|
تقرير عن رحلتي العائلية الى اسطنبول تحية لجميع الاعضاء والاشخاص الي ساعودني بالرحلة ونقول : بسم الله الرحمن الرحيم كان حلمي من زمان اشوف التوبكابي على وجه الخصوص والمتاحف التركية بشكل عام وبعد انتظار لسنوات حان الموعد للزيارة. --------------------------------------- الطيران اول ما قررت ان احجز الطيران والحمدالله حجزت من غير ما اعرف شنو يعني اسطنول الاوروبية واسطنبول الاسيوية بس الحمدالله التوفيق من الله طلع حجزي على مطار اتاتورك بعد ما عرفت شنو الفرق بينهم. http://www.arabtrvl.com/up/uploads/a...2410811241.jpg قيمة الحجز على طيران اطلس جت التركي : تذكرتين لي ولزوجتي بقيمة 232 دينار كويتي وتذكرة طفل 7 سنوات بقيمة 88 دينار كويتي موعد السفر كان يوم 5 سبتمبر 2015الساعة 3.15 الفجر العودة يوم 10 سبتمبر 2015 الساعة 11 ليلا ------------------------------------------------------ السكن وبعد التجول بين تقارير الاعضاء والفنادق قررت اني احجز فندق رخيص لانه اغلب الوقت راح اكون بالخارج يعني فقط النوم بالفندق. وشفت موضوع احد الاعضاء كاتب عن فندق اسمه مينال minal في سلطان احمد والحمدالله حجز فيه لمدة 6 ليالي غرفة (يوجد سرير للطفل ) بقيمة 180 دينار كويتي من موقع بوكيق وهذا رابط الفندق الفندق فيه مشاكل عديدة راح اذكرها بالحلقة الثانية من القرير ------------------------------------------------------- التحضر للرحلة ولمدة شهر ونصف تقريبا انا قرأ التقارير والتويتر المهم سويت بحث شامل عن اسطنبول وتركيا بحيث وجدت احد الاشخاص وسألني انت اكيد اكثر من مره زيار تركيا واستغرب اني اول مره ازورها من كثر المعلومات الي اعرفها عن المنظقة واسطنبول طبعا هذا كله بفضلكم وبفضل المعلومات الي ذاكرينها :(125): :(125): نشوفك قريبا بالحلقة الثانية كل الود |
هلا فيك والحمدلله على السلامة ان شاء الله كانت رحلة موفقه وننتظر الحلقة الثانية مع الصور |
يامرحبا فيك والحمدلله على السلامة |
هلا والله ومسهلا الحمدلله على السلامة عجل علينا وش مشاكل الفندق لا يتوهق احد فيه |
الحلقة الثانية - الجزء الاول --------------------------- يوم المغادرة من الكويت لسطنبول كان وقت المغادرة الساعة 3.15 وصلنا المطار الساعة 12 تقريبا مستعجليين نبي نطير بس بعد اجراءات البوردق وختم الخروج توجهنا للبوابة وانتظرنا وبعدها حان الوقت والصورة اثناء صعودنا للطائرة http://www.arabtrvl.com/up/uploads/a...2486936195.jpg الصراحة شركة الطيران اطلس جت معاملتهم ممتازة كذلك الاكل :(94): http://www.arabtrvl.com/up/uploads/a...2486936154.jpg وبعد 3 ساعات طيران الحمدالله وصلنا اسطنبول بسلام الساعة 6.30 صباحا والجو كان روعة وكانت مكاتب الدخول زحمة كل العالم زاير اسطنبول من جميع الجنسيات وبعد نص ساعة تقريبا ختمنا ورحنا استلمنا الحقائب وبعدين طلعنا نبحث عن تاكسي وحصلت للسلطان احمد بـ 45 ليرة كنت تعبان ما قدرت اصور شي الا صورة وحده لاني صارلي اكثر من يوم مو نايم http://www.arabtrvl.com/up/uploads/a...2486936113.jpg بعدها بدأت اول مشاكلنا مع الفندق وصلت الفندق لم اتوقعه انه جذي الفندق كان خلف بناية وليس على شارع وكان الفندق عبارة عن بيت تديره عائلة الابناء بالادارة والام تطبخ الفطور الصراحة لم اتوقع انه كذلك ابدا حتى المدام معاي استغربت من الفندق الفندق لا يوجد مصعد وغرفتنا بالدور الثاني كنت تعبان بس ابي انام وقلت يصير خير طبعا كنت متفق مع الفندق اني ادفع المبلغ كاش وليس على بطاقة الائتمان وكان المبلغ 540 يورو مصرفهم معاي من الكويت والغريبة ان الموظف لم يطلب مني المبلغ صعدنا وكانت المفاجأة ان التكييف حار كلمت الموظف وشاف الوضع وراح شاف وقالي ان ما فيه غاز وباجر نصلحه الحين انا قلت ابي اترك الفندق واروح حق فندق ثاني والحمدالله ما عطيتهم الملبغ وارسلت ايميل لموقع بوكينق بالحادثة عشان ما يخصمون شي من البطاقة (اصلا البطاقة كانت مسبقة الدفع وكانت فاضية ):bleh: طبعا التكيف يمكن مو مشكلة ويمكن ما تصير مع غيري والوضع عادي بس الي ابي اوصل هذا بيت وليس فندق ونكمل في الجزء الثاني مع الفندق الجديد الي سكنت فيه كل الود |
زهرة نيسان - ام راكان ---------------- حياكم خواتي معانا وان شاء الله نفيدكم ونفيد كل الاعضاء ابا رواء ----------------- كتبت المشكلة وحياك الله |
الحلقة الثانية - الجزء الثاني ---------------------------------- بعد ما قررت اني اغير الفندق كنت حاط عيني على فندق من زمان وعلى طول نزلت الحقائب وصعدت تاكسي من غير لا اتفق معاه على السعر ولا شي وعطيته الاسم من الايفون وقالي عطني رقهم اتصل فيهم اخذ العنوان اتصل فيهم ووقف عن محطة قطار مرمراي وقالي ادخل اطلع من الصوب الثاني راح تشوف الفندق طبعاا هو قالي بالتركي بس اشلون فهمت ما ادري :(127): واخذ مني 10 ليرة وبالفعل شفنا الفندق ودخلت الاستقبال وقالي عندك حجز مسبق قلتله ما عندي قالي عندي غرفة مطلة على البوسفور سريرين منفصلين بـ 100 يورو لليلة حجزت على طول من غير تردد لانه الفندق كان فخم فخم ومبين من الديكورات قال اشلون على البنوته الي معاك قلتله عادي تنام معاي من غير اي سرير اضافي الصراحة الفندق موقعه ممتاز بمنطقة سيركيجي ومطل على البسفور وامامه محطة مرمراي وقريب من كل الاماكن المهمة تقريبا بس مشي صعود اذا تبي تروح حق منطقة سلطان احمد راح احط صور من الانترنت الي شفتها بالفندق وهذا رابط الفندق للحجز http://q-ec.bstatic.com/images/hotel...6/16682813.jpg الاستقبال http://r-ec.bstatic.com/images/hotel...4/16422675.jpg http://r-ec.bstatic.com/images/hotel...3/16363388.jpg http://r-ec.bstatic.com/images/hotel...3/16399589.jpg http://q-ec.bstatic.com/images/hotel...3/16363734.jpg المطعم http://r-ec.bstatic.com/images/hotel...3/16364082.jpg برج غلاطة http://r-ec.bstatic.com/images/hotel...4/16422579.jpg بعض الصور من تصويري اصلالة الغرفة http://www.arabtrvl.com/up/uploads/a...2486936072.jpg صورة بنورامية http://www.arabtrvl.com/up/uploads/a...2486870659.jpg جسر اسطنبول وارتوكاي من بعيد (الي يحب بطاطا ارتوكاي راح يشوف) هههههه http://www.arabtrvl.com/up/uploads/a...4868708610.jpg الحين نروح حق السبا الي موجود الصراحة روعة طبعا الي ساكن الفندق يقدر يستخدم كل السبا مجانا مع الحمام التركي بس استخدام ذاتي واذا تبي مساج ساعة ومع حمام تركي بـ 100 ليرة نشوف الصور http://q-ec.bstatic.com/images/hotel...6/18687719.jpg السونا http://q-ec.bstatic.com/images/hotel...4/16422599.jpg الحمام التركي روعة http://q-ec.bstatic.com/images/hotel...6/16694788.jpg غرفة المساج http://r-ec.bstatic.com/images/hotel...6/18648440.jpg نشوفكم ان شاء الله بالجزء الثالث قريبا كل الود |
يا سلااااااااااام مبين الفندق يستاهل والله هالصدمات ما أحبها بتركيا يكذبون عيني عينك بس زين ما طلبوا فلوس منك واصل |
هلا والله يعطيك العافية على البداية المشوقة والجذابة وننتظر باقي الاحداث والحلقات المتبقية لكن تأكد ان الموقف اللي حصل لك مع الفندق شيء متوقع لأنك من البداية ما اهتميت بالفندق وكان كل اهتمامك انه يكون رخيص وحق نوم فقط الفندق مهم وخاصة انه للنوم وراح تحط راسك اكثر من 8 ساعات فلابد يكون فندق راقي ونظيف وأمين الله يعطيك العافية وخذني معك نكمل باقي التقرير |
الحمدلله انك غير الفندق وعدت على خير بالتوفيق بالنسبة لفندق مينال انا من كتب التقرير أتوقع ان فيه سوء فهم لو ترجع للصور تشوف الفندق والمصعد علما بأني سكنت فيه دمتم بخير |
| الساعة الآن 06:34 PM |
Powered by vBulletin® Copyright ©2000 - 2025, Jelsoft Enterprises Ltd.
Search Engine Optimization by vBSEO