![]() |
ساعدوني بجدول مرتب السلام عليكم بإذن الله انا مسافره لتركيا راح يكون الوصول ع مطار صبيحه الساعه1 ظهرا بتاريخ 16 وراح اسكن قريب من الفندق في 17 صباحا بيكون الاقلاع الى طرابزون وبسكن فيها يوم 18 صباحا بطلع ل ايدر وابيت فيها يوم 19 و 20بكون في اوزنجول يوم21و22 راح اكون ب طربزون وبسكن بنوفوتيل (ابي الاماكن القريبه من الفندق اللي ممكن اروح لها مساء) يوم 23صباحا رحلتي ع اسطنبول بسكن ب السلطان احمد يوم23 ويوم 24 و25 يوم 26 الاقلاع صباحا الى ابو ظبي ابي تعطوني جدول للاماكن اللي ممكن ازورها بحسب ترتيب الايام واكون لكم من الشاكرين |
بأي خطوط مسافره؟ وشو اسماء الفنادق اللي بتسكني فيها عشان استفيد من جدولك شويه |
اقتباس:
ع خطوط اتحاد الامارات ب اسطنبول فندق دوسو دوسي السلطان احمد ب طرابزون فندق النوفوتيل ب اوزنجول كيلبا ب ايدر دوقا |
بالنسبة للشمال التركي عندك القرى حيدر نبي و هامس كوي وبحيرة سيراجول فيه اماكن كثيره ومطل بوز تبه والمولات في طرابزون *** ايدر اشوف انها تستحق يوم واحد تبات فيها ما فيه ** اوزنجول وحولها السلطان مراد وشكر سو وديبمر كابي وبحيرة السمك https://pbs.twimg.com/media/Br9y220CYAAjGNA.jpg |
اقتباس:
أهلا مدام ريم جدولك ممتااز جدا ورائع فضلا عن الترتيب اكثر من مميز الجدول كالتالي راح تسكني قريب من الفندق :) قصدك من المطار ،، اوكي لا مشكلة عندك خيارين يا تروحي مول فيا بورت او تنزلي شارع بغداد وتمشية لين العشاء وهذا اللي أنصح فيه من بكرا طرابزون ( حيد نبي أو ميتشيكا ، همس كوي وزيقانا ) آيدر ( الساحة ، التجديف ، الحمامات ، الألعاب المائية فوق النهر ) اوزنقول ( بحيرة السمك ، مرتفعات حيدر نبي ، فعاليات بحيرة اوزنقول ) طرابزون ( مول فوروم ، مول طرابزون ، ساحة طرازون - اتاتورك ، مطاعم الكورنيش في طرابزون أو اكشبات ) إسطنبول فعاليات السلطان أحمد ( المساجد والمتاحف وغيرها ) السوق المصري ، قراند بازار ، برج غلطة ، أورتاكوي ، فيا لاند لو معاكم أطفال ، الأسواق بشكل عام ، برج سفير ، وغيرها كير بحسب وقتكم الضيق جدا وبالتوفيق ورحلة ماتعة بحول الله |
ماقصروا الاخوان وفيما يخص اسطنبول هذا جدول لأهم الاماكن السياحية على حسب قربها من بعضها http://www.arabtrvl.com/vb/picture.p...&pictureid=162 وهذا موضوع عن السلطان احمد وماحول http://www.arabtrvl.com/vb/t7394.html وهذا مطعم عند مسجد السلطان احمد اكله لذيذ اسمه مطعم الشعلة Mesale Cafe Restaurant http://www.arabtrvl.com/vb/picture.p...ictureid=16846 http://www.arabtrvl.com/vb/picture.p...ictureid=16847 |
الشباب ماقصروا في الردود بس اشوف السكن في طربزون و تنقل الى اوزنجول و التنقل الى ايدر ماله داعي وهم قريبين من بعض مثلا السكن كله في طربزون و الذهاب الصباح الى اوزنجول و العودة المساء وهكذا مع ايدر كثرة التنقلات مرهقه |
الفراهيدي وزهرة نيسان واخ ماجد الفهد يعطيكم العافيه ماقصرتو واخ ماجد القطري انا خلاص حجزت الفنادق ان شاءالله ربي ييسر ويكون كذا احسن |
ان شاء الله موفقين الله ييسر امركم |
الساعة الآن 01:38 PM |
Powered by vBulletin® Copyright ©2000 - 2025, Jelsoft Enterprises Ltd.
Search Engine Optimization by vBSEO