|
لاتحجز لايدر من بوكينج وتعال احجز من الفندق مباشرة السلام عليكم اكلمكم الان من ايدر كنت في ايدر امس واليوم جيت لايدر بدون حجز قلت اشوف بعيني الغرفه قبل مااحجزها وشفنا فندق GELGOR OTEL &RESTORAN بصراحه ذهلت بالغرفه الي وراني هيا ومطله على ناحيتين يعني غرفة ركنيه عارفين بكم ب200 ليرة فقط يعني ب250 ريال سعودي ومع الافطار وافتح بوكينج وألقاها ب676 ريال ذهلت بالفرق وتيقنت ان بوكينج يزود الاسعار ماقدرت اقولكم الكلام ذا لما ارجع من سفري قلت يمكن يقرا كلامي احد توه حاجز سلامي لكم |
يعطيك العافية صراحة سعر خيالي تتهني يارب |
الله يعطيك العافية ماقصرت وتردون بالسلامة ورحلة سعيدة ان شاء الله |
بصراحه غريب جدا السعر ولكن لا نقدر نحكم على أسعار بوكينج جميعها بهذا الشكل فأحيانا كثيره نجد سعرهم أقل كثيرا من الحجز المباشر عبر المفندق وأحيانا العكس حقا أمر محير ولكن أعتقد ربما وجدت السعر هذا لأن الموسم السياحي لديهم أوشك على الإنتهاء ؟ عموما أتمنى لك رحلة سعيده هانئه |
وعليكم السلام شكرا لك علي التنبيه لكن البعض يقول أحجز أفضل وأضمن خاصه أنه موسم هل فيه زحمه سياح |
اقتباس:
|
. |
اقتباس:
والله في زحمه لدرجة ان المطاعم مليانه وقبل مايقوموا الناس من طاولتهم في ناس واقفه تستنى الطاوله تفضى |
الحمد لله على السلامة ورحلة موفقة عقبال ماترجعي لنا ومعك اجمل الصور وافضل التقارير عن الشمال التركي واذا جيتي ازنجول روحي للمقهى اللي جنب المسجد بتلاقي عجوزة وشايب هناك وصلي لهم سلامي وخبريهم اني مشتاق لهم ولشاهيهم ^.^ الله يعطيك العافية على المعلومة وان شاء الله يستفيد منها الكثير |
اختي ماخبرتينا الله يعطيك العافية خذيتو سيارة ولا كيف التنقل في طرابزون وضواحيها وكذلك الصرف كم سعره والاجواء هل باردة او حارة وشاكرة لك |
سألت رسبشن الاوتيل وقلتله هل بعد اسبوع غرفتنا نفس السعر؟ قالي لا من يوم 23 الى 27 تكون غرفتكم ب300ليرة عشان ايام العيد وبعد كذا حترخص وتصير ب200 |
اقتباس:
انا الان في طرابزون ودعنا اوزنجول قبل امس والله شاهيهم ينحب وطبيعتهم تنحب واجواءهم تنحب من جد حيخلونا ندمن السفر لها |
اقتباس:
اخذنا سيارة وماشيين على برنامج here سجلت الاحداثيات بأسماء الاماكن قبل مااسافر وصار لما ابغى اروح مشوار فقط اختار المكان واتوكل على الله بالنسبة للصرف صرفت قبل السفر دولارات وفي تركيا حولتها ليرات وادفع للفنادق بالفيزا لكن لو كنتم حاجزين فندق واحد لمدة 4 او 5 ايام الافضل تدفعوا كاش عشان لو بتكنسلو يقدر يعطيكم لكن لو فيزا مايعطيكم لان البنك مايعطيه المبلغ الا بعد 45 يوم الا اذا تعاون معاكم صاحب الفندق هذا شي ثاني وكنا في اسطنبول قبل اسبوع اليومين الاولى شمس توجع في الراس واليوم الثالث مطر وبررررد طرابزون مطر وغائم جزئي ودرجة الحرارة 26 تقريبا في النهار بس اليوم الاول نزل مطر قوي اوزنجول بارده مع ضباب طول اليوم ايدر حاره والجو صافي من الصباح للعصر ومن العصر غيوم وهوا بااارد ويحلو الجو وسلامتكم |
ازيدكم من الشعر بيت توي حاجزه في طرابزون في ts gold otel غرفه ديلوكس مطله ع البحر ب250 ليرة وفي بوكينج 351 ليرة |
يمال العافية عزالله ماقصرتي الله يسعدكم وتروحون وتردون بالف سلامة ومشكورة على كل ما قلتية هذا ان شاء الله راح يفيدنا حنا رحلتنا ان شاء الله بشهر اكتوبر اكرر شكري لك اختي الغالية |
اقتباس:
ان شاءالله باكتوبر الجو يحلا ويتغير ونسيت اقولك اصرفي حق 500 ليرة معاك يمكن تحتاجيها في البداية الين تلقي محل تبديل عملة |
الحمد لله على السلامة يا صقرة الحمد لله ارى ان اموركم ماشية تمام. واعتقد انك استفدتي من الاستفسارات اللي جاوبناكي عليها بالتوفيق. |
اقتباس:
واستفدت كثيييير منكم ربي يحفظكم ربي يقدرني وانزلكم تقرير يليق بمقامكم بس والله غلطت غلطه كبيره يوم استأجرت في اونال اوتيل في اوزنجول 5 ايام حجزت فيه قبل ماانزل برنامج هير واعرف كم المسافه بين الاماكن السياحيه ولما كنت اشوف انا وزوجي فين نبغى نروح اليوم الثاني في اوزنجول طلع ان كل شي بعيد عننا فاضطرينا نكنسل 3 ايام من اوزنجول ورحنا ايدر يوم وطرابزون الان انا فيها حاجزه يومين كمان بس الغلطه هذي علمتني حقيقة بوكينج وزيادة الاسعار فيه والحمدلله على كل حال |
اقتباس:
|
اقتباس:
ياام راكان لما تصرفي ليرة تركيه خلي محل تبديل العمله يعطيك خمسات وعشرات وعشرينات وخمسينات لاتغلطي غلطتي وتخليه يعطيك كلها ميات او اشتري من اي مكان عشان تصرفي ال100 قبل ماتطلعي التاكسي لاني اعطيت التاكسي 100 ليره وابغاه يرجعلي 40 راح بدلها ب20 وقال اعطوني كمان خمسين والله مارجع ال100 الا بعد ماصرخنا عليه انا وزوجي |
الحمدلله على كل حال وترجعون بالسلامة اما التكاسي ياختي تحفه الله يعين عليهم |
يمال العافيه ابشري ماني صارفتها إلا من خمسين وأقل ربي يحفظكم ويستر عليكم |
يعطيك العافية اختي صقره ,,,, لكن ودي اسأل هل الاسعار اللي حصلتي عليها ممكن احصلها في موقع الفندق نفسه شاكر لك ذكر تجربتك تحياتي |
اقتباس:
وانتظرو تقريري بإذن الله اذكر كل التفاصيل فيه |
السلام عليكم بنسبة لي حجزة سبعة ايام عن بوكنج في اسطنبول كان حجزي 555 دينار كويتي الحين صار 565 دينار كويتي راسلة موقع بوكنج حتي هذي لحظة ماردو علي ليش الزياده كل يوم في السعر وعمك اصمخ 😡😡😡 |
1 مرفق تفظل زيادة دينارين اليوم الصبح كانت 565دينار ليش الزيادة الغير مبرره |
اقتباس:
يعني لو حجزت ب555 حتدفع هناك 555 لكن لو تقدر تتصل على الفندق وتسألهم كم حيكون السعر لغرفة ديلوكس او الي تبغاه وسرير كبير مثلا حق سبعة ايام وتعطيهم التاريخ شوف كم حيكون وبعدين قرر اما انك تحجز من بوكينج او من الفندق لكن انصحك ادفع كاش للفندق عشان لو بتكنسل كم يوم يرجعلك حقك لكن لو بالفيزا ماراح يرجعلك لان البنك مايرسل لصاحب الفندق المبلغ الا بعد 45 يوم والله اعلم |
سعرهم في بوكنج 300 ليرة مافرقت كثير وتكون مضمونه الي سعرها 600 مختلفة عن البقية واسعه و6 اشخاص لاانصح بالحجز عند الوصول خاصة في الموسم لايوجد خيارات كثيره وتكون مجبور على القبول باقل مايوجد و الحجز من بوكنج هو الافضل من وجهة نظري على الاقل |
الحجز فى الشمال من الفندق نفسة ارخص هذا شئ اكيد لكن فى موسم الاجازات تكون الغرف محدوده والجيد منها محجوز شئ ثاني سعر الصرف فى الشمال وخصوصا اوزنجول اقل بكثير من اسطنبول فالافضل تسحبوا من بطاقة ATM والدولارات الى معاكم اصرفوها فى اسطنبول |
اقتباس:
توه سوا عليها تخفيض صارت 570 تقريبا شوفها في بوكينج غرفة تنفيذية مزدوجه ب3 اسرة |
اختي صقرة الله يعطيك العافية خبرينا عن اسم الشركة الي استاجرتو السيارة منها واسعارهم والايجابيات والسلبيات الي فيهم انا اول مرة ان شاء الله بروح لطربزون واول مرة بنستاجر سيارة لا تبخلين علينا الله يردكم بالسلامة واي ملاحظات لا تخلينها اسرديها لنا يمال العافية |
شكراا للتنبيه وفي بعض الفنادق تكون بوكينغ ارخص من الفندق |
كرماً نبي تفصيل رحلتك في اٍسطنبول وطرابزون وأوزنجول وايدر فضلاً من أول نزولكم في أسطنبول إلى خروجكم منها: 1-- بأسعار التذاكر الطيران الدولي والداخلي ووسيلة المواصلات للفنادق 2- الأماكن اللي تم زيارتها بأسطنبول والسياحية - والأسعار والمطاعم 3- أسم شركة تأجير السيارات - وبكم كلفتكم وأيش طلبو منكم وأيش طريقة الدفع كاش ولا فيزا - وكم أخذو عليكم تأمين 4- أسماء وأسعار فنادق أسطنبول و طرابزون وأيدر وأوزنجول 5- وين رحتو بأيدر وطرابزون وأوزنجول والأماكن اللي زرتوها 6- الأماكن التي تستحق الزيارة والتي لا تستحق الزيارة والمطاعم التي تستحق الزيارة 7- رأيك بالبلد وهل يستحق تكرر زيارته ايجابية وسلبيه حدثت لك 8- برنامج الملاحة المستخدم وهل أستفدتي منه أنتي لم تتركي شاردة ولا واردة في إستفساراتك والشباب ما قصرو معك اقتباس:
|
انا متابع لصقرة واسالتها وجالس استفيد وزي ما قال النمسا وين التقرير انا سفرتي بعد اسبوع وحاب استفيد الله يعطيكم العافيه جالس اقرا موضوع صقرة واكثر ما يضحكني استقعاد النمسا .. مع انه ع حق ما تنلام صقرة هي سفرة وتبي ترتاح تعرف الصغيرة والكبيرة ولانها اندقت ف ماليزيا وهذا الصح عشان ما تكرر غلطتها بانتظارك صقرة لا تحرمينا الفايده أرسلت من SM-G920F بإستخدام تاباتلك |
كلنا مع النمسا ودنا نعرف تفاصيل ولو شاملة عن الرحلة وهل استفدتي من اجابات الاعضاء لك وقت الاستفسارات وهل تنصحينا بزيارة الشمال التركي ويا ليت كل من يستفيد من المنتدى من الأعضاء والا الزوار افادة الأخرين معاه بما شاهد وملاحظاته عن السفرة وأكيد صقرة بتعطينا تقرير بس انتظروها تاخذ بعض الوقت بانتظار تقريرها |
الحمد لله على سلامتكم صقره الكل بانتظار تقريرك |
شكرا للمعلومة يا غالي مع فائق الود |
| الساعة الآن 12:46 AM |
Powered by vBulletin® Copyright ©2000 - 2025, Jelsoft Enterprises Ltd.
Search Engine Optimization by vBSEO