السائقين في اسطنبول
 

السلام عليكم ورحمة الله وبركاته

اخواني احتاج ارقام سائقين في اسطنبول اذا احد عنه رقم سواق يكون محترم ويتكلم عربي لا يبخل علي برقمه
مع العلم اني ما راح احتاجهم ان شاء الله

ابستخدم المترو والترام والباصات والعبارات والله لا يحيجنا لهم

لكن احب احط احتياط لكل الظروف

وابي يستقبلني في مطار اتاتورك
وسؤال اخير كم يكلف المشوار من مطار اتاتورك الي السلطان احمد؟

وجزاكم الله خير

.
.


إبشر بعزك

راسلني خاص لو حاب سواقين ،،،



لكن كمبدأ ،،، ليش تتعب حالك يا غالي


تاكسي رسمي من المطار يوديك أرخص ب 50 بالمية من السائق الخاص ،،،


ثانيا ،،،

السائق ، مو على الكيف ، يعني تحتاجه في مكان وتقول له تعال يجيك ،،

هم في الغالب يرتبطون بمشاوير يومية ،،،



ثالثا ، قيمة المشوار من المطار - السكن

عادة من 70-90 ليرة بالكثير


بالتوفيق

يامل الجنه يا اخوي ماجد ما قصرت ابراسلك ان شاء الله
لا خلا ولا اعدم

حملت اوبرا وان شاء الله نستفيد منه

جزاك الله خير على الرد والتفاعل

وعليكم السلام ورحمة الله وبركاته

ماقصروا بالاجابة بس اذا بتعتمد ع المواصلات العامة وبتخلي رقم السائق احتياط

عندك تطبيق أوبر وتطبيق بي تاكسي أفضل برنامجين استخدمهم في اسطنبول في كل رحلة وأسعارهم مناسبة

http://www.arabtrvl.com/vb/t7690.html

وٍعَلْيّكَمُ الْسَلآإمّ وٍرٍحَمُةٌ الله وٍبُرٍكآإتَهّ
بو محمد



بما انك بتستخدم المواصلات العامة
انصحك بشدة تحميل تطبيق Trafi
تطبيق جبار جداً
ويعطيك ادق المواعيد والتفاصيل
مابين
عبارة ومترو وترام وباص وميني باص
وكل ابو شيء ههههههههه



اما اذا تبي ترتبط بسائق خاص
بوجهة نظري
بتكون تجربة بتندم عليها






السائق
اعتقد بتحتاجه فقط
في الوصول لاسطنبول
وفي العودة للمطار




بس تبيني اريحك



دامك بتوصل بمشيئة الله مطار اتاتورك


اركب المترو

ياخذ من المطار الى مترو سركجي
ومن مترو سيركجي تركب الترام للسلطان احمد



بس اذا بتشتري راحتك



سواق عام من المطار للفندق ( الوصول )
و
سواق عام من الفندق للمطار ( المغادرة )





لا تتفق معه ع العداد
اتفق ع الشرط



واذا ع العداد على كل حال
ما بتتعدى مائة ريال
من السلطان احمد







تحياتي


أرسلت بواسطتي [emoji851] بإستخدام Tapatalk
ردِّد دائماً: سبحانك اللهم أستغفرك وأتـوب إليـك

اشكر تفاعلك وحملت بي تاكسي

يامل العافيه على الرد انا حملت بي تاكسي وحملت trafi بس بصراحه مبدئيا ما عرفت للبرنامج لكن خلن احوس شوي وان شاء الله اتعلم عليه

اما بالنسبه للسائق الخاص انا رافض الفكره تماما بس حبيت يكون عندي كم رقم عن الدنيا و احواله


و بالنسبه للمترو اعتقد من الصعب اني انتقل من المطار و خصوصا ان معي طفلين وشناط فا مستصعب شوي

لكن شكله بتصير زي ما قلت تاكسي من المطار و نتفق معه وبس

يبقى سؤال انا شفت في ماليزيا مكاتب شركات تكاسي في المطار هل في مطار اتاتورك مثل هالمكاتب
؟؟؟

ومشكورين على سعة صدوركم

اخوي بو محمد


مكاتب تكاسي ماليزيا
هههههههه ذكرتني بجملتهم الشهيرة
( جولة حول المدينة )


انا سفرتي لماليزيا طحت عليهم
وبيني وبينك
لهم ايجابيات و لهم سلبيات



بالنسبة لمطار اتاتورك ما قد نزلت فيه
بس لما طلعت لحديقة الاكواريوم ملاصقة للمطار ومنطقته



رايت عدد كبير من سائقي التكاسي
يعني ابداً ان شاءالله ما راح تتعطل ابد



بس انك تتعامل مع مكتب خدمة تكاسي
لا يا حبيبي السعر بيكون اعلى من التاكسي العام العادي




والمثل يقول: ان بغيت تشتري راحتك
لا تفكر بالمقابل



<<< مثل من عندي اتوقع يُلامس الواقع




واذا انت رايق بالمرة



خذ لك شريحة تركية
ونزل تطبيق BiTaxi


يجيب لك اقرب تاكسي
وتحط خط المسار
اتاتورك - السلطان احمد
ويعطيك متى يجيك التاكسي
ويعطيك كم تعطيه سعر
وتطلع لك صورته برضو



ولا تدفع ليرة زيادة


الا طيب منك مو بالحيلة





تحياتي


أرسلت بواسطتي [emoji851] بإستخدام Tapatalk
ردِّد دائماً: سبحانك اللهم أستغفرك وأتـوب إليـك