|
ممكن تختصرولي اسطنبول في 4 أيام؟؟؟ السلام ة عليكم و رحمة الله و بركاته قررت انا و زوجي المصون بعد 12 سنة زواج أنه نسافر اسطنبول . و بحكم انه عندي طفل صغير راح اتركه هنا في جدة فخليناها سفرة خطافية سريعة 4 أيام فقط لعلنا فيها نقدر نغير جو و نتمشى و نتعرس شوية :54: فأتمنى تساعدوني و جزاكم الله خير.. تاريخ السفر بإذن الله 7 اغسطس يوم الأحد من مطار جدة 6 و نص الصبح الى مطار اتاتورك اسطنبول 10 و نص الصبح و العودة : 11 اغسطس يوم الخميس الساعة 8 مساءا و الوصول 12 مساءا بإذن الله الفندق عند محطة السلطان أحمد اسمه فندق أنثيميس أول يوم بعد ما نوصل الفندق و نريح حنبدأ برنامجنا فعليا على 1 و نص او 2 الضهر 1)بليز رتبولي جدول محححححترم بحيث أزور اسطنبول كلها...ياليت تجمعولي الأشياء القريبة من بعض عشان ازورها في وقت واحد لانه الوقت ضيق زي ما انتو عارفين.. فأبغى استغل الوقت مزبوووط... 2)وعندي كم سؤال الله يسعدكم: #متحف توبي كابي يوم ايش يكون مغلق و كم يستغرق من الوقت عشان ألفه كلله؟ #و تشاملجا هل هوة نفسه مطعم بيروتي اللي عند التلفريك و لا ايش؟؟؟ انا ملخبطة و أيهما أحلى تشاملجا و لا بيروتي؟؟؟ # خزان الماء هل يستحق الزيارة؟؟؟ #قصر دولما باشا هل يستاهل الزيارة؟؟ #فيه حديقة فيها تلفريك اسمها ماتشكا.. تساهل و لا لا؟؟؟؟؟ #شوفت توقعات الجو راح يكون 28 و 29 درجة مئوية.. هل يعني حرررر لا يطاق:12:؟؟؟؟؟ #زوجي لو راح الحمام التركي كم يستغرق من الوت عشان يخلص؟؟ و لما يروح فين انا ممكن أقضي وقتي في مكان آمن و ممتع خاصة اني منقبة؟؟؟ لواستحضرني سؤال اخر راح اكتبه... |
اقتباس:
اقتباس:
|
وعليكم السلام هذا جدول سياحي 6 ايام في اسطنبول لكن ادمجي اليوم الاول مع الثاني بما انك ساكنة في السلطان احمد واليوم السادس خليه ليوم العودة لان رحلتكم المساء تقدرين تطلعين الصباح http://img01.arabsh.com/uploads/imag...444a60f101.png مواعيد اقفال بعض الأماكن السياحية http://www.arabtrvl.com/vb/picture.p...pictureid=6877 بيرلوتي وخزانات الماء للي وقته قصير لا تستحق الزيارة بدال عنها روحي اولوس بارك (مطعم وحديقة مطلة على البسفور) قصر دولما باشا انا عني ما احب القصور وبرنامجك مافيه منطقة اورتاكوي منطقة تستحق الزيارة الجو في اغسطس حاااااار |
ما شاء الله الأخوان ماقصروا معاك بالتوفيق ورحله سعيده للديار العثمانيه |
مرة شكرا افدتوني جزاكم الله خير,.... طيب بالنسبة للحدايق... ايش رايكم في حديقة يلدز؟؟؟ فكرت ازورها بعد ما اروح قصر دولما باشا.. اذا كانت ما تستاهل الزيارة قولولي لانه ما ابغى اضيع وقت... شوفت غابة تانية كبيرة اظن اسمها اورغان شي زي كدة شفتها عالخريطة مررررة بعيدة هل تستاهل المشوار؟؟؟؟؟ و كمان بالنسبة للمولات..هل لو ماااا زورتها راح يفوتني شي كتير؟؟؟؟؟ لانه بصراحة مالنا نية للتسوق دوبنا خارجين من العيد مقضيين ملابس و كل شي و ايش رايكم في ميني تورك؟؟؟؟؟ معليش قاعدة اسأل بالتفصيل لانه زي ما انتو عارفين في اماكن تكون بعيدة و المشي كثيييير فما ابغى بعد ما اتعب و اوصل لها الاقيها مو حلوة او ما تستاهل التعب:24: و سؤال مهم جداا: او ابغى اغير موعد حجز الطيران عالخطوط التركية؟؟ ايش الاجراءات ؟؟ و كم ندفع غرامة؟؟؟ و كيف اعرف انه حجزي مسترد ام لا |
اقتباس:
|
انا اشوف ان وقتك قصير مو ضروري تروحين الحدائق والمولات ومني ترك احسها تناسب الاطفال اكثر من الكبار |
| الساعة الآن 02:31 AM |
Powered by vBulletin® Copyright ©2000 - 2025, Jelsoft Enterprises Ltd.
Search Engine Optimization by vBSEO