![]() |
طلب جدول 15 يوم لشمال تركيا 1 مرفق السلام عليكم ورحمه الله وبركاته حبايبي اجبرتوني على السفيره من مشاركاتكم لشمال تركيا حبيتها وانا لسه مارحتها قررت العزم مجنوووون طبيعه ابي منكم طلب جدول لمده 15 يوم قولوا يومين استطبول والباقي لشمال تركيا اسطنبول ماهي فارقه معاي انا والمدام وبنتي وعمرها 4 سنوات الحجز ان شاء الله راح يكون يوم 22 مايو 2016 الي 5 يونيو 2016 ان شاء الله تكون الارض خضراء مو ثلج ابي الفنادق الي بالشمال والمعالم والاشياء الحلوه واذا فيه بيوت ريفيه ايجار وحلوه كيف تقسيم الايام ايش تنصحوني فيه راح احجز اليومين هذي لانه فيه عرض من الخطوط السعوديه |
وعليكم السلام ورحمة الله وبركاته حياك ربي يا غالي ممتازة الصيدة لو قدرت تحجز في هيك توقيت راح توفر الكثير والكثير اولا التذاكر وثانيا الفنادق وثالثا الخياارت بشكل عام المطلوب لما تحجز دولي تحجز رحلة داخلية بعد الوصول ب 3-4 ساعات من نفس المطار إلى طرابزون ومنها تآخذ سيارة ( بحجز مسبق أو على عينك ) إلى أوردو وتكون حاجز في فندق انيمون أو هيليتون ( أسعارهم رخيصة جدا ) تريح فيها 3 أيام وتعين من الله خير ( اليوم الاول طبعا متعب شوي ـ طيران دولي ، طيران داخلي ، بعدين 150-170 كم إلى اوردو) لكن ترى إذا وصلت مطار طرابزون ومن بعد ذلك الفندق راح تشعر بكمية إنجاز كبيرة وتوفير للوقت والإستفادة القصوى منه بعدها ترجع طرابزون 3 أيام وبعدها آيدر يومين أو 3 بحسب رغبتك والختام 3 او 4 في اوزنقول حجز الفنادق فقط في أول 3 أيام في أوردو عشان ما تتعب في البحث وغنت دوبك واصل بقية الأيام على عينك ومن الآن أقول لك لو أخذت الغرفة لموتيل أو كوخ باكثر من 150-200 ليرة تراك مغلووووب لإنه وقتك مافي زحمة والعرض أكثر من الطلب وشوف على عينك والايام راح تكون متحرر فيها بشكل جميل للغاية وقرارك بيدك ، الديرة اللي تعجبك طول فيها واللي لا مع السلامة ترجع بعدها لإسطنبول ، وتختم فيها آخر 3 أيام تسوق وهيك بالتوفيق |
راح تكون نفس فترة سفرتي بالضبط تقدر تقرأ مواضيع عن الشمال التركي وتعرف اماكن كثيرة للزيارة من خلال الجدول الي وضعه لك اخونا ماجد |
والله شرف لي ي ماجد الفهد على ردك وتنسيق لموضوعي الله يسعدك تم الحجز على الخطوط وتم صيد عرضهم 1200 وتم حجز الفندق والدفع عن الوصول 3 ايام باقي حجز الطيران الداخلي متعب اشوية التسجيل وباقي السياره الأفضل هنا ولا من المطار والفنادق الثاني الي بالشمال خايف تكون مرتفعه ايجاراتها راح تكون السفرة بالصيف 15/8/1437 ايش تنصحني واسطنبول ايش أفضل فنادق والأماكن الحلوه لاني هاوي تصوير وربي يسعدك |
اكيد وقتي مافيه زحمه في الفنادق؟؟؟ من 22مايو الي 2 يونيو بالشمال ارجوا الرد لأنه شيكت على بوكنق أسعارها عاليه ونص الفنادق حجزت وخالف اروح وترتفع وكلها مقلب |
هلا حبيب ألبي إذا أكلت مقلب ، تكاليف الفنادق علي يا غالي :) قلت لك ،،، إحجز سيارة عن طريق رينتال كارز ( أي شركة معروفة ) أو عن طريق هالمكتب اللي يقدم لك السيارة بدون الحاجة لبطاقة إئتمان تدفع تأمين كاش https://dl.dropboxusercontent.com/u/...falmosafer.png اوردو إحجزها من الآن بقية المدن على عينك الخيارات كثيرة جدا جدا جدا وراح تشوف وتدعي بحول الله وأبرك الساعات نخمك يا غالي |
اقتباس:
اخوي ماجد انا ابي اروح نفس الوقت تقريبا بس ما ابي احجز شي حتى السيارة ما ابي احجزها قبل كل شي من اشوفه بعيني تنصح بعد؟ |
أنصح وبقوة بعد :) تراي مجرب كل الأشهر أهم شيء الصيف إبعد عنه :) يعني لازم تحجز بدري خوفا من عدم توفر الفرص بسهولة :) |
الصيف شهر كم شهر 8 هجري طيب انا حجزي 15 /8 1437 شايف زحمه من الان:7: بخصوص استأجر سياره من نفس الموقع هل أوافق على التأمين من نفس الموقع بواقع 34 يوميا أو الغي التأمين |
اقتباس:
اخي ماجد انا الصراحة عجبني الجدول الي انت حاطه لكن انا اجازتي في 20 ابريل مارأيك؟ بخصوص المسافة بين ترابزون واوردو لمن شوفتها في القوقل ماب طلعت حول ال 400 كيلو وزيادة .. لو تقولنا في اوردو ايش الفعاليات الموجودة ؟ وكمان ايدر ! او لو فيه موضوع نستفيد منو اعطينا هوة وشكرا ياسيدي |
الساعة الآن 12:32 PM |
Powered by vBulletin® Copyright ©2000 - 2025, Jelsoft Enterprises Ltd.
Search Engine Optimization by vBSEO