|
تأجيل مواعيد رحلات الخطوط السعودية لخبط لي جدولي.. وش الحل؟ السلام عليكم حجزت رحلتي لاسطنبول وبناءا عليه رتبت سفرتي وحجزت الفنادق والطيران الداخلي الاقلاع الساعه ١٠ صباحا والوصول الساعه ٢ ظهرا لمطار اتاتورك وبنفس اليوم من مطار صبيحه الاقلاع الساعه ٩ مساءا لمطار دالامان والوصول ١٠ مساءا لمدينة فتحية الجميله يعني عندي متسع من الوقت ٧ ساعات وصلني مؤخرا رسايل بالجوال من الخطوط السعودية عن تأخير الرحله مرتين وصار الاقلاع الساعه ١١.٢٥ والوصول الساعه ٣.٣٠ تقريبا ومن طيران بيقاسوس تقدمت الرحله الى ٨.٣٠ مساءا الاقلاع :busted_red: المشكله اني خايفه تزداد التأخيرات واحط نفسي في موقف لا احسد عليه ،، كلمتهم وبلغت عن المشاكل وطمنوني الخطوط السعوديه ان الرحله بترجع لوقت اقلاعها الاول الساعه ١٠ صباحا لكن ماصار شئ للآن .... :(38): والفنادق اللي حاجزتها صارت كلها فل واسعارها تدبلت واي تغيير بيكون بالسعر الجديد :(111): وش رأيكم ...استمر بحجزي واتوكل على الله او أغير حجوزاتي واخلي اسطنبول يوم ومن بكره اطلع مطار دالامان ومنها اغير حجز الاوتيل اللي بيحطونه علي بالسعر الجديد او استمر بنفس الحجز واخلي ليلة تروح علي ... لان تغيير الاوتيل صار شبه مستحيل بسبب ارتفاع الاسعار ولان اللي حجزته بصراحه (لقطه ما تتعوض) وفيه استفسار ثاني عن حجز السياره طبعا السياره بحجزها عن طريق شركه معروفه اضمن وافضل لكن المشكله ولدي تو عمره ١٩ سنه وهو اللي بيسوق والاسعار لعمره غاليه مره ورافض سيارات صغيره يقول يا جيب يا بي ام دفعها قوي عشان الجبال في فتحيه.. هل فيه شركات معروفه واسعارها معقوله لهذا العمر ولهذا النوع من السيارات في مدينه فتحيه او مطار دالامان تحياتي للجميع ... |
رد: تأجيل مواعيد رحلات الخطوط السعودية لخبط لي جدولي.. وش الحل؟ صباح الورد مدام بخصوص التأجيل خليك على وضعك أمورك راح تكون تمام بحول الله وبعطيك الزبدة كمان إفترضي في أسوأ الاحوال تأخرت ووصلتوا ع الساعة 3 او حتى 4 سؤالي الأهم ليش حجزتوا من مطار صبيحة طالما الخطوط السعودية تهبط في أتاتورك ؟ وحتى لو فرضنا إنه هيك صار تطلعوا من المطار على 4 ونص تاكسي راح يوديكم لمطار صبيحة بحدود 150 ليرة على الأقل وبحول الله على 6 وإنتم هناك يعني راح يكون باقي ساعتين ونص يعني أمان بإذن الله بخصوص السيارة أنصحك مبدأيا بشغلة مهمّة جدا أول يوم تاكسي على الفندق واللي بعده إنزلوا وسط المدينة وخلي الشب الحو يختار على كيفه وراح تكون الأسعار طيبة وفوقها إنه تحصلي على تامين شامل اكيد راح تلاقوا بعض الصعوبات بخصوص العمر لكن إذا ولدك شكله كبير راح تمشي الأمور بحول الله رحلة ماتعة وأهنيك على إختيار مدينة فتحيه والاهم التوقيت يكون في الشهر الجاي او اللي بعده |
رد: تأجيل مواعيد رحلات الخطوط السعودية لخبط لي جدولي.. وش الحل؟ اقتباس:
الله يطمن قلبك مثل ما طمنتي دعواتي لك الله يفتح لك ابواب الخير اينما كنت جزاك الله خير |
| الساعة الآن 12:48 AM |
Powered by vBulletin® Copyright ©2000 - 2025, Jelsoft Enterprises Ltd.
Search Engine Optimization by vBSEO