|
احتاج رأيكم لاتبخلون السلام عليكم ورحمة الله وبركاته أولا العام الماضي ربي ما كتب لي السفرة لتركيا بسبب عمل زوجي والغينا رحلة والحمد الله على كل حال وبعدها بشهر ربي عوضني برحلة لا اندونسيا كانت من أجمل الرحلات ولله الحمد ،بس تركيا ما زالت بالقلب وابغى اسافر لها المهم الآن حجزت بشوال أن شاء الله ربي يسسرها لنا عندي كم استفسار 1 أولا بما أن الأجواء اسطنبول بالصيف حر قررت ثلاث أو أربع ايام رأيكم مع ثلاثة أطفال ثانيا السكن بالشمال الأسعار مبالغ فيها وغير مستردة الغالبية هل اليومية للسكن بحدود 900 مقبولة للشمال شفت سكن بقرية ماتشكا أعجبني نظيف ومسترد وسعره حلو هل هيا بعيدة عن طرابزون هل ينفع السكن فيها اوزنقول وايدر لو رحت بالصيف ممكن الاقي سكن من غير حجز فكرت اني أزور اوزنقول من غير سكن عشان الأسعار جزاكم الله خير مقدما أرسلت من HTC One_M8 بإستخدام تاباتلك |
. . . الله الله الله مدام هيك الشغل ولا بلاش ،،، أهنيك على التخطيط المبكر أولا ،،، وثانيا ، راح أمشي معاك حبة حبة بإذن الله ،،، بس ودي أعرف مجموعة شغلات ،،، كم عددكم بالظبط ؟ وشو البرنامج اللي في بالك ؟ طبعا النصيحة دوما ،،، إسطنبول في الأخير طيران داخلي بعد وصولك الدولي ب 3-4 ساعات من نفس المطار إلى طرابزون أو سمسون ( لو معاكم وقت كافي ) ونقسم لك الأيام في الشمال بحسب رغبتكم بخصوص الفندق حق ميتشيكا أعتقد تقصدي هذا Booking.com: ظپظ†ط¯ظ‚ ط§ط¨ظٹظƒظٹظˆظ„ظˆ - ظ…ط§طھط´ظƒط§, طھط±ظƒظٹط§ إذا هو فنعم فندق طيب جدا الغرف نظيفة على حد علمي وتعامل الموظفين طيب جدا الفطور عادي وهو يبعد مسافة 30 كم عن طرابزون هو خيار مناسب لأول يومين خصوصا لمن وضع في حسبانه زيارة المناطق القريبة منه 900 لغرفة واحدة مثلا تفرق ،،، بحسب نوعية الفندق او الموتيل لو فندق زي النوفوتيل ورمادا ، نعم معقول جدا في هذا التوقيت لو موتيلات راح أقول لك لا السفر بدون حجز ممكن لكن فيه مغامرة للامانة خصوصا إنتي تتكلمي عن فترة شوال إنتي ردي على الأسئلة وإبشري بعزك |
واضافه للأخت لو في أخر شوال تعتبر البحث عن سكن أيضا مغامره ما فيه خيارات للسكن يكون بالمنتصف من مناطق الشمال |
مشكور أستاذي انا وزوجي وثلاث أطفال 10 7. 3 سنوات برنامجي 11 يوم بالشمال ثلاثة طرابزون وثلاثة اوزنجول والباقي مفتوح لو لقيت سكن نظيف ايدر وما حولها بقضي كم يوم يهمني الطبيعة والجو والسكن النظيف بالنسبة للسكن في ميتشكا ما هو هذا الفندق تقييمة ببوكنج 9 يمكن ماي هوم ويبعد عن طرابزون 30 كيلو انا فكرت فيه مستكشف مناطق جديدة ونزور اللي حوله بالنسبة للأسعار مو فنادق للأسف شقق فندقية واكواخ مشكلة لما تقرأ التعليقات ببوكينج تتعب زياده وحده يمدح وواحد يسب والفندق غير مستردة عشان كذا فكرت ادخل المغامره جدولي قابل للتعديل أهم شي بنظري الطبيعة والماء والشلال وسكن نظيف أرسلت من HTC One_M8 بإستخدام تاباتلك |
صباح الورد ،،، تقدّم ممتاز ،،، جدولك يحتاج بعض التعديل قليلا ،،، خصوصا إن لم تكن الرحلة مباشرة ،، فأقترح عليك التالي ،،، 3 أوردو والسكن في أحد فنادقها الرائعة والرخيصة :) أنيمون أو هيليتون ( النسخة المصغرة ) 3 طرابزون وراح نشوف لك الخيارات لو عطيتيني التواريخ 2 آيدر وراح أعطيك تفاصيل أكثر عنها وكذلك 3 أوزنقول ومنها للمطار ،،، عطيني التواريخ وراح أحاول احصل لك وقت أبحث لك فيه عن فنادق أو موتيلات بأسعار مناسبة. بالتوفيق |
وصول 22يوليو مغادرة 2اغسطس أرسلت من HTC One_M8 بإستخدام تاباتلك |
طبعا الوصول يوم 18وبرتاح ب اسطنبول مع قروشة أولادي بالمطارات ما فيني اتحمل اريح لازم أربعة أيام لو ضروري تغير الجدول بحيث يكون اسطنبول بالاخير ما فيه أشكال أرسلت من HTC One_M8 بإستخدام تاباتلك |
بالنسبة للسكن في الشمال الحجز المباشر افضل بكثير وارخص من البوكنج وغيره وخصوصا انك تشوف الغرف بعينك قبل لا تحجز الخوف فقط في اوزنجول في الصيف تكون نسبة الاشغال عالية لكن انا الصيف الماضي سافرت بدون حجز وتوكلت علي الله وحصلت كثير غرف وشقق متاحة واسعار طيبة لكن فقط ابعد قليل عن البحيرة انا الي سويته انى كتبت علي بوكنج تاريخ حجز عشوائي فى غير اوقات الموسم وطلع لي جميع فنادق اوزنجول خليت بوكينج يرتبهم لي حسب تقييم النزلاء وسجلت عندي افضل الفنادق من حيث التقيم ولما وصلت اوزنجول قمت اسال عنهم وحجزت كوخ غرفتين وصالة علي ما اذكر 350 ليرة |
جزاك الله خير اخوي على ذكر تجربتك يستفيد من هالخطوة أرسلت من HTC One_M8 بإستخدام تاباتلك |
. . . كلام خبيرنا العقرب تمام ولا فيه نقاش لكن للأمانة ، هذي تحتاج قلب جامد انا شخصيا لم أقم بحجز أي موتيل في الشمال التركي إلا أول يوم او يومين وكمان الفنادق بعد لإنه الأسعار أقل بكثير من بوكينق والغرفة تشوفها بعينك قبل ما تتفاجأ ، على كل حال مدام الراحة زينة مع إني لا افضلها لإني أسافر مباشرة للشمال توفيرا للوقت لكن بما إنه معاك اولاد وأول مرة ريحي يومين فقط مو أربعة في إسطنبول وطيران إلى الشمال ولذلك بشوف الأسعار بناء على تاريخ 20 بإذن الله اوردو 3 أيام هنا وسعره طبعا في حدود 350-400 فقط للغرفة او هنا http://www.booking.com/hotel/tr/hamp...glton.ar.html? وبعدها طرابزون 3 أيام هنا Booking.com: ظپظ†ط¯ظ‚ ط¨ط§ظ†ط§ط¬ظٹط§ ط³ظˆظٹطھ - طھط±ط§ط¨ط²ظˆظ†, طھط±ظƒظٹط§ فندق ممتاز جدا بحدود 2000 3 أيام أو هنا شقق متوسطة لكنها ممتازة جدا وكبيرة وصاحبها راااائع وتقييمها ممتاز والأهم السعر بلاش ب 800 ريال فقط كل المدة Booking.com: ط´ظ‚ظ‚ ط¬ظˆظ„ط± - طھط±ط§ط¨ط²ظˆظ†, طھط±ظƒظٹط§ ثم آيدر يومين هنا في الساحة في أعلاها إطلالة جميلة لكنها تحتاج صعود التلة Booking.com: ظ…ظ†طھط¬ط¹ ط¢ظٹط¯ط± ط¯ظˆط؛ط§ - ط¢ظٹط¯ط± ظٹط§ظٹظ„ط§ط³ظگظ‡, طھط±ظƒظٹط§ أو عند صديقي هاكان وغرفة على النهر :) Booking.com: ظپظ†ط¯ظ‚ ط£ظٹط¯ط± ط¥ظ„ظٹط²ط§ظ† - ط¢ظٹط¯ط± ظٹط§ظٹظ„ط§ط³ظگظ‡, طھط±ظƒظٹط§ واخيرا أوزنقول هنا Booking.com: ط´ظ‚ظ‚ ط§ظˆط²ظ†ط؛ظˆظ„ ط§ط¨ط§ط±طھ - ط£ظˆط²ظˆظ†ط؛ظˆظ„, طھط±ظƒظٹط§ لا تفوتك ترى حظك كويس باقي كم غرفة بس بالتوفيق |
| الساعة الآن 06:46 AM |
Powered by vBulletin® Copyright ©2000 - 2025, Jelsoft Enterprises Ltd.
Search Engine Optimization by vBSEO