|
فزعتكم للشمال التركي السلام عليكم يعطيكم العافية جميعاً باذن الله رحلتي لـطرابزون ب يوليو وبما اني اول مرة اسافر لتركيا ابي فزعتكم :20: بالنسبة للعملة ايش افضل اصرف من السعودية او تركيا واصرفها دولار او يورو او ليرة ب النسبة السواقين الي يعرف ارقام سواقين ثقات وأسعارهم زينة ياليت يفيدني ! جزاكم ربي الجنة |
أهلاً حبيبنا أبو ياسر .. وحياك وبياك بين أحبتك وإخوتك .. وعسى هالمشاركة الأولى يتلوها 1000 مشاركة الأمر الثاني .. موضوعك هذا اتركه لكل مايخطر في بالك من استفسارات .. حتى تكون مُلِم بكل تفاصيل رحلتك .. فالأحبة هنا سعادتهم بمدِّ يد العون .. بالنسبة للعملة .. الأمر بسيط جداً .. إذا تقدر تأخذ دولارات أمر جيد وتحولها إلى ليرات أكشاك الصرافة بكل مكاااااان .. حتى الريال يصرف هناك .. بل حتى بطاقات الصراف تعمل بمكائن الصرف لذلك لا تقلق بشأن الصرافة ... بالنسبة للسائق .. ( لا أعلم حقيقةً ) سبب رغبتك للسائق .. ولكن نصيحة .. إن لم يكن هناك عائق لقيادتك بنفسك .. فالقيادة هناك متعة لا توصف .. وسهلة جداً جداً ... وإن كنت ترغب بسيارة مع السائق سأعطيك مكتب يقدم هذه الخدمة .. |
هذا مكتب في فندق يالي بارك ممكن تتواصل معاه وتتفق معه http://uploads.tapatalk-cdn.com/2016...98651801df.jpg أرسلت بواسطة iPhone بإستخدام Tapatalk |
اخوي الافضل انت تصرف ليره من بلدك وتريح نفسك |
اقتباس:
يعطيك العافية يااخوي ماعندي عائق بس لاني اول مرة اروح اشوف افضل اكون مع سائق مااعرف الأماكن ولا شرايك |
اقتباس:
يعطيك العافية |
طيب افضل الأماكن تنصحون به افضل الفنادق ابي سعر مناسب |
والله يا أبو ياسر ... ستحرم نفسك متعة وخصوصية مع السائق الخاص .. الشمال التركي .. عبارة عن أرياف صغيرة جداً تستطيع بقدميك التجول بها كاملةً السيارة فقط للتنقل بين تلك الأرياف .. والطريق وااااااااااااضح جداً .. توكل على الله .. وثق بأن القيادة هي الخيار الأمثل :58: وبالنسبة للأماكن والمعالم البوابة مليئة بالتقارير المفصلة ( اقرأها باستمتاع واستيعاب ) وأعطنا تواريخ السفر وعدد الأفراد .. لنرسم معك مساراً مناسباً .. تحياتي لك .. |
سفرتي قصيرة بتاريخ ١٣ يوليو لمدة سبع ايام فقط مع العائلة خمس أفراد فقط ربي يسعدك ياخوي |
مرحبا اخوي ٧ ايام الشمال مع اسطنبول ؟ |
لا ياخوي طرابزون صراحة الا الان محتار بسالفة السيارة لو استأجر سيارة من المطار تتوقعون تكون أموري سهلة وممكن اعرف الطريق بسهولة ! اخاف أضيع وانا معاي عيلة:28: |
اخوي توكل على الله الطريج واضح وتقدر تسال اي احد يعلمك على المكان لا تخاف الوضع اسهل من ديرتك |
يعطيك العافية جنر طيب واللغة انا لغتي الانجليزية بسيطة والتركية مافية ولاكلمة:24: |
اغلبهم يتكلمون عربي بس انت اكتب كل الاماكن الي تبي تزورها بورقة بالانجليزي واذا محد عرف خله يشوف الورقة |
حياك الله اخوي ابو ياسر,, انا سافرت شهر مايو الماضي الى الشمال التركي ,,استاجرت سياره من طرابزون الى اوزنجول ,ايدر,اوردو,والعوده الى طرابزون,, الامور طيبه وسهالات,,ماعليك الا تشغل قوقل مابس وتكتب وجهتك وتنطلق بسلام,,صدقني راح تستمتع اكثر وتوفر اكثر ,,السائق بيكون معاك ثمان ساعات في اليوم بتكلفه عاليه جدا , اعتقد 120 دولار في اليوم او اكثر بينما اذا استاجرت سياره ماتكلفك 80دولار وتحت يدك طول اليوم,, قبل اسافر قرات في ها المنتدى الطيب كل شي واضح خرائط وجدول مسافات واسماء الاماكن السياحيه ,, بالنسبه للصرف فيه موضوع شامل كامل للخبير ماجد الفهد ,,انا طبقته بحذافيره وهي استخدام السحب الالي في تركيا وريح دماغك من حمل المبالغ ,,والصرافات متواجده في كل مكان في الشمال ,,ولي عوده اذا احتجت اي شي حاضرين للطيبين,, |
نسيت كمان اللغه ما تحتاجها هناك الامور ماشيه ومتحدثي العربيه كثر,,ولغة الاشاره كمان تؤدي الغرض:(127)::(127): |
السلام عليكم ورحمة الله اخوي ابو ياسر انا كنت في مايو ايضا في الشمال تركي ولكن قد قرات قبل في هالمنتدى كل مايخص المسافر ولكن عندي سوال لك هل تعرف تستخدم برامج الجي بي اس او الملاحه مثل برنامج قوقل ماب اذا لاتعرف فخذ لك سواق افضل يدلك رغم ان الاماكن مكتوبه على اللوحات بالتركي وهي قريبه من الانجليزيه نوعا ما ولكن اذا ماتعرف انجليزي ولا تعرف تستخدم القوقل ماب ومعاك عائله عشان ماتفوتك التمشيه فلافضل زي ماقلت استاجر سياره واتفق معاه على مبلغ يومي وانت تحدد بعد القراءه هنا في المنتدى الاماكن اللي تحب تتمشى فيها يوم بيوم وتريح راسك لان ممكن ماتعرف وتضيع التمشيه هذا رايي الشخصي وبالنسبه للسكن حسب معرفتي البسيطه قسمها بين طرابزون واوزونجول واذا تبغى تسكن في منطقه قبل أوف اسمها اكدزرا اظن ان هذا اسمها فيها منتجع جميل تستطيع تقضية يوم او يومين وناس تفضل ايضا السكن في أيدر ليوم ولكن انا ماشوف ان المنطقه تسكن فيها لانها منطقه صغيره تروح لها اول اليوم وترجع لطرابزون او اوزونجول لانها اظن نفس المسافه بين المنطقتين اتمنى لك اخوي ابو ياسر رحله ممتعه في ربوع الشمال التركي الجميل |
استأجر سيارة ولا تخاف كلنا فى البداية كنا متخوفين ولكن والله الامور ابسط مما تتخيل الحين مع وجود برامج تحديد المواقع تسوق فى اى مكان فى العالم وكانك من اهل هذا االبلد وخصوصا شمال اسهل مما تتخيل |
اخوي الليزر الانجليزية عندي وسط نوعا ما وبرنامج جوجل مآب اعرفه واستخدمته بكذا سفره سهل لي لكن بستاجر سيارة وتتكل على الله بس اذا ممكن افضل شركة لاستئجار السيارات ربي يسعدكم جميعا ماقصرتم معاي وان شاء الله ربي يسهل |
اقتباس:
http://www.arabtrvl.com/vb/t7447.html تجربتي كانت ممتازه وموفقه مع شركة يورب كار .. وكان حجز مباشر من المطار لان سفري كان في مايو ولايوجد زحام,,, |
يعطيكم العافية جميعا ماقصرتم لكن اذا ممكن تساعدوني في جدول سياحي يعني افضل الاماكن الي تنصحون بها في مدة 6 ايام حيث ان السكن كله بيكون بطرابزون ربي يسعدكم واتمنى مااكون ثقلت عليكم :7: |
احترت في الفنادق ي ليت الي يعرف افضل الفنادق فيها وينفع لنا كعائلة |
السلام عليكم و رحمة الله و بركاته اقترح عليك بالنسبة للسكن فى طرابزون إذا الميزانية جيدة يمكنك السكن فى نوفوتيل طرابزون novotel trabzon hotel - فندق جميل جدا لكن سعره عالى و خاصة فى الصيف . و عندك منطقة وسط المدينة بها فندق Horon hotel فندق جيد و سعره معقول بتكون قريب من الاسواق و المحلات و تطلع دقائق سيرا للشارع الرئيسى تركب الباصات الصغيرة للتنقل لاى مكان و تسمى دولمش dolmus عندك ايضا فندق Usta park hotel بنفس المنطقة و عندك شركات سياحية تركية بمنطقة وسط المدينة تنظم رحلات يومية لاوزنجول و ريزا و إيدر لكن اهم شئ تحجز مع الشركة قبل ميعاد جولتك بيوم على الاقل و دائما تكون الرحلة من الثامنة صباحا و تكلف الشخص فى اليوم الواحد تقريبا 40 ليرة تركية و يمكنك سؤال الفندق ايضا بخصوص هذه الشركات راح يساعدك . تحياتى |
| الساعة الآن 10:29 PM |
Powered by vBulletin® Copyright ©2000 - 2025, Jelsoft Enterprises Ltd.
Search Engine Optimization by vBSEO