شريت شقة وتبهدلت :(
 

السلام عليكم ورحمة الله وبركاته

مسائكم رضا وسعادة..

ما شاء الله تبارك الرحمن ما دريت إن المنتدى موجود إلى الآن..كان أزعجتكم بالاستفسارات ولا تبهدلت..

المهم شريت شقة بمنطقة عند طرابزون كلها آتراك..

الوسيط بيني وبين المحامي اكتشفت ما عنده خبره..

والمحامي التركي وإلي رمم الشقة نصبوا علي.. ما علينا خذيت درس..

المكتب أظن إنه زين لكن ما يعرف عربي وكان المحامي من يتفاهم معاه..

المحامي (ماخذته من اسطنبول وكانت غلطة كل سفره لطرابزون أدفع تكاليفه :16: )فقط سجل الكهربا باسمي..

الطابو طبعاً استلمته لكن بركب نت بالشقة والماي بحطه باسمي رفضوا إلا بإقامة..

من يعرف مكتب يستخرج لي إقامة بسعر مناسب..

وهل المكتب العقاري اهو المسؤول بتكملة إجراءات الغاز والماي..

وإذا بستخرج الإقامة بنفسي أحد يعرف الإجراءات وكم تستغرق؟.. (أعرف إنه في تأمين صحي وتأمين للشقة …)

وجزاكم الله خيراً

اعتقد لازم المحامي يحجز لك موعد وفيها تأمين طبي

بس عسى ماهي غالية عليك الشقه

الله يسهل أمرك أختي ،،

اختي شوف كل شخص عنده شقة باسمه بتركيا له الحق بالحصول على الاقامة

اول شي لازم تستخرجين كل الاوراق المطلوبه مثل الطابو والرقم الضريبي وتفتحين حساب بالبنك انصحج (ببنك الكويت التركي) واترجمين الجواز للتركية من مكتب معتمد وبعدين فيه موقع تدخليه علىه وتاخذين موعد وتروحين

وان شاء الله الاخوان ما يقصرون اذا احد عنده خبره زياده

شريت شقة وتبهدلت :(
 

وعليكم السلام ورحمة الله وبركاته
اجراءات استخراج الاقامة في تركيا متعبة شوية لكن يعدها بترتاحي عشان تقدري تخلي المويا والكهرباء باسمك في شي لازم تستخرجيه اسمه الرقم الضريبي وهو من الاوراق اللي تحتاجها لاستخراج اقامة راح اقولك الخطوات بالترتيب وبحاول اسألك عن مكتب موثوق يساعدك باستخراج كل الاوراق المطلوبة :

1- تدخلي موقع مديرية إدارة الهجرة www.goc.gov.tr تعبي استمارة طلب الاقامة وتطبعيها وتوقعيها
2- تأخذي موعد في مديرية ادارة الهجرة اون لاين عن طريق نفس الموقع بس بعد ماتكوني جهزتي كل الاوراق المطلوب ارفاقها مع ورقة الموعد :
1- كشف حساب بنكي من اخد البنوك التركية يفيد بوجد مبلغ يعادل 6000 دولار
2- صورة من جواز السفر الصفحة الاولى والصفحة اللي فيها فيزا دخول تركيا والاصل يكون معاكي يوم الموعد جوازك تحتاجي ترجميه تركي اذا ماكان فيه لغة انجليزية
3- عقد ملكية العقار اللي هو الطابو
4- تأمين طبي من احد الشركات التركية
5- الرقم الضريبي ( استخراجه يحتاج تروحي لنفس دائرة الضرائب + صورة من جواز السفر + ويعطوكي استمارة تعبيها وتكتبي فيها العنوان ورقم جوالك التركي ويعطوكي الرقم في نفس الوقت ويفضل تكون اول خطوة تسويها )
6- 4 صور شخصية
سداد رسوم الاقامة تختلف من جنسية لأخرى ولكن بحدود 150 -300 دولار تقريبا

وربي يسر أمرك يارب


شبكة ومنتديات العرب المسافرون

الأفاضل..آخر فرصة..فارس من خيال

بارك الله فيكم ..يكفي مروركم..

هو ما خلاني أشتري شقة بتركيا إلا حبي للسفر لها..

لا المكاتب العربية رسومهم مبالغ فيها جداً والعقارات عندهم سعرها أضعاف والتزاماتها الشهرية أكثر..

يعطيك العافية..


لا تعقدت من المحامين ..أحتاج مترجم أو مكتب تخليص إقامة بسعر مناسب..

عموماً للفائدة ما تحتاج محامي لشراء العقار تحتاج دلال أو مكتب عقاري ثقة تشتري منه واهو راح يعمل لك كل الإجراءات..ومترجم عند الضرورة..

لا كان سعرها مناسب أعتقد لأني أخذتها من موقع تركي..

يعطيكم العافية..



آميين وأموركم
بارك الله فيكم

متوفره عندي كل هالأوراق بس باقي لي تأمين الشقة والتأمين الصحي..

بشوف الموقع وأتراسل معاهم إذا في مكتب بمدينتي أو قريب منها..

الله يجزاكم خير