|
خبراء تركيا فزعتكم احتاج ترتيب لرحلتي في أبريل السلام عليكم ورحمة الله وبركاته أول شي ابغى اشكركم فرد فرد على كثر مااستفدت منكم الله يجزاكم خير محبين الخير لنفسكم ولغيركم الشغله الثانيه احنا عائلة مكونة من 4 اشخاص انا وزوجي وبنتي وولدي هذي اول مرة اروح فيها لتركيا فخبرتي فقط اللي اسمعه انا حجزت لتركيا من 9 ابريل ل20 ابريل باذن الله حاطة ببالي اكون باسطنبول لين يوم 14 ابريل بعدها نمشي لاوزنغول الى 19 ابريل وبعدها ارجع لاسطنبول اقضي باقي اليوم ومن بكرة عالمطار هل التخطيط سليم ؟؟ ماعندي اي خبرة بالشوارع والاحياء كل اللي اعرفه اني ابعد عن منطقة تقسيم ماعاد تنبغى الاماكن اللي شدت انتباهي هي منطقة السلطان أحمد << هل هي آمنة ومناسبة ؟ افكر في السكن فيها خصوصا اني من النوع اللي احب اوصل لاكثر من مكان مشي عالاقدام ايش المناطق اللي حول جامع السلطان احمد واقدر اوصلها مشي ؟ فيه شقق فندقية لفتت انتباهي فندق فيرمان - سبيشال كاتيغوري ظپظ†ط¯ظ‚ ظپظٹط±ظ…ط§ظ† - ط³ط¨ظٹط´ط§ظ„ ظƒط§طھظٹط؛ظˆط±ظٹ (طھط±ظƒظٹط§ ط¥ط³ط·ظ†ط¨ظˆظ„) - Booking.com فندق غاردن هاوس https://www.booking.com/hotel/tr/gar...al&type=total& الاماكن اللي عرفت عنها باسطنبول راح اكتبها لكم وقولوا لي رايكم وكيف اسوي لها جدول مرتب بحيث اني اروح للي قريبات من بعض بنفس اليوم مضيق البسفور فيالاند السوق المصري بحيرة سبانجا الينابيع الساخنه القرن الذهبي منطقة مينومي <<< كثير يمحونها ومو عارفة بايش تتميز منطقة ايوب موقع الحرب لفتح القسطنطينية حديقة جولهانة هذي الاماكن اللي اعرفها بس مااعرف وين مكانها وايش اللي يسوى اروح له فعلا وكيف ترتيب روحتنا بالاضافة لاوزنغول ماعندي خبرة ايش الجدول اللي بيكون فيها مدة 4 ايام وايش افضل خطوط داخليه اروح لها بسعر معقول ؟ وافضل طريقة لاستئجار سيارة باوزنغول ؟ بليز انتظر فزعتكم معي |
عليكم السلام ورحمة الله وبركاته... اتمنى لكم ووقت ممتع ,ووقت سفرك ممتاز راح تستمتعون بمهرجان التوليب في اسطنبول..المهم الان ان تتخذي خياراتك لان وقت السفر قرب .. انا راح اعطي رايي المتواضع ,, مدة رحلتكم 11 يوم وهي فتره قصيره نسبيا لزيارة الشمال واسطنبول ..ولكن ليست مستحيله انا اشور عليك مخطط رحلتك يكون 6 ايام الشمال,و4ايام اسطنبول..اول يوم الوصول لاسطنبول والبقاء فيها يوم الوصول والسكن بالقرب من المطار وتزورون حديقة فلوريا وتستمتعون ثم اليوم الثاني رحله الى طرابزون والبقاء فيها يومين ثم الاتجاه الى اوزنجول 3 ايام كافيه جدا لاوزنجول وما جاورها .... ثم العوده من طرابزون لاسطنبول والاستمتاع بقية الايام,, بالنسبه لمنطقة السلطان احمد من اجمل مناطق اسطنبول وقلبها النابض بالتاريخ وان شاء الله امان ولافيه خوف في جميع الاماكن,,لايغلبك التخوف من الامن ولايشغل بالك .. السكن يكون في السلطان احمد او امينينو كلها قريبه من بعض وتستطيعين الوصول لكثير من المزارات مشيا على الاقدام.. بالنسبه لترتيب زيارة الاماكن في اسطنبول فيا لاند ومنطقة ايوب والقرن الذهبي قريبه من بعض ,,,, منطقة امينينو والسوق المصري وجسر غالاطه والسليمانيه وكاراكوي قريبه من بعض ,,, ايا صوفيا وجامع السلطان احمد وحديقة جولهانه بالقرب من بعضها,,, البسفور وقصر دولما بهجه و اورتاكوي ورحلة البسفور في نفس الاتجاه وكذالك المولات يمكنك التخطيط لزيارتها واضافتها لجدولك للتسوق.. ولك حرية ترتيب الجدول والايام وتوزيعها ...المهم تحديد تقسيم ايامك بين الشمال واسطنبول خاصه وان وقت سفرك قريب جداااااا.. بالنسبه لبحيرة سابنجا والمياه السخنه في بورصه من رائيي ان الوقت لايسمح بزيارتها وراح يكون فيه تعب عليكم وعلى الاولاد بكثرة التنقلات,,, استئجار السياره يكون من مطار طرابزون,,والطيران في الطيران التركي وبيقاسوس الاقتصادي واطلس جيت فيه موضوع للميز ماجد الفهد لطريقة الحجز https://www.arabtrvl.com/vb/t1265.html ,,, تحياتي,,:e307: |
اقتباس:
|
اهلين وسهلين فيك اول نقطه وهي مهمه لازم تقرا من التقارير الموجوده وتشوف الأماكن اللي زاروها الأعضاء وكيف طريقه الوصول انا لما بتكلم لك الأن ما توصل المعلومه بشكل كافي بينما لما تقرأ 3 - 4 تقارير ترسم عندك فكره كبيره والفرصه امامك ومعاك وقت بالنسبة للفنادق اللي مختاره مواقعها سئيه لأنها تقع في منحدرات وتحتاج مشي صعود اذا بتوصل للمنطقه التاريخيه الجامع الأزرق وغيرها ممكن نكتب لك فنادق بأسعار مميزه بس الأهم كم الغرف وكم السعر .. بالنسبة للطيران الداخلي عندك اونر اير وفيه موضوع مثبت بطريقه التسجيل والشرح لخبيرنا ماجد الفهد هنا سعرهم رخيص واكثر من رحله باليوم https://www.arabtrvl.com/vb/t1265.html بالنسبه لحجز السياره بالشمال التركي من المطار المطلوب جواز سفر ورخصه ساريه المفعول واحيانا يطلبون فيزا بس اذا رفضت يقبل كاش ما عنده مشكله وهو الأفضل للتأمين اوزنجول بها ثلوج الأن كنت اتابع شخص متواجد هناك بالسناب والثلوج مستمره والحياه شبه معطله بها اذا كنتم من محبين الثلوج ممتاز بالنسبة لحجز الفنادق بأوزنجول لا تحجز الأ بعد ما توصل الخيارات كثيره والأسعار ارخص من بوكنق ارجع واكرر لابد من قرائة التقارير ضروري جداً وبعدها اطرح استفساراتكـ |
هذه مجموعه من التقارير اطلع عليها https://www.arabtrvl.com/vb/t14342.html https://www.arabtrvl.com/vb/t9273.html https://www.arabtrvl.com/vb/t5315.html وفيه تقارير كثيره موجوده |
اختي بالنسبة لازنجول الجو راح يكون بارد جدا والخضار ليش كما هو متوقع انا السنة الماضية وصلت يوم 23 ابريل ويوم 21 نزل ثلج وممكن تكون المنطقة بيضاء ولا راح تستفيدوا شي وممكن ما ينزل ثلج الله العالم الافضل انا اشوف انكم تروحون سابنجا ويلوا وبحيرة ابانت |
اقتباس:
طيب كيف طريقة الذهاب ليلوا وكم يوم افضل للجلوس فيها ؟ |
اقتباس:
طيب بالنسبة لبورصة كم تحتاج من يوم ؟ وكيف اعرف الجو وطريقة الذهاب اليها ؟ |
اقتباس:
|
اقتباس:
الغرف غرفتين والسعر ماابغى اتعدى 400 ريال بالليلة بالكثير |
اقتباس:
|
اقتباس:
كيف اعرف ان الاوتيل موقعه ممتاز ومافيه طلعات ونزلات ؟ |
نصيحة خليك على اسطنبول عشان تعطينها كامل حقها واطلعوا يوم لسبانجا وارجعوا بنفس اليوم شيكي على فندق سكاي كيمر البوتيكي فيالاند تحتاج يوم مع المول الملاصق لها ومنطقة ايوب والتلفزيك الفندق قريب من كل شي ومحطة الترام خطوات روحي تقسيم واستمتعي لكن كوني حذرة رحلة موفقة |
رفع |
اقتباس:
منطقة يلوا تحتاج اقل شي يومين الى 3 ايام والسكن في المنتجعات الجبلية الجميلة واشهرها منتجع بغداد |
مثلما ذكر الاخوان وقت رحلتكم اوزونجول برد وايضا مدة الرحلة قليلة خليكم على اسطنبول وما جاورها او انطاليا بامكانكم زيارة يلوا والعودة بنفس اليوم بالعبارات من ينيكابي وبعدها الاتجاه الى منطقة التيرمال الجميلة والعودة بالليل لاسطنبول. |
اقتباس:
|
اقتباس:
ماحصلت رابط المنتجع على بوكينق اذا عندك الرابط بليز |
|
اقتباس:
|
اقتباس:
وفيها نوادي ليلية يرتادها السكارى وفي الليل خصوصاً تجنب المرور بالازقة الضيقة وأبعد عن التجمعات وانتبه من الاخوة العرب لا تحادث احد ابداً خصوصاً في تقسيم |
اقتباس:
قبل كل شي اوزنقول الغيها من المخطط لان الجو بارد جداً وما زلت هناك ثلوج اسطنبول لو حصل واقول لو حصل ولقيتي حجز على فندق راديسون بلو او ذا هاوس في منطقة اورتاكوي بيتنبسطون لانها منطقة حيوية وسياحية رائعة (( على البسفور الفنادق )) وهناك مطاعم ومحلات كلها على البسفور في منطقة اورتاكوي وجميع المناطق السياحية قريبة منك وانا اقترح عليك يا تروحون سبانجا وتقريبا عن اسنطبول 130 كيلو تروحون الصباح وترجعون لا غابت الشمس تتمشون هناك بالبحيرة وبالجبل او بورصة بس بورصه بعيده لازم تركبون عبارة ومن عبارة تكملون بالسيارة عكس سبانجا واذا تبون رقم سواق ممتاز وامين يوديكم لسبانجا علميني هنا وابشري بالنسبة للاماكن السياحية باسطنبول كثيره جدا ومنها السلطان احمد فيه المسجد وقصر توب كابي (( مقر السلاطين العثمانيين )) وفيه الان هناك بحديقة القصر مهرجان زهور التوليب في حديقة جولهانه وفيه متحف ايا صوفيا وقريب منهم قراند بازار (( سوق شعبي فيه كل شي يخطر على بالك )) وقريب منهم السوق المصري (( سوق للبهارات والمكسرات والحلويات )) فيه اكواريوم اسطنبول بمول اكوا فلوريا فيه ملاهي فيالاند فيه متحف الشمع جديد وتوه فاتح اسمه (( مدام توسو )) وفيه مصنع الشوكولاته ومتحف الشوكولاته الاماكن والمطاعم كثيرررررررررررره وكثيره جدا جدا جدا يبي لك بس تنسقين كيف تروحون للاماكن مع تاكسي او اوبر او سواق التكسي لعاب ونصاب ومحتال ولكن يمشي الحال اوبر ممتاز جدا والسعر واضح جدا وحسب كلامك ان عددكم 4 والسيارة تكفيكم بالراحة السواق نوعاً مكلف ماديا اذا كل يوم بيكون معكم فيه تطبيق ممتاز ورائع جدا لاسطنبول اسمه (( دليل اسطنبول )) دليل شامل وكامل للاماكن السياحية والاسواق والمتاحف وكل شي يخطر على بالك حمليه للجوال واستفيدي منه |
اقتباس:
رجاء عطني رقم السواق وشكرا جزيلا لك بالنسبة لسبانجا بحثت عن صورها مالقيت طبيعتها رائعه مثل اوزنجول وانا ابي يومين عالاقل منطقة ثلوج للاطفال او عالاقل منطقة شلالات بخضار اوروبي و الخضار الاسيوي الاشهب |
سبانجا وشلالها والبحيرة جدا رائعة وانت وذوقك |
السكن في تقسيم افضل من وجهة نظري من سنويا واحنا نسكن في تقسيم وبنفس الفندق مع الأسرة والأولاد وهي مركز المواصلات لكل المناطق -ما شوف الخطورة والقلق يا جماعة |
اقتباس:
حقها نص يوم او يوم كامل اذا تبون استرخاء بحيرة + شلالات + جبل كرتبه بخصوص الثلج ما اقدر افتيك هل ما زال موجود او لا بصراحة لكن خوذي لفة بتويتر وابحثي عن سبانجا او صبنجا او صابنجا وتفرجي رحت لها مع السواق وداني من الساعة 9 الصباح ورجعنا 8 الليل لاسطنبول استمتعت جدا انا وزوجتي مكان هادي وريفي ومناظر طبيعية طبعا السواق ودانا ب200 دولار طبعا البنزين عليه تقريبا750 ريال يعني تقريبا 750 ليره سيارته كبيره واسعه مرسيدس ممنوع ارسال ارقام السواقين والشركات طبعا اذا جيتوا تتفاهمون معاه ارسلوا له واتس اب رسالة صوتيه بالعربي لا تكتبون له لانه ما يكتب عربي ولكن يتكلم عربي واي استفسار عن تركيا واسطنبول مطاعم اسواق لا يردك الا لسانك |
اقتباس:
أخي الكريم تقسيم منطقة حيوية وعصرية وكل المناطق في أنحاء تركيا والعالم فيها سقط القوم من جميع الأجناس وفيها أحسن القوم من جميع الأجناس . النوادي الليلية في الأزقة الضيقة ويرتادها الأشخاص اللي تبحث عنها مو اللي رايح سياحة يسحبوه للنادي الليلي أو يعترضوا طريقه السكارى ,,,,؟؟؟؟؟ هذه معلومة خاطئة . بالعكس تماماً شوارع تقسيم الرئيسية ومنطقة الفنادق آمنة جداً جداً وكلها أمن وأمان . وحتى أماكن المطاعم والكافيهات نفس الشي . أما بالنسبة للإخوان العرب ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ ليش ينتبه منهم يا أخي العربي ,,, أنا واجهت مشاكل وصعوبات كثير وماحد حلها إلا إخوان العرب في منهم السيئ وفي الكويس لكن مايصير تقول انتبه من الإخوة العربياأخي العربي ,,, احنا عرب و إخوان يا بشر ياناس .,,,,, واللي يبحث عن الخير يلاقيه ,,, واللي يبحث عن العاطل كمان يلاقيه واللي يكون مو عارف شي ويجيه أحد ويضحك عليه ,,, أنا برأيي ينتبه ويعرف كيف يتعامل ,,,, ما يكون غشيم ومع احترامي للجميع وشوف الخطأ ويتبعه ,,,, اعذرني على الإطالة وعلى كثرة الكلام لكن أنا خبير بتركيا وخبير بالتعامل مع كافة أصناف البشر وأهل مكة أدرى بشعابها ومايصير تخوف حضرتك الناس من العرب لإنهم إخوتنا وبسبب كلامك وكلام كثير مثلك الأمة العربية فشلت . تقبل تحياتي وأرجوا منك أن تفهم معنى كلامي بروح رياضية وطيبة أخوك النعيمي |
حصل خير اخوي النعيمي اخونا الهلالي اكيد كان يقصد البعض السيئ منهم وليس كلهم |
اقتباس:
طبعاً ياغالي والله أعرف لكن حبيت وضح الفكرة والصورة وعموماً شكراً جزيـــــــــــــلاً لك ياغالي وتحياتي لك ولجميع الإخوة أعضاء وزوار:e022::e022::e022::e022::18::18::6::6::6: |
اقتباس:
للاسف ماطلع لي الرقم اذا بالامكان ترسلة رسالة خاصه اكون لك شاكرة |
اقتباس:
|
السلطان احمد كتير حلوة و هادئة مسائا من ناحية الامان ايوا هي امنة قريبا على الاماكن السياحية و تقدري تروحيهم مشي على الاقادام عندك متل حديقة جولهانة و البازار الكبير و السوق المصري و طبعا ميدان السلطان احمد حتى هي قريبة على تقسيم نوعا بتروحي بالميترو اقل من خمس دقائق بتكوني بميدان تقسيم اما لبحيرة سبانجا بتحناج سيارة خاصة لتروحي على راحتك و هنيك في البحيرة و غابات المعشوقية في بالمنطقة هنيك لعبة الزيبلاين و متور الدباب مرا حلوين اوزونجول يفضل تجلسي ضمن اكواخ لتعيشي مع الطبيعة بشكل اكتر و احلا |
:e304: |
:e204: رحلة سعيدة |
اقتباس:
|
| الساعة الآن 12:15 AM |
Powered by vBulletin® Copyright ©2000 - 2025, Jelsoft Enterprises Ltd.
Search Engine Optimization by vBSEO