|
استفسار عن حجوزات الفنادق والسيارات وحجز مبالغ من الفيزا السلام عليكم ورحمة الله وبركاته,,, كيف حالكم يا كرام,, انا عندي رحله من 17 الى 28 مايو(هل يعتبر في وقت الذروه والزحمات والا وضعنا تمام) الى اسطنبول والشمال التركي ,لاول مره اطلع برا السعوديه :62:,,ابطرح اسئله وابي تفيدوني الله يجزاكم خير ,, اولا..حجوزات الفنادق.. انا في رحلتي تقريبا 6 فنادق ..خلصت حجوزاتها بالفيزا كارد ,,المهم اليوم الثاني جاءت 3 رسايل خصم من ثلاث جهات , رساله وحده اللي واضح جهت السحب اللي هوا فندق اوزون فيلا اوزنقول ,,والباقيه اسماء غريبه ,,:e021: ا هل الوضع تمام والا:73: ثانيا .اادفع للفنادق كاش والا فيزا وهل يحسب المبلغ اللي خصموه والايرجع بعد 15 يوم كما فهمت من بعض المواضيع انو ما يخصم فقط يكون محجوز ,,,يعني توريط لازم اخذ مبالغاضافيه ؟؟, ثالثا تاجير السياره ,,,, انا ابي سياره بطرابزون ..وداخ راسي وانا ادور في المواقع .,,اغلبها يطلب بطاقه فيزا مرتبطه بالحساب ما يقبلون بطاقات فيزا الشحن.., فيه شركه اسمها GBRلها فروع بالرياض ودبي وتركيا ,, هل احد جربها من قبل ...والا اخليها الين اوصل المطار ؟؟ هل يفرق الديزل عن البنزين بشكل كبير اوالا كيف الله يعطيكم العافيه ,, |
اليوم وانا اتابع الاخ طه دبلوماسي معروف وقريب جداً من وزير خارجية تركيا له يوميات في السناب ونشر السنابه هذي على ضمانته ومسؤليته http://uploads.tapatalk-cdn.com/2016...eec8fa226b.jpg تواصل معهم ويرتبون لك جدول سياحي على كيفك تحياتي أرسلت بواسطة أوكسير بإستخدام Tapatalk ردِّدْ دائماً: سبحانك اللهم وبحمدك ( أستغفرك وأتوب اليك ) |
اقتباس:
اخاف الشركه تبع طه ويسوق لها:32: ,,, والله ياخوي ماحب المكاتب والربطه والجداول ,,انا ابي سياره وهجوله والديره اللي ماتعجبني نحول على غيرها ,,:e14e:,,والامور ماشيه بس فيه بعض الاشكالات ,, شكرا مره اخرى لتفاعلك السريع,,:e032: |
سهم عزيزي بخصوص الفنادق في بوكينغ يخبرك كيفية الدفع عند الاقامة او من الفيزا بعض الفنادق تحجز المبلغ واذا انت جيتهم يخيرونك كاش او فيزا والبعض يخصم تلقائياً ومسالة تجيك خصميات باسماء غريبة انت ماتعرفها الله اعلم يجب ان تطلع على سجل كشف الحساب الائتماني يا عزيزي للتأكد السيارة متوفرة في مطار طرابزون عند بوابة القدوم بعد ما تخلص جوازاتك وتستلم عفشك تشوفهم على يمينك تقريباً 15 مكتب تاجير سيارات واذا على الوقود يا عزيزي ديزل ولا تاخذ غيره على الاقل ارخص قيمة من البنزين ولكن بنظرنا غالي لان اللتر 3.60 ليرة فيه غاز ارخص بس مو عملية للتنقلات تحياتي أرسلت بواسطة أوكسير بإستخدام Tapatalk ردِّدْ دائماً: سبحانك اللهم وبحمدك ( أستغفرك وأتوب اليك ) |
اقتباس:
|
اقتباس:
وفتكم حلو وكثير من الناس بتسافر في هذا الوقت ولكنه ليس الذروة الذروة شهر 6 و 7 وكذلك 8 ميلادي اقتباس:
الوضع تمام ان شاء الله حيث ان الخصم لايشترط ان يكون باسم الفندق حيث ان بعض الفنادق تابعه لمجموعة تجارية تحتها عدة فنادق فلا تقلق بنسبة الى فندق اوزنجول موتيل الله يعنيك عليه يعطيك غرف مختلفة عن التي تم اختيارها وانصح الجميع تقديم شكوى رسمسة لموقع بوكنج عليه عندما تكثر الشكاوي عليه سوف يغير من سياستة ولانه يستغل الزحام ويوزع الناس بحسب مايتوفر له وبحكم الزحمة لاتجد خيار لك سوى الموافقة للاسف وهذا الشي حصل لي ولولد عمي ومن معي وتلاحض في الذروة هو الوحيد الي يقبل الجميع حيث يوزع على كثير من الفنادق من الباطن السموحة على قول الصراحة وربما تستضيق من هذا الخبر ولكن لابد ان تصر على اخذ نفس الغرف التي حجتها مسبقا اقتباس:
بحسب سياسة كل فندق الغالب من الفنادق هو مجرد حجز ولا يخصم حتى تاتي الى الفندق ويتفق معاك على الخصم نقدي او بالبطاقة البعض يخصم بمجرد ماتحجز و البعض اذا قرب موعد الحجز و البعض لما تحضر ويتفاهم معاك اقتباس:
تخليها لما توصل المطار افضل مع انه خيار صعب بعض الشي تتخوف انك ماتحصل برغم من ان مكاتب الايجار اصبح لديهم سيارات كثيره نتيجة لضغوطات سابقة على السيارات الصيف الفائت ماعندي فكره عن GBR |
اقتباس:
بالنسبه للفنادق والمبلغ المقتطع يعني اذا وصلت واخترت الدفع بالفيزا ..هل يستقطع مبلغ غير الاولي ..يعني العمليه الاولى يتم فك حجزها وترجع بعد فتره .ويتم سحب مبلغ اخر في الحال ...لان هذا الشي مسوي لي قلق بالنسبه للمبزانيه ....بالنسه للفندق في اوزنجول هل هو اوزون فيلا اللي تقصده ..عشان هو تواصل معاي بالواتس ..بسوي له قلق قبل اوصل :42:.. والسياره الى الان اعتقد بخليها الين اوصل هناك وان شاء الله تتيسر ... شكرا لك على الرد االله يجزاك خير |
بنسبه للفنادق يتم حجز المبلغ في الغالب اما ان يتم خصمه مباشرة او او نقدي لو سلمت لهم الفلوس نقدي يفك الحجز بعد 10 ايام ترجع الفلوس في الحساب لانها معاملات دولية بنسبة الى الفندق الي اقصده اسمه موتيل اوزنجول أرسلت من SM-N920C بإستخدام تاباتلك |
انصحك بالشركات العالمية واحجز من الآن وادخلت تاريخ وصولك ووجدت جميع انواع السيارات في هذه الشركات متوفره https://www.sixt.com https://www.avis.com https://www.budget.com/budgetWeb/home/home.ex اما بخصوص شركة GBR اعتقد قرأت عنها تحذير في تويتر انصحك بقراءة موضوع جميل عن الصرافات والبطاقات للحبيب ماجد الفهد : http://www.arabtrvl.com/vb/t1607.html بالنسبة للفيزا خليها للفنادق والسيارة افضل بكثير لك واذا مبلغ الفيزا لا يكفي تستطيع ايداع اي مبلغ فيها . . |
[emoji257].. مساء الخير ..[emoji257] شركة جى بى ار لتأجير السيارات هى شركة كويتية تأسست عام 2013 على يد السيد فهد المقين وتخصصت الشركة فى مجال تأجير السيارات http://uploads.tapatalk-cdn.com/2016...e61c9a1ec6.jpg تحياتي أرسلت بواسطة أوكسير بإستخدام Tapatalk ردِّدْ دائماً: سبحانك اللهم وبحمدك ( أستغفرك وأتوب اليك ) |
| الساعة الآن 11:39 AM |
Powered by vBulletin® Copyright ©2000 - 2025, Jelsoft Enterprises Ltd.
Search Engine Optimization by vBSEO