![]() |
رحلتنا في موسم التوليب السلام عليكم ورحمة الله وبركاته بالبدايه اشكر كل من يساعد ويتعاون سواء بمعلومه بسيطه او شرح مفصل الصراحه دوركم كبير في جمال رحلاتنا الله يجزاكم خير انا كنت منزله موضوع استفسر ومن باب الشكر بنزل هل الموضوع تلخيص لرحلتنا رحلة موسم التوليب رحلتنا كانت مدة اسبوع او ٨ ايام اول ابريل فقط اسطنبول وياجمال اسطنبول اسرني مع انها مو اول زياره بس زاد حبي لها وهل المره حبيتها اكثر عشان الجو وموووسم التوليب لعب دور كبير اللهم لك الحمد طيب بحط لكم جدولنا طبعا استخدمنا بطاقة اسطنبول لمواصلات العامه وتفاجئت بشبكة المواصلات شي رائع ومرتب وخصوصا مع برنامج ترافي ماتضيع ابدا المشاوير كانت جدا بعيده لكن مع المواصلات العامه وفرت علينا بشكل اساسي السكن كان بمنطقة سيركجي فندق دبل تري باي هيلتون الفندق رائع جدا ومكانه رائع خلفه مباشره حديقة جولهانه ومحطة المترو خطوتين والميناء ايضا خطوتين السوق المصري والبزار ومنطقة السلطان احمد ايضا قريبا سواء مشي او من محطة المترو [LIST=1][*]https://e.top4top.net/p_4835gt1l1.jpg اليوم اول رحنا لحديقة اميرجان والكورنيش الي قدام الحديقه وفي مطاعم واطلاله ولا اروع ووبعدها رحنا لمول استينيا بارك اليوم الثاني رحنا رحله لسابنجه وكانت الحمدالله اكثر من رائعه رحنا مع قروب سياحي هناك النفر ١٢٥ريال الجدول كامل مع وجبه الغداء وضمن الجدول زيارة البحيره وجبل كارتبه اليوم الثالث رحنا لجواهر مول ونيشانتشي ومنطقة اورتاكوي اليوم الرابع رحنا لقسم اسيوي ساحل جاديستان وماحوله منطقه هاديه رايقه وشارع بغداد وفنار بهجه والمطاعم الي هناك
اليوم الخامس العاب فيا لاند دخلنا اللعاب وثم تمشينا بالمول تبع الفيا لاند وبعدها رجعنا نتقهوى بالمنطقه الي جمب الفندق مليانه مطاعم ومقاهي اليوم السادس رحنا لمنطقة ايوب والمكان حلو ومرتفع الكوفي مطل وجميل وتوصلها عن طريق التلفريك او بالسياره لكن للمتعه التلفريك حلو وقصيره وبعدها رجعنا بالعباره لمنطقة امينينو ثم توجهنا لمترو و وذهبنا الى منطقة ليفنت فيها ٣ مجمعات جمب بعض والشارع حيوي ومليان مطاعم ومقاهي وطبعا بطاقة المترو تركب المترو والعباره والباص والتلفريك مثل تلفريك ماتشكا وتلفريك ايوب للوصول لمنطقة ايوب من امينينو الى ايوب بالعباره والعباره تاخذ وقت ف كنها جوله صغيره ولكن حلوه اليوم السابع رحنا لمنطقة فلوريا الساحل والمول قمه بالروقان وبعدها رجعنا لمنطقتنا ورحنا لحديقة جولهانه اليوم الثامن والاخير من الصباح رحنا لمطعم لقمه المتميز بفطوره وختمناها بالبازار وحزمنا الشنط وتوجهنا لمطار وبالنهايه اعذروني اذا كان الموضوع مو مرتب حتى الصور ارفقتها لكن ما عرفت اوزعها الصراحه من زمان عن المشاركات بالمنتديات وحاولت اعمل تعديل لموضوع , وبالختام اشكر مره ثانيه الكل الي ساعدني ومن ضمنهم ماجد الفهد وفي حسابات كنت اتابعها بسناب مثل العطاس وثامر وعبدالله انصح بمتابعة مقاطعهم باليوتيوب والله يجزاهم خير |
يعطيج العافية ياريت في صور أكثر للتوليب ماشاء الله سفرتكم حلوة ومرتبة جدا والصور رووعة بس مو نازلة عدل ممكن تاخذين فكرة لتنزيلها ببوابة الصور والكاميرات يساعدونج المشرفين |
الحمدلله على سلامتكم وتقرير مركز وجميل تسلم الايادي... |
وعليكم السلام ورحمة الله وبركاته جزاك الله خير ياليت الكل يذكر تجاربه حتي نستفيد تم أضافه الصور |
الحمدلله على السلامة ورحلة موفقه وتوقيت جدا رائع احب توقيت عندي لزيارة اسطنبول كل مافي اسطنبول في هذا الوقت يجبرك على عشقها :e022: |
ماشاء الله تجربتك حلوة جدا الحمد على السلامة |
الحمدالله على السلامة اختي هاجر ومشكورة على الموضوع |
اختياركم لوقت السفره ممتاز الجو وايد حلو بهذا الوقت تقرير مختصر وجميل جدا |
تقريركم السريع هذا يؤكد على جمال اسطنبول الدائم..... |
انا نفسي اروح وشوف التوليب مني مصدق انها من جد :17: |
الساعة الآن 06:54 PM |
Powered by vBulletin® Copyright ©2000 - 2025, Jelsoft Enterprises Ltd.
Search Engine Optimization by vBSEO