|
أود تنظيم الاماكن السياحيه القريبه من بعض ؟؟ السلام عليكم أحبائي أعضاء هذا المنتدى الرائع باذن الله سوف تكون رحلتي الى تركيا يوم 14 مايو 2016 ليله استراحه في اسطنبول ومن ثم الى طرابزون ليله واحده في طرابزون و6 ليالي في اوزونجول ومن ثم العوده الى اسطنبول 4 ليالي ومن ثم العوده الى جده باذن الله تعالى استفساري عن اسطنبول لو ممكن تزودوني بالاماكن في اسطنبول يوم بيوم (يعني الاماكن القريبه من بعض لكي ارتب كل يوم منطقه معينه في مكان واحد او قريبه من بعض ولا اختار اماكن سياحيه متفرقه في كل يوم لكي يسهل التنقل بين الاماكن السياحيه القريبه للعلم انا وزوجتي و3 اطفال يعني من ضمنها اماكن للترفيه الاطفال ولكم مني جزيل الشكر والعرفان محبكم والمخلص لهذا المنتدى الرائع الليـــــزر تحياتي لكم |
وٍعَلْيّكَمُ الْسَلآإمّ وٍرٍحَمُةٌ الله وٍبُرٍكآإتَهّ خله عشوائي وشوف كيف راح تنبسط حبيبي انت شنو اهتماماتك وش تحب وش تفضل عندها تعرف وين تسكن ؟ بس مبدئياً مالك الا المدينة القديمة لا يغرك اسم القديمة لكن يطلق عليها كذا اطلع على تقارير الاعضاء حتستفيد كثير منها تحياتي أرسلت بواسطة أوكسير بإستخدام Tapatalk ردِّدْ دائماً: سبحانك اللهم وبحمدك ( أستغفرك وأتوب اليك ) |
يبدو انك لا تحب كثرة الفنادق بس ودي انك تحط ايدر بالحسبة ليلة كأقصى حد حتى تستمتع في طبيعتها ان كان جوك طبيعة وخضرة وفله حجاج بالنسبة لاسطنبول شف هالجدول بالاحداثيات فادني يوم كنت باسطنبول http://uploads.tapatalk-cdn.com/2016...822afdfbd8.jpg انا فتحت قوقل مابس وفتحت خريطة اسطنبول وحددت كل المعالم والاماكن بالخريطة على ورقة خارجية ويكون معك دفتر صغير من موقع اقامتك تحدد وش تزور باليوم وانا افضل لك استخدام المواصلات العامة كرت اسطنبول لك ولعائلتك واحد يكفي هذا الكرت حقي اللي استخدمته انا سعره اخذته 10 ليرة من كشك بقالة وفيه ناس تاخذه بسبعة ليرة يعني ثلاث ليرات مافرقت [emoji16] http://uploads.tapatalk-cdn.com/2016...d35c543f86.jpg تحياتي أرسلت بواسطة أوكسير بإستخدام Tapatalk ردِّدْ دائماً: سبحانك اللهم وبحمدك ( أستغفرك وأتوب اليك ) |
يعطيه العافيه اخونا اوكسير طريقته حلوة والأحلى بعد ادخل على هذا التقرير بيفيدك وايد http://www.arabtrvl.com/vb/t295.html جزاها خير مشرفتنا زهرة نيسان |
أهلاً بك حبيبنا الليزر .. مميزنا ( أوكسير ) ماقصّر .. منطقة السلطان أحمد لوحدها تحتاج يوم كامل .. جزيرة الأميرات راح تأخذ منك نصف يوم .. وممكن تكمل النصف الآخر بتقسيم .. منطقة جامع أيوب ممكن يكون يوم كامل ( مقهى بيرلوتي ، ملاهي فيا لاند ، ميني تركيا .. ) الجانب الآسيوي يحتاج يوم كامل .. وهكذا .. ولا تفوّت قراءة التقارير في البوابة بالورقة والقلم .. رحلتي الثالثة لاسطنبول ومع ذلك مازلت أنهل من التقارير كل جديد ( تقارير الأعضاء ) طريقك لنجاح رحلتك بإذن الله .. |
نسيت أقول لك ... لا تفوّت زيارة آيدر في الشمال التركي ( ما أشوفها في الجدول ) ٦ ليال لأوزنجول كثيرة اترك لإيدر ( ليلة واحدة ) تستحق .. |
اول يوم اسطنبولي راحه + اذا كنت من سكان تقسيم خذ رحله قصيره مشي واذا كنت من سكان الكورنيش تمشي ع الكورنيش الايام المتبقيه الاسطنبوليه ( خذ لك عربيه اطفال مهمة ) مضيق البيسفور والكورنيش اكشاش الاكل التركي جامع اورطاكواي وحديقه مزوعه بها ملاهي للشعب قريبه من بعض تقسيم وغلاطه جواهر مول قراب من بعض الجامع الازرق السوق المسقوف مطعم كباب حجي قراب من بعض مدينه فيالاند وفيها سوق بس بعيده شوي عن المدينه مجمع تجاري اسمه فورم يوجده به ايكيا وملاهي ومطاعم فيه مجمع فلوريا علي البحر وفيه عالم البحار اكواريــم وملاهي وسوبر ماركت ومقاهي ومطاعم كمان بعيد جزيره الاميرات يوم كامل في اسطنبول يوجد باص سياحي الهيب اند هوب للاطلاع علي معالم العاصمه السياحيه والاثريه لوحابين تشوفون كل العاصمه رحله سعيدة |
اقتباس:
الله يعطيك العافيه دائما ترد وتعطينا من خبرتك ومعلوماتك لاعدمناك بالنسبه للتنقلات اي والله وبالنسبه للفنادق حجزتها من اول من قبل فتره طويله في اسطنبول باسكن في منطقة السطان احمد (سيركجي) وطرابزون نصحني صديق لي اني يوم واحد اريح فيها واروح اوزونجول استمتع فيها واطلع منها لايدر وحيدر نبي ومرتفعات السطان مراد (هذي نصيحته لي والله يستر ههههه) لاني شفت المسافات طلعت اكثر الاماكن اقرب لطرابزون من اوزنجول ولكن حجزت من اول وخلصت يعني نشبت بالعربي هههههههههههه وفي اسطنبول انا قصدي الاماكن اللي تكون في منطقه وحده عشان كل يوم اروح منطقه والفها قصدي روحتي لمحطه بالمترو او الترام عشان مااتنقل كثير عارف الاطفال وقروشتهم معي في التنقلات مشكور اخوي اوكسير الله يعطيك العافيه |
اقتباس:
واكسير ماقصر وردك علي يكفي الله يعطيك العافيه تحياتي لك |
اقتباس:
هلا وغلا باخوي كتكات الله يعطيك العافيه وافدتني كثير وبالنسبه لايدر ان شاء الله في البال زيارتها ولكن زياره يوميه وليس بياته فيها لاني والله رتبت حجزوات الفنادق من فتره ,, ولكن باذن الله لها زياره تحياتي لك ولك كل التقدير كتكات |
| الساعة الآن 03:12 PM |
Powered by vBulletin® Copyright ©2000 - 2025, Jelsoft Enterprises Ltd.
Search Engine Optimization by vBSEO