|
استفسار رحله 5 ايام في تركيا افيدووووني السلام عليكم ورحمة الله ابغى فزعتكم ومساعدتكم يا اهل الخبره انا بقولكم عاللي فراسي وأنتو أعطوني رأيكم انا وزوجي نبغى نروح اسطنبول يوم 24 مارس والعوده يوم 29 ماراح نطول او اوزنقول اعشق الطبيعه يجي يومين اوزنقول و3 اسطنبول ! والطيران الداخلي كم ممكن يكلفني بالنسبه التذاكر ع ناس تقريبا 2000 ريال والسكن لقيت شقق فندقيه ما ادري ايش تصنف كم نجمه المهم مكان أمن ونظيف تقريبا 5 ليالي ب 1000 وأقل اذا فهمي صح للمعلومية سافرت مره وحده لإندونيسيا وأجهل كثير أمور الرحله ابغاها اقتصاديه لان زوجي متخوف نروح هناك ونتوهق هو جدا متردد وانا محتاجه هالسفره للنفسيه المواصلات حنستخدم العامه والاكل حنشيل معانا خفايف ووجبه فاليوم تكون في مطعم وتكون الفاتوره من 200 وتحت ابغى أماكن سياحية رسومها مجانيه او رمزيه أحب الكوفيهات اللي تكون عالبحر افيدوني ف كوفيهات ومطاعم رخيصه وحلوه التذاكر عامله حسابي ع 2000 والسكن 1000 والفيزا مادري كم للشخص والجوازات منتهيه حتتجدد ب 300 ومصروف جيب هناك 3500 او 4000 ايوا وزوجي ماعنده فيزا حقة الفلوس هذي ضروريه يستخرج وحده والا اذا عملنا الحجوزات من اي مكتب مانحتاجها ؟؟؟! هل ممكن نروح كذا والا بنتوهق ومافي إمكانية انا الغرض من السفره تغيير نفسيه لأنو عليه ضغوطات وماعندي اشكاليه ف اي شي أرجوكم اتفاعلو معي قبل مانححز احتاج نصايحكم |
مارس الوقت مناسب لإسطنبول غير مناسب لاوزنجول لانه بتكون بارده جدا ومافييها طبيعه وغير كذا يومين ماتستاهل خلو الخمس ايام كلها بإسطنبول وممكن يوم على بورصه او سبانجا المواصلات العامة ممتازه وتفي بالغرض مطاعم مطله عالبسفور بيلتاش الموجود في ارتاكوي ممتاز وأسعاره ممتازه بالنسبه للفيزا اذا حجوزاتكم عن طريق مكتب سياحي ماتحتاجونها بالنسبه للتذاكر أتمنى انك حجزتيها خلاص لان ممكن ماتحصلون بهالسعر الان :24: |
خليك ع اسطنبول وبورصه جزر الاميرات ممكن تزوريها وترجعين في نفس اليوم المده قصيره والشمال في هالوقت ماينفع وماكو طبيعه وخضار زي الصيف |
اسطنبول وبس لان المدة قصيرة وهي تستاهل اذا انتم من محبي المشاوي والاكل التركي مطعم حمدي ممتاز في امينون ومطعم كفتاجي احمد في السلطان احمد مخصص للكفته ورامز قريب من امينون لكن مااعرف اوصف للاسف وموجود بأغلب المولات واسعارهم حلوة الكافيهات ع البحر عندك هوكا وعشق وفي الجانب الاسيوي كافيهات عند ميناء اسكودار انا احب اطلالتها اكثر من الاوروبي زوري حديقة اميرجان و جولهانا وساحة السلطان احمد واورتاكوي منطقة حلوة فيها مطاعم وكافيهات واكشاك للاكسسوارات واذا تبغي وجبات خفيفة واسعارها حلوة سميت سراي والمولات جواهر واستينيا بارك جولة ع البسفور سكنكم بأي منطقة اذا تحبي توفري اختاري منطقة قريبة من اغلب الاماكن |
الله يعطيكم العافيه طيب استفسار كمان سمعت انهم مايتكلمو لا عربي ولا انقليش كيف أتفاهم معاهم اذا بطلب شي من مقهى او ابغى اعرف مكان المواصلات اشلون! |
عزيزتي كثير مطاعم ومقاهي عندهم منيو عربي والامور سهالات لا تشيلي هم والاتراك الان يتكلموا عربي مكسر واي شي تحبي تستفسري عنه استخدمي مترجم قوقل |
طوَّق الياسمين الله يسعدك ماقصرتي طيب ماقلتلولي ال ٤ الاف تكفينا والا قليل ؟ |
وايش رأيكم الفلوس نسحب من الصرافات والا ناخذ مبلغ نخليه كاش معانا والتعامل كلو ليره والا بالدولار اتحملوني شوي |
لو تاخذون مبلغ صغير وو الباجي بالصرافه يكون احسن اشوف بليره افضل للمطاعم وو الكافيهات بس صرفو مبلغ لو صغير بدولار او اليورو ما فهمت ٤ آلاف حق شنو ؟ |
بالنسبه للتذاكر لا يفوتكم عرض الخطوط السعوديه اعتقد ينتهي في 13 مارس واعتقد انه غير مسترد والصرف السحب من مكائن الصرف هناك احسن و اوفر |
اذا بدون تسوق واذا مادخلتوا مطاعم غالية واعتمدتوا على المترو والترام ممكن تكفي لكن خلي معاك مبلغ احتياط للازمات |
حطي في بالك 600ريال كل يوم للوجبات والمواصلات بتكفي وتزيد بس اهم شي السكن يكون قريب من المترو والمطاعم فندق سكاي كمر وهولدي ستار اسعارهم جدا اقتصاديه وافضل من الشقق لكم والفطور بالفندق كمان واحفظي خريطه مواصلات المترو وبتزيد معاك الفوس بس اهم شي خلي البطاقه فيها مبلغ للازمات اسطنبول نفس المدن عندنا فيها الرخيص وفيها الغالي وروحي مطعم الملك وحمدي الذشي لاتفوتيها |
طيب تمام بدا القلق يخف بسالكم عن المواصلات قريت انها بطاقه اشحنها طيب دحين مثلا بروح مكان اختار المترو كيف ارجع لهم وقت معين للرجوع والا أدور وسيله نقل ثانيه وكيف اعرف الأوقات! |
شوفي في موضوع مثبت عن المواصلات وطريقة الشحن ترى كنت زيك اخاف واقلق قبل السفر واول ماتوصلي راح تتعودي استمتعي ولا تشيلي هم بس حاولي تقرأي شويا بالبوابة |
. . . مدام غيم ... بصراحة ،،، يعجبني الشخص الواضح ،،، الرحلة إقتصادية ،، والهدف تغيير الجو والنفسية ،،، ولذلك ، إبشري بالتفاصيل اللي تبرد قلبك ،،، بعد الشكر والتقدير لكل الخبراء اللي شرفوك في موضوعك ،،، وبصراحة مو بالعادة يتجمع هيك عدد في نفس الموضوع وفي نفس اليوم ،،، ولكن يبدو أن نيتك زينة :) ورينا بيحبك يا مدام :) أولا ،، الصرف ،، كاش ومن هنا ... http://www.arabtrvl.com/vb/t1607.html السكن ،، زيدي الميزانية بس 800 ريال وخوذي هالفندق الجميل جدا ،،، إقتصادي ، 3 نجوم ،،، لكن غرفة سوبيرور على البسفور مبااااااشرة ومع الفطور ومساحتها 30 م ،،، يعني لو تجلسين فيها كل اليوم ما تملين ،،، وبجانبك محطة ترام تويدك كل مكان ... وكمان عبارة توديك الآسيوي ،،، والأهم ساحة قدامك ما فيها سيارات على البحر مباشرة وجلسات ترد الرووح وهي تشبه بعض الشيء جلسات اورتاكوي مع فارق المكان والزمان :) الفندق موجود على هذا الرااااااااابط بقية الفعاليات لما تخلصي حجز دولي وسكن ، نجي نحكي مع الخبراء والخبيرات على بقية التفاصيل ،،، |
حبيبتي الترام رايح جاي كل 5دقائق تقريبا يحمل ناس وينزل ناس في نفس الوقت الى الساعه 12 بالليل اعتقد بس انتي شوفي خريطة المواصلات واعرفي المناطق (المحطات)اللي بتزوريها وهو عند كل منطقه يوقف مكتوب بالشاشه اسم المحطه بطاقه المواصلات احنا اخذناها من بقاله وموجوده بكل مكان تشحنيها مثلا30ليره كل مره تركبي الترام يحسبولك انتي وزوجك 4ليرات تقريبا او5 لما تسوي جدولك وتعرفي فين اللي حابه تزوريه اعرفي محطه ايش وبالترام ولااسهل وبطاقه اسطنبول تقدري تستخدميها بالترام والباصات والسفن كمان لو حابه تزوري تل العرائس مثلا ميني ترك رحنالها بالترام الى ميناء اميوينو وبعدين باص مرقمه الباصات تلاقيها كثييره |
الله يعطيك العافيه اخ ماجد والله اني حبيبه وبنت حلال ههههههههه مره ماقصرت والوضوح لازم لاني ابغى أستفيد من خبرتكم وتوجيهكم وطوق الياسمين وأم ريمو يسعد قلوبكم يارب لمن احجز لي رجعه ان شاءالله تساعدوني ف ترتيب الأماكن اللي اروح لها |
سكاي كمر هولدي ستار فندق c v k البوسفور امين السلطان اخ ماجد ايش اسم الفندق؟ طلعت لي فنادق كثير وايش رأيكم بالفنادق اللي كتبتها لقيت عروض عندهم والسعر مقدور عليه |
. . . إذا السعر مقدور عليه ، خوذي السي في كيه البسفور بلا شك ،، لو حابة توفري شوي هذا الفندق اللي نصحتك فيه Booking.com: ظپظ†ط¯ظ‚ ظ‡ظٹطھظٹ - ط¥ط³ط·ظ†ط¨ظˆظ„, طھط±ظƒظٹط§ وصباح الورد على المدام الحبيبة وبنت الحلال :) الله يسهل أمرك ويوفقك إقرأي اكثر وأكثر وأكثر فالترتيب المسبق والقراءة 3 أرباع المتعة راح تحبي البلد من أول إطلالة على البسفور |
| الساعة الآن 11:52 PM |
Powered by vBulletin® Copyright ©2000 - 2025, Jelsoft Enterprises Ltd.
Search Engine Optimization by vBSEO