|
مسافره قريب وابغى رايكم السلام عليكم احنا عائله اثنين كبار وطفلين مسافرين على تركيا بتاريخ 28مارس والعوده 9 ابريل وصولنا حيكون على مطار صبيحه وبعدين حناخذ طيران داخلي وعلى طرابزون فكيف بوزع الايام بالشمال وهل تنصحوني اقيم ببورصا ولا اخليها زياره يوم واحد لاننا نبغى الثلوج بجبل الالوداغ الله يسعدكم ابغاكم ترشحون لي افضل الفنادق بازنجول وايدر وطرابزون اسطنبول اخليها كم ليله واش اقضل منطقه اسكن فيها وكمان ابغى اسكن باسطنبول بفندقين مختلفين بحيث كل واحد يكون قريب من اماكن سياحيه وتسوق ساعدوني |
أتمنى لكم سفرة ممتعة بس اعتقد جبل اولداغ ببورصه وليس طرابزون |
اهلين وسهلين فيك فيه نقاط لابد تكون بالحسبان رحلتكم لأسطنبول مباشره من بلدكم او تكون قبلها رحله وثاني شي ما هو وقت وصولكم الى اسطنبول وهل تكون معكم سياره في طرابزون وما هو الفندق المقترح لكم بالنسبة للتقسيم طالما تريد الذهاب مباشره 2 طرابزون 2 اوزنجول 1 ايدر 1 اوزنجول بقية الأيام في اسطنبول افضل مكان للسكن يكون في سيركجي وفيه اكثر من فندق ورأيي تسكنون في فندق واحد مدتكم قليله والأستقرار افضل من الفنادق المميزه في سيركجي دبل ثري ,,,, امباير سويت .... وفيه مناطق كثر ادخل بوكنق واكتب فنادق سيركجي وشوف الأسعار وبنساعدكـ بالنسبة لبورصه طالما سفرتكم مدتها قصيره افضل يوم ذهاب وعوده مع احد الشركات السياحيه من الفندق للفندق |
جزاكم الله خير على الرد الرحله مباشره نوصل اسطنبول على الساعه 1 الظهر تقريبا من طرابزون حنستاجر سياره بس السوال اش احسن فندق بازنقول ابغى شي نظيف وراقي من تجاربكم احنا اول مره نسافر تركيا وبسال عن بورصا جبل الالدواغ حيكون فيه ثلوج اول مارس او لا |
اقتباس:
بالنسبة لطرابزون وصولك راح يكون على المغرب او حوله افضل اسكن في طرابزون والفنادق كثير وتعتمد على الميزانيه وممكن نرشح اكثر من فندق لك وراح تحصلون ثلوج في اوزنجول والمرتفعات حولها وكذلك في بورصه راح يكون فيه ثلوج بالنسبة للسكن في اوزنجول وقت وصولك ليس بالموسم لذلك يفضل السكن مباشره وطالما معاك سياره تتمشى على الفنادق وتشوف اللي يناسبك ودائم المطله على البحيره يكون سعرها اعلى وانا افضل السكن بعد البحيره في فندق ماي هوم و فندق انان وفنادق كثير حلوه لكن يبقى السعر المباشر افضل بكثير لكم |
اعتقد بأن الإكتفاء بزيارة اسطنبول وماحولها أفضل من أجل الإستمتاع بالرحلة ...... واقصد زيارة بورصه و يلوا و سبنجا و الأستمتاع بالثلج في بورصة و سبنجا(مرتفعات كارتبيه).... اما الشمال فسيكون بارد جدا..... ورحلتكم قصيرة واذا سافرتم الى طربزون فستخسرون حوالى اربعة ايام في التنقل بين المطارات.... اذا وافقتم على اقتراحي فسارشح لكم فنادق و اماكن للزيارة وبالله التوفيق |
انا مع اخوي الدوسي ما انصح تروحون الشمال التركي (طرابزون ) الاجواء بارده وثلج خصوصا معاكم اطفال والشمال التركي غير مهيأ للسياحة الشتوية |
يعطيكم العافيه عَلى الرد صح كلامكم الشمال بارد بس نحن هدفنا من الرحلة رؤيه الثلوج والتمتع بها والآن نفكر بهذا الجدول وأعطونا ارائكم طرابزون 2ليله ازنجول2ليله أنطاليا 3ليال اسطنبول5ليال وسنزور بورصه يوم واحد من اسطنبول |
اختي الشمال التركي غير مهيأ للسياحة الشتوية يعني ما فيه تلفريك ومنتجعات شتوية الافضل بورصه مع جبل كارتبه ولكم الخيار |
مافي طيران مباشر من الشمال الى انطاليا لازم ترانزيت بإسطنبول انا من رأي الاخوان اسطنبول وبورصا وسبانجا وبتحصلون الثلوج رحلة موفقة |
اقتباس:
نعم اختي ياسمين يوجد طيران على سن اكسبرس من طرابزون الى انطاليا |
بالتوفيق ي اختي ع السفرة ان شاءالله استفسار عاجل ي اخوان لاهنتوا ؟ كم المصروف اليومي في اسطنبول التقريبي ؟بالليرة ؟ انا عارف انها تفرق من شخص لشخص بسس حوالي كم تقريبا مع استخدام المواصلات العامة |
اقتباس:
على عدد الأشخاص ونوعية المطاعم ممكن تصرف 100 وممكن تصرف 500 وعلى حسب المزارات السياحية اللي حاب تزورها |
اذا قلت اخوي عدد شخصين انا وزوجتي والمطاعم تكون عادية ومتوسطة واكيد المزارات راح ازورها بحكم اني اول مرة ازور اسطنبول |
اقتباس:
يعني تكاليف دخول المتحف الواحد للشخص 50 ليره وفيه متاحف 25 ليره بالنسبة لاقل مصروف ممكن تصرفه لشخصين 200 ليره يوميا من غير الفندق والتاكسي لانك تمشي وتاكل :24: |
الله يعطيك العافية اخوي هل ٣٠٠ الى ٤٠٠ ليرة تكفي في اليوم استخدام المواصلات العامة |
اهلين وسهلين فيك الأفضل سوي جدول وحدد الأماكن اللي تبي تروح لها وتعرف اسعارها من الأماكن السياحيه يبقى المترو والترام ما يتعدى باليوم 20 ليره يتبقى المطاعم واذا كانت متوسطه ممكن تتعشى بـ 100 واقل |
العشا والغدا والحلو والقهوة والعصير والذرة والسميت والكبه :62: يبيلها مصروف |
اقتباس:
معلومة جديدة علي جزاك الله خير :e304: |
خبراء تركيا الكرام الحمدلله حجزنا بإسطنبول 3ايام بسركجي فندق دبل ثري و3ايام بششلي فندق ماريوت بس حابه ترشحون لي الأماكن السياحية وطرق الذهاب لها بالمترو من كل فندق وبنفكر نطلع يوم الي سبانجا أو معشوقيه اش الأفضل نختار منهم الله يسعدكم ابغى مساعدتكم |
اقتباس:
الفنادق ممتازة وقريبة منها معالم كثيرة شوفي هذا الموضوع بخصوص التنقل https://www.arabtrvl.com/vb/t9306.html بالنسبة لرحلة سابنجا ومعشوقية هي رحلة وحدة راح تزورون الاثنين لانهم جنب بعض |
| الساعة الآن 01:46 AM |
Powered by vBulletin® Copyright ©2000 - 2025, Jelsoft Enterprises Ltd.
Search Engine Optimization by vBSEO