|
تكلفة السفر لتركيا..تقريبا؟ مساء الخير لأعضاء البوابة الكرام.. حبيت استفسر منكم عن كم سؤال أولا كم التكلفه التقريبيه للسفر اسبوعين اسطنبول والشمال التركي..؟ ثانيا أول مره اسافر تركيا ومعي طفل هل تؤيدون الشمال التركي ام الاكتفاء باسطنبول ويلوا وبورصة؟؟ سمعنا الكثير عن المضايقات والحوادث الي من شأنها تعكير صفو الرحلة؟؟هل من نصائح وهل فعلا الشعب التركي غير متقبل للسياح العرب يهمني في جميع رحلاتي راحتي النفسيه ..؟؟ |
اقتباس:
|
اقتباس:
في البداية اطلب من الله ان يسهل وييسر رحلتكم ... بخصوص الميزانية فهي تعتمد على موسم السفر ، وكل شخص يستطيع التحكم حسب طريقة صرفة ... بخصوص المضايقات قد يكون هناك قله كما هو متواجد في كل مكان ، ومن وجهت نظري بإن تركيا اصبحت (وجبة) إعلاميه بين مجموعة احزاب هي اللي صعدت الامور واصبحنا نسمع مثل هالكلام ، لكن الشخص اللي في حاله إن شاء الله ربي يحفظه ، وبالمناسبه بخصوص تعامل المطار يخبرني احد الاصدقاء انه اصبح هناك تعامل خاص وكاونتر خاص في المطار فقط للسعوديين ، بعد حادثة الاعتداء لكن لم اتأكد من المعلومه ... اعتذر ع الأطالة ، اتمنى لكم رحلة سعيدة ... |
يوليو القادم إن شاء الله.. |
يوليو موسم السياحة حر وزحمة والمضايقات ما شفنا هالشي رحت مرتين ما شفت هالشي الا من الشحاذين اذا قلتي له مافي يروح واذا لصق فيكم قولي له بنادي البوليس السعر على حسب مشترواتكم والفنادق فخمة او عاديه والمشاوير في ناس تاخذها مشي وفي بالمترو والترامي وفي بالتاكسي هذا بعد يعتمد يعطيج العافيه |
ما ازيد على كلام / توبليرون ... إذا كان الوقت يسمح لكم السفر في اوقات غير موسميه فهو افضل طبعا ، اذا كان هذا هو الوقت الوحيد فالأفضل حجز السكن بوقت مبكر في حال هناك بعض العروض من المكاتب او المواقع ... |
شكرا لكم ..بخصوص الوقت اتمنى لكن محكومة بظروف دراستي.. |
اقتباس:
لأنك ستكرهينها في هذا التاريخ وأذهبي إلى بلد أوروبي أبرد لأنها في فترتك حارة (يوليو - أغسطس - إلى منتصف سبتمبر ) لا تذهبين فيها إلى أسطنبول بسبب الحرارة |
ممكن تروح للشمال التركي وتاخذ يومين فقط وش رايك مشرفنا النمسا |
اقتباس:
إذا مفكر في اثار اسلاميه متاحف مساجد مشهورة مجمعات فخمة ومطاعم فخمة تمشية على الكورنيش فيصرف النظر عن اسطنبول لكن إذا يهمه فقط الجو يذهب للشمال لكن عن وجهة نظري لا تكتمل متعتي إلا إذا زرت إسطنبول بالتأكيد سأمل من الشمال التركي وكل شخص يختلف ميوله |
اقتباس:
وسأشارك بالتعمق من خلال استفسارك باللي يفيدك اكثر ان شاء الله التكلفة اسبوعين بحيث ان السكن والمواصلات مقبولة بشكل اكثر من جيد وزيارة اغلب الأماكن السياحية والتاريخية في اسطنبول والشمال فأتوقع تتراوح بين 14 الف الى 19 الف ريال سعودي وبخصوص الطفل مافيه اي عائق لأخذه معك في الشمال التركي فقد يكون الشمال انسب له من اسطنبول من حيث الراحة والخصوصية في التنقلات خاصة اذا معكم سيارة اما بخصوص الحوادث فأنا لم اواجه شيء من هذا الكلام وبالعكس كان القيادة مني او من السيارات الاخرى ممتازة ومافيها اي تهور والشعب التركي غير متقبل لسياح العرب هذا الكلام قد تواجهينه في اسطنبول فقط لأنها مدينة سياحية حضارية اما القرى والريف التركي فلن تواجهين الا الاخلاق العالية من الشعب التركي خاصة ارياف الشمال التركي تعاملهم جدا راقي وجذاب وودودين في التعامل بالتوفيق واتمنى لك رحلة طيبة ان شاء الله |
اقتباس:
وأنا أعطيها ميزانية تقديرية 25 ألف |
الميزانه التقريبه مثل ما قال اخونا النمسا فى حدود 25000 تزيد او تنقص شوي اهم شئ يحدد الميزانية هوه الحجز المبكر واقتناص الفرص لعروض الطيران والفنادق |
اقتباس:
اقتباس:
لحظة انا اقول بدون التذاكر راح تكلفهم شخصين من 14 الى 19 الف ريال سعودي والايام بيننا ننتظر ام عمر بعد ماترجع من السفر وتخبرنا كم كلفتهم واذا انا حسبتي الصح فلن اسكت وبيننا وزارة المالية راح ارفع عليكم شكوى :(153): انا مخي تخصصة حسابات مالية :(95): |
اقتباس:
|
السلام عليكم حاب اني ارد على الموضوع خصوصا موضوع التكاليف لاني سافرت اكثر من 4 مرات لتركيا وما كان الصرف عالي جدا للحدود اللي ذكرتوها بشروط طبعا:- 1 انا برايي الفندق بتركيا للنوم فقط فشروطي فيه يكون نظيف ومقبول فقط بهذه الحالة باسطنبول تكون الاسعار بحدود ال 250 الى 300 ريال وخارج اسطنبول اقل. 2 المواصلات اذا كان الاعتماد بشكل كامل على المواصلات العامة (مترو , ترام , باص, ..) حتى في مواصلات المطار تكون التكلفة بسيطة جدا ولا تذكر. 3 التذاكر الداخلية الحجز مع طيران بيجاسوس او غيره من الطيران الاقتصادي التركي قبل فترة طويلة من السفر تكون الاسعار رخيصة جدا (انا حجزت ذهاب واياب لشخصين ب 160 دولار فقط بشهر سبتمبر الماضي). 4 الانتباه من موضوع المطاعم والتأكد من قائمة الاسعار قبل الطلب يسهم كثيرا في حفظ التكاليف وعدم الصرف اكثر. 5 ايضا الطيران الدولي الحجز من الان اعتقد ممكن يكون الشخص ب 1800 او اقل . بهذه الطريقة اعتقد التكلفة اقل كثير مما تفضلتو . بالنسبة للجو اعتقد بيكون حار باسطنبول بالنهار انا كنت ببداية شهر سبتمبر وكان الجو حار في النهار في الليل معقول والشمال اتوقع جوها افضل لكن لا بد من زيارة اسطنبول . وشكرا |
اقتباس:
فصدقني 19 الف تكون كفاية لـ 14 يوم |
اقتباس:
انا اتفق معك فقد تكون حسبتك معقولة لكن اختلف معك ان الفندق للنوم فقط فالفندق للنوم والنظافة والراحة خاصة تكون في موقع امن وموقع معقول |
اقتباس:
لكن 14 ماتظبط مستحيل |
انا اشوف الاسعار تختلف في ناس اقتصاديه وو تحاسب ع كل شي وو ناس تصرف ع فنادق غاليه وو مطاعم غاليه وو تشتري راحتها بكل شي في الي شخص واحد يصرف ٢٥ الف وو اكثر وو في شخصين او عايله يصرفون ٢٥ الف |
اقتباس:
في ناس ما يهمها السكن أهم شي مكان يرجع ينام فيه بغض النظر عن مستواه في ناس تسافر وماتروح مطاعم وتطبخ هناك -- في ناس تروح تتغدا ولا تتعشى في ناس ماتشتري هدايا -- في ناس ما تروح مجمعات وتشتري ملابس -- في ناس ماتروح ملاهي لأطفالها -- في ناس تستخدم الباصات المتعبة في تنقلاتها مع عايلتها ولا تستخدم التكسي وطبعاً أنا ضد ما كتبته فوق - يا أما أسافر من سعه ولا أجلس أفضل لي :(101): |
اقتباس:
كل شخص وو قدرته الماديه في الي ما يقدرون يصرفون ع كل شي مو معناته ما يسافرون او يستانسون :(22): |
شكرا لكم جميعا واشكر من كل قلبي كل من افاد بخصوص التكاليف وكل من رد أما الفنادق تهمني جدا نظافتها وافطارها بداية اليوم تعني لي الكثير الميزانيه قريبه من ميزانيتي من٢٥الف الى٣٠ احتياطا٥٠٠٠الاف زياده..ربما ساقلص مدة البقاء في اسطنبول وتعويضها في الشمال ..التذاكر ساحجزها قريبا بإذن الله وجدت عرض رائع من الخطوط السعوديه وبإذن الله يحالفنا التوفيق..وشكرا مرة اخرى للجميع. |
| الساعة الآن 08:13 AM |
Powered by vBulletin® Copyright ©2000 - 2025, Jelsoft Enterprises Ltd.
Search Engine Optimization by vBSEO