![]() |
استفسار عن انواع اجهزة القارمن السلام عليكم ورحمة الله وبركاته وكل عام وانتم بخييييير :e304: رحلتي لاوروبا بعد 12 يوم بأقضي فيها شهر العسل تحديدا في سويسرا والنمسا والى الان ما اخذت جهاز قارمن ولا اعرف انواعها وبحثت في المنتدى حصلت مواضيع قديمه جدا الله لايهينكم اللي يعرف جهاز ممتاز وسعره معقول يعطينا اسمه ومن وين نقدر ناخذه ومشكورين مقدماً |
وعليكم السلام ورحمة الله وبركاته القارمن انصحك فيه اذا بتطلع البر أما النمسا وسويسرا مايحتاج .. برامج الملاحة مثل قوقل ماب عالأجهزة الذكية تفي بالغرض وزيادة . |
و عليكم السلام و رحمة الله و بركاته ... كل سنة و أنت بخير أخ مفهي الجنوب فيما يخص أجهزة الملاحة نسبة كبيرة جداً من المسافرين أستغنوا عن الأجهزة الملاحية التقليدية السابقة مثل القارمن و ماجلان و أصبح قوقل ماب بديل سهل الأستخدام و الحمل كنه متوفر في أجهزة الهواتف المتنقلة و يسهل أستخدامه عن نفسي شخصياً في أي سفر لأي دولة ما أستغني عن جهاز القارمن فهو يعتبر المنقذ في كثير من الأحيان حينما تفقد أو تضعف شارة الأنترنت خصوصاً في المناطق الجبلية فالقارمن يستمر بالبث كونه مرتبط بالأقمار الصناعية |
الله يعطيك العافيه مشكلة برامج الملاحه تعتمد على النت وانا باخذ قارمن علشان اريح راسي |
اقتباس:
انا باخذ القارمن لسبب واحد وهو انه مايعتمد على الشبكه انت عارف في الارياف ممكن تكون التغطيه ضعيفه علشان كذا باخذ قارمن واكون مرتاح في سفرتي خصوصاً انها اول سفره |
اسعفونا باسم جهاز مناسب بالله |
اقتباس:
أنا أستخدم جهاز أسمه نوفي Nuvi و لمن فيه منه أصدارات كثيرة اللى معاي أصدار عام 2015 محدث جرب تمر على محل دار موجة هم الوكلاء حق قارمن |
اقتباس:
انا في منطقه مافيها فرع لدار الموجه اقرب فرع يبعد اكثر من 600 كيلو )؛ |
اقتباس:
|
وعليكم السلام ورحمة الله وبركاته أولا ألف ألف مبارك والله يتمم لكم على خير، بارك الله لكما وبارك عليكما وجمع بينكما على خير.. الأفضل والأحسن تعتمد على جوجل ماب وتحمل الخرايط عشان تستخدمها بدون انترنت قبل ما تسافر، صدقني هو الافضل خصوصا انه يتحدث مع الزحمة وغيره ويعطيك الطرق الاحدث ويكون في التحديثات على الطريق مثلا فيه اصلاحات وخلافه.. اول ما توصل هناك بالسلامة اشتري شريحة فيها نت او اذا فعلت التجوال وامورك تزين.. تغطيتهم ممتازة غالبا في النمسا وسويسرا ومحدثك مشتري قارمن قبل كم سنة والله انه زينة بالبيت وسافرت كذا سفرية اني ما تذكرت اشيله معي.. وفر قيمته لشريحة النت.. بالنسبة للقارمن فيه خيار انك تطلب من شركة الايجار اذا توفر لك جهاز ملاحة بسعر رمزي لكن غالبا يكون ايجار يومي، او ابحث في منطقتك لو ينباع بحراج او غيره مستعمل وشوف ايش الاجهزة المتوفرة وابحث عنها قبل الشراء.. انا مشتريه مستعمل من شركة NUVI موديل 3490 و كان ممتاز و و كيله دار موجة لكن ما دام ماهو قريب منك لا تتعنى له. |
الساعة الآن 04:24 AM |
Powered by vBulletin® Copyright ©2000 - 2025, Jelsoft Enterprises Ltd.
Search Engine Optimization by vBSEO