|
احتاج مساعدتكم السلام عليكم ورحمة الله وبركاته باذن الله راح اسافر لتركيا انا وزوجي واطفالي لأول مره عشرين يوم ابغاكم تساعدوني بما أنوا اول مره اسافر لها ابغى تخطيط حلو وممتع للرحله وجزاكم الله خير |
انا مثلك اول مرة اسافر ان شاء الله يجاوبونك واستفيد انا ايضا |
كمان بسأل كيف الاوضاع هناك امان او لا ياليت احد يجاوبني :28: |
اهلا بكم جميعا .. من ناحية الوضع الأمني فالامور تسير على ما يرام حتى هذه اللحظة وبالطبع لا احد يضمن المستقبل .. بالنسبة للتمشيات فتجدينها في المواضيع المثبتة ويمكنكم قراءة تقرير لي بعنوان ( رحلتي لاسطنبول واريافها ) وفيه تفصيل وافي عن كل مكان باسطنبول والمناطق المجاورة لها وبالتوفيق |
|
لا ازيد على ما تشرف به الأخوان يجب عليكم مساعدتنا بقرأت التقارير مفيده جداً لكم و بعدها تتكون لديك صوره عن المكان وتقدر تحط الأسئله وتكون محدده والفائده تعود لك بالأخير |
الله يسرلك اختي الكريمة |
الله يعطيكم العافيه جميعاً ماقصرتوا |
قبل كل شي لازم تحددون رغبتكم ؟؟ هل تبون طبيعة ؟ هل تبون مزارات تاريخية ؟؟ هل تبون مدن ساحلية ؟؟ وبعد كذا قرروا وممكن تجمعون بين كل هالاشياء بالنسبة للجو فهو متقلب ولكن بالنهاية ممتاز ورائع جدا =============================== بالنسبة لتركيا بوجه عام فهو بلد سياحي رائع جدا ممتع جدا والاجمل انه اسلامي وتسمع الاذان في كل الاوقات عندك اسطنبول مهد للحضارات والتاريخ فيها المشاهد التاريخية من قصور ومساجد ومعالم ومتاحف فيها الاسواق الشعبية والمولات الحديثة فيها متاحف شمع وفيها مدينة العاب (( ملاهي للكبار )) عندك قريب من اسطنبول سبنجا ريفية راااائعة ارض وطبيعة شلالات وانهار عندك الشمال التركي جنة الله في ارضه وادخلوا على قوقل واكتبوا (( اوزنجول )) وتفرجوا واذا ودكم بالسواحل والبحار عندكم مدينتي انطاليا + بودروم ## بالنسبة للاكل فمطاعم تركيا في نظري هي الافضل والاجمل والاروع والالذ بتنوع الاكل (( المطاعم الكبيرة تسعيرتها بالمنيو واضحه وثايته ومع ذلك انتبهوا )) المطاعم الصغيره قد يكون فيه تلاعب بالاسعار ولكن تاكدوا من السعر بالمنيو ================================================ نصائح قبل الذهاب لتركيا # لابد معرفة الاماكن قبل الذهاب اليها # لابد تحديد الجهات والايام لتنسيق يومك السياحي # تحديد وسيلة النقل يحدد ميزانية الرحلة قد يقللها وقد يرفعها # الذهاب بالتاكسي العادي مكلف # اوبر اوفر وافضل بكثيرررررررررر # التنقل بالمترو والباصات والترام رخيص جدا # النصب موجود في كل مكان بالعالم وانت كسائح من يحدد ينصب عليك أو لا # الليره = ريال يعني مثلاً تعشيت من مطعم وطلع حساب شخصين 40 ليره = 40 ريال لذلك الحساب والحسبه عندهم بسيطه # بالنهاية تركيا وجهة سياحية مثالية ورائعة |
وفقك الله |
| الساعة الآن 10:20 PM |
Powered by vBulletin® Copyright ©2000 - 2025, Jelsoft Enterprises Ltd.
Search Engine Optimization by vBSEO