![]() |
خبراء تركيا شوفوا جدولي. السلام عليكم كيفكم اعضاء المنتدى الجميل استفدت منكم كثير يجعله في موازين حسناتكم رحلتي لاسطنبول على مطار صبيحه بشهر اوغست ان شاء الله راح اجلس 11 يوم بما فيهم ايام الرحلات الوصول لاسطنبول بيكون 12 باليل و فكرت اخذ فندق و اجلس فيها يوم وبعدها لطرابزون و من طرابزون راح نستأجر السياره بعدها لمنطقة آيدر يومين بعدها ل اوزنقول اربع ايام طرابزون يومين. نرجع اسطنبول يومين ولاني ماحب الزحمه و بيكون حر بس ودي اروح للاسواق اخذ كم هديه كتذكار. - شرايكم بجدولي و انتظر تعديلاتكم عليه و سمعت ان فيه منطقه اسمها ريزا اتوقع هل تستحق اني احطها بجدول الشمال التركي؟ وهل برنامج قوقل جي بي اس كافي ولا احمل برنامج ملاحه اخر؟ وماهو الافضل نستأجر سياره اون لاين مثل ماهو مذكور في موضوع الاخ ماجد الفهد ولا من المطار؟ وبالمناطق اللي بروح لها هل فيه اماكن تنصحوني بالذهاب لها؟ شكرًا مقدما لكل من يمد يد العون و انا قبل اكتب موضوعي الاول لفتني المساعده و التجاوب من اعضاء المنتدى للناس الي تسأل. دمتم بود:48::e032::e032: |
أهلاً ياسمينا .. المشكلة الوحيدة .. الوصول المتأخر لاسطنبول لإن الأفضل والمتبع هو مواصلة الرحلة مباشرة إلى طرابزون .. عموماً رأيي .. أن تستأجري ليلة الوصول فندق قريب من صبيحة للراحة والنوم .. ومن الغد طيران إلى طرابزون ... جدول الشمال ممتاز .. بس آيدر كثير عليها يومين ليلة واحدة يكفيها .. وزيدي اسطنبول ليلة .. ريزا .. فقط منطقة مرور إن رغبتي بالنزول إلى ميدانها .. لكن في حالتكم .. أيام السفر قليلة .. طبعاً أوغست موسم سياحي لا بد من استئجار السيارة أون لاين .. بالنسبة للمناطق السياحية .. هناك تقارير للشمال أبدع الأحبة كثيييييييراً في طرحها .. اقرأي واستمتعي وخططي جدولك على رغباتك .. كان من الأفضل وضع تواريخ السفر للترتيب بشكل مثالي .. وتكون بالليالي وليس بالأيام .. لتكون الدقة بشكل أفضل .. تحياتي لك ... أرسلت بواسطة iPhone بإستخدام Tapatalk |
اتفق بكل ما ذكره الخبير كتكات. الافضل السكن بفندق قرب المطار ليلة الوصول. بالنسبة لحجز السيارة اكيد بيكون قبل الوصول لان وقتكم عز الموسم السياحي. ايدر تكفيها ليلة واحدة. وعند العودة منها بإمكانكم التجول بريزا . فيها حديقة جميلة ( بوتانيكال جاردن ) للشاي تقع على مطل. بالإمكان الاستمتاع بالجلسة فيها. |
اقتباس:
راح اظل سبع ليالي ان شاء الله. و حاولت اني الاقي رحله بدري على اسطنبول ( مطار صبيحه ) للاسف مالقيت الا اوقات متاخره مره ف حجزت هاذي الرحله، وبيكون الوصول لطرابزون الساعه 11 صباحا ان شاء الله، وش الافضل ابقى في طرابزون ولا اكمل رحلتي لأوزنقول وسمعت ان فيه اكواخ هناك غرف صحيح او لا و اذا ايه كيف نظيفه ولا لا؟ اعتذر عن الاسئله الكثيره:26::e32c: و الله يعطيك العافيه على ردك راح احذف يوم من آيدر و ازيده باسطنبول. |
اقتباس:
هذا اللي بيصير ان شاء الله، سعدت بتواجدك:e032: |
أهلاً بك .. وعلى الرحب والسعة .. واسألي مابدا لكِ .. الكل هنا بالخدمة ... مطار طرابزون صغير واجراءاته سهلة وغير معقد أبداً .. 11 صباحاً وقت مثالي للانطلاق مباشرةً إلى الأرياف سواءً كانت أوزنجول أو آيدر ... وتكون ليالي طرابزون مسك الختام لليالي الشمال .. طبعاً السكن في تلك الأرياف - حسب تجاربي - ممتاز ونظيف ومختلفة المستويات .. يوجد فنادق ويوجد أكواخ .. لكن لا تنتظري الفخامة والترف .. ولكن مهم جداً الحجز المسبق .. لكي لا تقعي بإشكاليات ( ذروة ازدحام الموسم ) .. |
اقتباس:
. . . الله يعطيك العافيه اخوي ماتقصرون جميعًا. و بالنسبه للتذاكر تم حجزها باقي بس الفنادق وراح اذكر اساميها ولكن الاكواخ ممكن احجزها عن طريق بوكينج؟ و استاجرها في اخر ليله في اوزنجول؟ ولا استاجرها الثلاث ليالي كلها؟. بمعنى انا ودي استاجر فيها مره بس كل فتره تواجدي ب اوزنجول اكون فيها ولا الافضل الفندق؟. باقي لي فقط حجز السياره وعندي استفسار اقدر اخذها من مطار طرابزون لما احجز اونلاين؟. وباقي احجز المودم بعد :e32a::e32a::e32a::e32a: |
لا أعتقد بأن ثلاث ليالي تستحق التنويع بالسكن .. عموماً أغلب فنادق أوزنجول عبارة عن مباني خشبية .. فالغرفة راح يكون ستايلها خشبي أشبه بالكوخ :1: وإن رغبتي بكوخ حقيقي .. فيوجد عدد منها ( شاهدتها ) لكن هل بوكينق يقدم خدمة الحجز لهذه الأكواخ .. لا أعلم .. ربما الأحبة يفيدون بذلك .. بالنسبة لحجز السيارة .. أكيد راح تستلمينها في المطار وهو الأفضل .. شركات ( بدجت ،، آفيس ،، يوروكار .. ) شركات عالمية يُنصح بها ولها مكاتب في المطار .. بالنسبة للمودم .. هناك موضوع كامل للرااائع ماجد الفهد .. ربما يفيدك .. معذرة ... تذكرت سؤالك بالنسبة للملاحة .. قوقل ماب ،، سايجك ،، هير .. برامج ممتازة ( استفدت منها ) لامانع من تحميلها .. وكذلك إن كان لديكم جهاز القارمن .. يكون أفضل مع تلك البرامج .. مع أخذ الاحداثيات لأهم المعالم التي تنوين زيارتها .. |
اقتباس:
. . . نعم انا اقصد الاكواخ الحقيقيه. وكنت قد قرأت موضوع الاخ ماجد الفهد و الحمدلله ماقصر مشكور. للأسف ماعندي الجهاز ولكن راح اعتمد ان شاء الله على البرامج و احداثيات المواقع. شكرًا اخوي كتكات على اهتمامك و تفاعلك:e306: |
طيب في الايام اللي بكون في اسطنبول وهي ليلتين وين تنصحون اروح؟ لان قرات كثير و احترت مع العلم اننا بنكون ساكنين بالقسم الاسيوي. وانا ناويه ازور مول ان شاء الله ف وش ترشحون لي؟. |
افضل حل اختي انك تسكنين في فندق كروان بلازا الملاصق لمجمع فيابورت لانكم تبون تتسوقون |
اقتباس:
|
اقتباس:
|
اقتباس:
. . . شكرًا اخري ماتقصر. و الاسواق الشعبيه هل هي بعيده يعني تحتاج باص؟. ولا اقدر اصل اليها مشي :e306: |
لا الاسواق تحتاج باص او تاكسي |
اقتباس:
اقتباس:
. . . . . عندي استفسار معليش. هل تستحق اوردو الزياره اذا ايه ، انا قرأت تقرير للاخ ماجد الفهد عنها ولكن للاسف مو كاتب وين يمكن اروح فيها ما ادري التقرير كانه مو كامل، فقلت اسألكم وشكرًا مقدما. |
ايه صح كنسلت اسطنبول و فضلت زيارتها في وقت لاحق بسبب انه موسم وحر + زحمه فقلت اروح اتسوق من طرابزون وش افضل مول هناك، ووين تنصحون بالسكن ( قرب المطار ) لانها بتكون المحطه الاخيره وبعدها الى اسطنبول و من اسطنبول لديارنا ان شاء الله :49: |
تجربتي الشخصيه او بعد تجربتي اللي اشوفه مناسب ,,,,كما ذكر الاخوان السكن قريب من المطار اسطنبول ثم السفر على طرابزون ,,,ومنها مباشره على اوزنجول ثلاثه ايام مناسبه جدا ,,,ايدر يوم واحد يكفي ,,, طرابزون يومين او ثلاثه ,,,اوردو لؤلؤة البحر الاسود 180كيلو من طرابزون ,,زرتها الاسبوع الماضي ,جميله ,,هادئه,,صراحه اعجبتني ,,كان جوها بارد ,,لا اعلم عن الجو في الصيف كيف يكون ,,يوجد فيها تلفريك جميل ومطاعم ممتازه..يوجد فيها مرتفعا شامبسي,طريقها يشبه لطريق مرتفعات السلطان مراد في اوزنجول.انهار وجبال خضراء,,اذا كان الوقت يسمح اضيفي اوردو....كمايوجد فيها مطار ,, اهم شي التركيز في توزيع الجدول ,,انا بصراحه لم اوفق في توزيع جدولي,,لكن الرحله الاولى لازم من الهجوله ..نزلت مباشره في طرابزون يوم واحد ,,,ثم على اوزنجول يومين ثم ايدر يوم ,ثم اوردو يومين ...ثم من اوردو على مطار طرابزون:205: السكن في طرابزون في فندق بانجيا سويت اوتيل ,,خيار ممتاز,,,من المطار 10دقائق ,,نظيف جدا,,وسعر مناسب ,,وموقعه على الشاطئ ,ويفصله شارع عن الكورنيش ,,اطلالة الافطار في اخر دور روعه ,, اتمنى لك رحله سعيده.... تحياتي,,,, |
اقتباس:
يعني اقدر ارجع لاسطنبول من اوردو على مطار ( صبيحه تحديدا)؟. وشكرًا على المعلومات الحمدلله انا جالسه اقرا و اشاهد صور وفيديو وانا من محبين الطبيعه:e444:، اذا عن الزحمه و الاسواق فشبعنا من جدة :14: ( طيب بالنسبه لمرتفعات السلطان مراد و مرتفعات شيكرسو) تنصحوني بزيرتها كلها ولا واحد يكفي؟. |
أهلا ياسمينا طرابزون .. التسوق فيها جميل .. وأكيد لا يقارن بأسطنبول .. عندك مول الفورم ( أكبر وأجمل ) مولات طوابزون .. والأوت ليت ( بجانب النوفيتيل ) وعندك ساحة الميدان مليئة بالمحلات .. بالنسبة لفندق بانجيا الذي ذكره الأخ سهم .. فعلاً خيار ممتااااز .. إذا ناوية على أوردو ( لم يسبق لي زيارتها ) معناها راح تعيدين ترتيب جدولك .. مشكلة أوردو .. بأنها بالطريق المعاكس بمعنى أوزنجول وتوابعها من طرابزون شرقاً وأوردو من طرابزون غرباً .. إن عقدتي العزم ( النهائي ) على إدراج أوردو بالرحلة .. سنبدي لك الرأي بترتيب المسار ( بمشاركة الأحبة ) |
اقتباس:
. . . . اهلًا فيك اخوي. انا كنسلت اسطنبول و قلت اجيها بغير المواسم تفادي للزحمه و احسن و افضل:e023: . والله انا افكر ب اوردو ولكن باقي ماعزمت قلت اذا سمعت عنها مدح و تستحق الزياره بخلي رحلتي من اسطنبول عليها و تسليم السياره من مطار طرابزون. و سألت عن المرتفعات اللي في اوزنجول مرتفع السلطان مراد و شيكرسو ازورها كلها ولا اكتفي بواحد؟ والله يعطيك العافيه تعبناك معنا. :e304::e304::e304: |
كذا ممتاز ... إذا الانطلاقة من أوردو .. والعودة من طرابزون .. مرتفعات شكرسو .. لا أنصح بها .. السلطان مراد أفضل بكثيييير .. وبالعكس .. الكل هنا بخدمة الجميع .. وهذه الأسئلة والإجابات .. راح يستفيد منها من يخطط لرحلة تركيا .. تحياتي لك .. |
اقتباس:
فتحت البوكينج وانا من اول ابحث عن فنادق حجزت في اسطنبول نفس الليله الي بوصل فيها و حجزت في طرابزون بالفدق اللي رشحتوه في موضوع اخر قريب من المطار ولكن تبقى الحجز في اوزنجول فتحت البوكينج وكله ذم وسب في اغلب الفنادق!!! فقلت اخذ رأيكم ونفسي يكون مطل على البحيره او النهر :50::e437: |
انا كنت شاكن في فندق اسمه اوزكان مطل على البحيرة وقريب من المسجد شوفي موضوعي تحت وتحصلين الروابط وفندق اسكوك له موضوع بالروابط تحت بعد |
اقتباس:
. . شفته ولكن للاسف نفذ الحجز فيه. فيه فندق اتوقع اسمه طغرا و الثاني اكيوز شرايكم فيهم؟. كلها غير قابل للاسترداد لكن بحجز اخاف اني ما الاقي شي و اخاف يكون الفندق مو زين انا للامانه ما ابحث عن الرفاهيه خاصه انه بريف لكن اقلها يكون نظيف و فيه خدمات وكاني سمعت ان اغلب الفنادق لا تحتوي على تكييف فما ادري عن الجو خاصه انه عز الصيف ابي رأيككم اليوم بحجز ان شاء الله :e201: |
اختي الافضل انك تستاجرين فندق يكون الالغاء فيه مجاني وان شاء الله اخوان يفيدونك بفنادق اكثر ادخلي على قسم الفنادق بالمنتدى وراح تحصلين على تجارب الاعضاء |
اقتباس:
ولكن مازال البحث مستمر :e201: |
اقتباس:
|
لاخمهتا |
يعني شنو؟؟ |
اقتباس:
|
اذا قررتي اظافة اوردو في رحلتك .انصحك بالسكن في فندق انيمون اوردو،موقع جميل وغرف واسعه...اما بالنسبه للسكن في اوزنجول،اذا بتستاجرون سياره فيه تقرير في قسم الفنادق عن اوزن فيلا بارت،،انصحك بالاطلاع عليه،اطلالته على البحيره جميله،،لا تحتارين كثير في الفنادق فهي بتكون للراحه فقط وباقي اليوم برا،، واعتقد مجمل الفنادق النظافه ممتازه ولكن الاختلاف في حجم الغرف والاطلاله،، أرسلت من D6503 بإستخدام تاباتلك |
الساعة الآن 12:18 PM |
Powered by vBulletin® Copyright ©2000 - 2025, Jelsoft Enterprises Ltd.
Search Engine Optimization by vBSEO