعلى من مبلغ الحجز لان الغرض منها كان لحجز السيارة بينما باقي الامور يتم استخدام بطاقة السفر بنك الاستثمار بعد الوصول تم مراجعة البنك ولايوجد اي مشكله بها!!! |
هل البطاقة أئتمانية Credit Card أو Debit Card يعني مسبقة الدفع؟ |
اقتباس:
حسب ما تفضلت و ذكرت أعلاه بأن الحد الأئتماني تم تخفيضه إلى 500 ريال فأن البطاقة أصبحت في النظام لا تقبل إلى عمليات أكثر من 500 ريال حتى و أن تم أضافة أي مبلغ للبطاقة لأنه يعتبر لدى بعض البنوك تسديد للبطاقة و لا يعتبر حد أئتماني لأنه بأمكانك سحبه في أي وقت و يتبقى الحد هو الـ 500 ريال دائم كرصيد للبطاقة لأي عملية شراء ... كان لابد من التأكد من طريقة تخفيض الحد الأئتماني من البنك و لكن الحمد لله أنه كان معاك بطاقة بديلة للطوارئ ... |
البطاقة Credit card وتخفيض الحد الائتماني من البنك نفسه عن طريق طلبي عند الاصدار لكن الدفع عند الحجز من الموقع تم قبولها وسحب المبلغ مباشره قبل السفر بيومين لكن بعد وضع البطاقة بجهاز السحب للوديعه بالمطار هنا تم الرفض الحمدلله البطاقة البديله أنقذت الموقف |
ممكن تخفيض الحد الائتماني هو سبب المشكله |
عندي بطاقة ماستر كارد حدها الائتماني عالي الى عالي جداً استخدمها من سنوات في الكثير من المواقع وفي الفنادق داخل وخارج السعودية بدون اي مشاكل الا مع موقع الخطوط السعودية مستحيل تقبل السحب منه لا مبلغ كثير ولا قليل رفعت شكوى على البنك اتصلت على الدعم كل شي طبيعي في البطاقة الا مع الخطوط السعودية جميع العمليات مرفوضة ومازالت المشكلة قائمة من سبع سنوات بدون حل التقنية احياناً تظهر لك مشاكل غير منطقية وبدون أي سبب مقنع بعضها تجد لها حل وبعضها يبقى بدون حل ولتفادي هذه المشاكل دئماً لابد من وجود بديل في حالة تعثر الخيار الرئيسي عند السفر يجب ان يكون لديك اكثر من فيزا واكثر من بطاقات صراف دائماً اذا سافرت لابد ان يكون معي على الأقل 3 بطاقات صراف وبطاقتين فيزا |
اقتباس:
|
اقتباس:
مشكلة الخطوط انهم يضعون الخيار الاول بطاقة مدى .. لازم تدقق في هالنقطة .. مثلك حصلت معي كذا مره واستغربت .. لازم تغير الخيار الى ماستر كارد .. |
والله انا اخوك المشكلة لم نجد لها حل البنك يقول البطاقة سليمة وكلامهم صحيح والخطوط تقول احنا ما عندنا مشكلة مع الماستر كارد نقبلها وضعنا بينهم والمشكلة مازالت قائمة انا شخص متمرس على الحجوزات والتعامل مع المواقع الالكترونية و الشغلة ما هي جديدة علي لكن لا حل لهذه المشكلة مع العلم انا عندي بطاقات فيزا أخرى تنقبل على مواقع الخطوط في نفس وقت رفض بطاقة الماسترد كارد المشكلة محيرة ........ |
إذا بطاقة من الراجحي لا تستغرب أنا حصلت معي مرتين وتكلم الراجحي يقول مافيه مشكلة عندك لحد ماترفع شكوى او تغير البطاقة صرت ماعاد اثق بالراجحي انا اخر بطاقة مشكلة البطاقة شغال معي تمام بس مع بوكينغ وموقع نون العملية مرفوضه اعتقد الموضوع في حظر على بعض المواقع من قبل الادارة حقت البنك |
مشكلة البنوك خصوصا العربية مو مثل بنوك امريكية تمام ماتشتغل بطاقة ارفع عليها لحظر بتليفون للانك فدولة ثانية وممكن يصير عملية تحايل او شي يتاكدو منك خلص لموضوع بنوك مالنا تلاقي لموظف ماعنده امكانية لوصول لتفعيل بس يقولك الى يشوفه تمام مافيه مشكلة تشتغل والحل عندك تستعمل بطاقة ثانية او تروح اي تي ام موثوق |
اقتباس:
كيف الطريقة لاستئجار سيارة في تركيا مع العلم عندي اغلب بطايق مسبقة الدفع بطاقة السفر ويور باي وغيرها |
اقتباس:
أستخراج بطاقة أئتمانية ذات حد أئتماني قوي لا يتطلب راتب طالما أنك كما قلت تاجر فبالتأكيد أنه لديك دخل و رصيد بنكي من خلال تجارتك و بنك بيطلع لك بطاقة |
اقتباس:
سمعت شركة SIXT تأجر ببطاقة مسبقة الدفع في اوروبا احتاج احد يأكد لي المعلومة |
اقتباس:
دولياً و حسب معرفتنا كل الشركات تطلب بطاقة أئتمانية ليتم التأجير ما سمعته لا نعلم مصدره .. أنا استأجرت من شركة Sixt أكثر من مره و في دول عدة منها أوروبا و أمريكا و في كل الحالات يطلبون بطاقة أئتمانية Credit not Debit في أستئجار السيارات المغامرة مخاطرة و أنت مسافر |
اقتباس:
للمعلومية شركة سيكست ويوربكار يقبلوون الديبت كارد لسيارات معينة .. واهمها ماتكون سيارة فاخرة الكلام هذا مكتوب في شروطهم |
اقتباس:
دائماً إذا الشخص تأكد من المعلومة بنفسه .. فليكن القرار قراره توكل على الله و أستأجر من الموقع اللى يناسبك و أستخدم الديبت كارد و خلي معاك نسخة من شروطهم اللى تذكر أن الديبت كارد مقبولة |
اقتباس:
https://upload.hawamer.com/d.php?has...BCXX1TRRJL23MB |
أخ Yasser100 ... ممتاز الله ييسر أمورك و شكراً على مشاركة المعلومة |
أنا استأجرت من شركة Sixt في امستردام وعند الدفع لم تقبل حاولنا كم مرة كلمت البنك كل شي سليم اتضح في الاخير ان الحجز كان باليور وبطاقتي بالدولار فلم يقبل حسب كلام البنك لي |
| الساعة الآن 01:57 AM |
Powered by vBulletin® Copyright ©2000 - 2025, Jelsoft Enterprises Ltd.
Search Engine Optimization by vBSEO