|
رحلتي في يناير الى تركيا ارجو المساعده السلام عليكم ورحمه الله وبركاته اريد السفر الى تركيا في شهر يناير من يوم 12يناير الى 22يناير وش المدن المقترحه الي تنصحوني اروحها العدد زوجين وطفله وهل تنصحوني احجز من مكتب ولا عن طريق بوكنق |
عليكم السلام الجو في تركيا في شهر يناير بارد والدنيا ثلج اكتفي بزيارة اسطنبول فقط وفيه منطقة اخرى اسمها سبنجا ممكن تروح لها والباقي ما ينفع الجو بارد خصوصاً الشمال وان شاء الله الاخوة والاخوات خبراء تركيا يفيدوك اكثر مني |
شكرا ع اقتراحك انتظر رايي البقيه |
انا سافرت بشهر يناير من سنه ونص .. البرد كان مش طبيعي خصوصا بالليل مع ثلوج كنا ندور اي مكان فيه شوية شمس من البرد بدون مبالغة بالليل وصلت درجة الحرارة 7 تحت الصفر تاريخ 8 يناير .. بس للأمانة الثلج جميل والتجربة حلوة يعني لو تكثفون باللبس خصوصا ان معاكم طفلة ما راح تعانون بأذن الله بالنسبة لي كنت بروح بورصا بس قالولي ان صعبة بالعبارة لأن الموج كان عالي فخفت خصوصا ان انا بديرة غربة وما ادري لو رحت شلون برجع اما اسطنبول رائعة بالشتاء جدا جدا جداااااا بس مثل ماقلت سابقا ان البرد بيكون عائق بسيط احجزوا الفندق قبل لا تطلعون من ديرتكم واخذوا العنوان بالضبط وبس توصلون اخذوا وسيلة المواصلات المناسبة للعنوان وافضل منطقة بنظري ( شيشلي ) جنب تقسيم وهادية جدا وبالتوفيق ورحلة سعيدة بإذن الله |
في هذا التوقيت زيارة اسطنبول وبورصا اذا كنت حاب تستمتع بالثلوج في جبل اولداغ اسطنبول ممتعه في جميع الأجواء الأهم الملابس للطفل ولكم |
العام الماضي كنت برأس السنة بإسطنبول الجو بااارد لكن اذا أخذتوا احتياطكم مايعيق اهم شي اول ماتوصلون اشتروا من هناك بوتات للثلج لان المشي بيكون متعب اذا شوزاتكم عادية او رياضية والجاكيتات المخصصة للثلج او المطر ضرورية ولا تنسين الأدوية للاحتياط خاصة ان معكم طفل مضاد خافض حرارة فيتامين سي قطرة للأنف او بخاخ وان شاء الله تستمتعون انا افضل السكن في بايزيد بالنسبة لي انسب مكان |
اسطنبول رااااائعه بالشتاء الجو بارد يحتاج لَبْس ثقيل وبالنسبه للطفلة اذا تحتاج عربيه يفضّل تأخذين كفر بلاستيك لعربيتها تعزلها بالإمطار وبنفس الوقت تخفف شوي من بروده الجو بورصه مناسبه بهالوقت تطلعون لجبل الالوداغ وتتمشون فيها تكفيها يومين الى ثلاثه الحجز برأيي بوكينج حلو الا بحاله حصلتو الأسعار اقل بمكتب ممكن تأخذون منه |
ربي يعطيكم العافيه ع ردوودكم وربي فرحت لمن شفت تفاعلكم لانه بجد احس اني بسافر لاول مره واحس بخوف وتردد المهم انا غيرت موعد الرحله ل 5 ديسمبر لمده عشره ايام ايش رايكم بذا الشهر هل هو اقل بردوه من يناير وايضا اذا عندكم خرائط لترام والمترو والباصات ارسلوها لي والله يجزيكم خيير انا كلمت مكتب قالي يبي اليوميه ب 100 دولار في اسطنبول وفي بورصه ب 150 دولار اليوميه والذهاب والعوده من المطار 50 دولار ذهاب و 50 دولار رجوع للمطار الذهاب والعوده من البورصه الاجمالي 325 دولار احس الاسعار مره مبالغ فيها وش تنصحوني ؟؟ |
اقتباس:
اقتباس:
هذا موضوع للمواصلات من اعداد مشرفتنا المتألقه وبحط لك روابط شرح لأستخدام المترو والترام سهل جداً جداً اقتباس:
توصل 150 دولار اقتباس:
توصل 150 ليره اذا كنت من مطار صبيحه بالنسبة للعوده من المطار اطلب تاكسي من الفندق ويوفر لك وهو الأفضل لا تتعامل مع الشركات في التوصيل للمطار الفنادق توفر سيارات كبيره فان اقتباس:
لبورصه وسابانجا وغيرها من المناطق القريبه ياخذونك من الفندق وترجع للفندق والأسعار متفاوته مر على اكثر من مكتب وشوف الأسعار والأقل اطلع معاه |
اقتباس:
للأمانة .. انا التكاسي والنقليات كلش ماجربتها بتركيا الا مرتين وللضرورة اعتمدت على المترو والترام وغيره اسهل وافضل وارخص واوضح يعني بالمترو فيه خريطة موضحة وسهلة اكتبي بقوقل خريطة مترو اسطنبول راح تكون واضحة وفيه خرايط لأهم المعالم وبالضبط طريقة الوصول اليها نصيحة خلي التكاسي لـ داخل الاحياء فقط لو ضيعتوا اما من منطقة لمنطقة مترو احسن الشخص 4 ليرة وبالنسبة لأسعار بورصة ذهاب واياب مبالغ فيها لان هالفترة يكون مافي اقبال افضل لج بالعبارة واسهل |
| الساعة الآن 01:28 AM |
Powered by vBulletin® Copyright ©2000 - 2025, Jelsoft Enterprises Ltd.
Search Engine Optimization by vBSEO