|
اول تفكير الى تركيا - اراؤكم السلام عليكم ورحمة الله وبركاته حاب مساعدتكم واراؤكم انا من الناس اللي اعشق الطبيعه الخضراء والجزر والشواطئ اللي فيها ، دول جنوب شرق اسيا جميله وغير مكلفه واعشقها وبدون تردد اذا لقيت مرافق لي اسافر لهناك بغض النظر وين هالسنه الوجهه الى تركيا لكن متردد ، انجبرت على تركيا بحكم اصحابي هناك النية باذن الله بشهر اكتوبر القادم ، الرحلة لي ولصاحبي ، يعني شبابيه - ايش هي المناطق الخضراء الطبيعيه والاجواء الطيبه - مدة السفر عشر ايام بحد اقصى ، اذا تنصحوني بالسفر لتركيا فكيف اقسم الايام - اهم شي المواصلات العامه ما احب سواقة السيارات او الاستئجار فهل متوفره بالمناطق اللي راح تقترحوها - التكلفه التقريبيه للمعيشه والمواصلات والرسوم الاخرى باستثناء الفنادق طبعا |
اقتباس:
وايضا شهر 10 يكون فصل خريف اغلب الاخضر يصبح مصفر وبما انك تحبون الشواطئ انصحك بانطاليا لانه جوها مناسب في شهر 10 |
مثلما ذكر المشرف عادل قسم الأيام بين اسطنبول وانطاليا. |
وعليكم السلام زي ماذكر الاخوه اسطنبول وانطاليا اسطنبول تقدر تعتمد على المواصلات العامة اما انطاليا تحتاج سيارة او رحلات مع مكاتب سياحية التكلفة طبعا تعتمد على عدة اشياء لكن في المتوسط 500 ريال لشخصين تزيد او تنقص وبالنسبة لانطاليا اغلب المنتجعات فيها مشمولة الوجبات الثلاث |
الله يجزيكم خير يعني الاجواء باكتوبر غير مناسبة بالشمال التركي ، كطبيعة خضراء |
مناسبه لكن بارده ليلا |
اهلا بك ..من خلال قرءاتي لبداية موضوعك وردودك لاحظت أنك مثل حالتي تعشق الطبيعة واللون الأخضر .. لهذا انصحك لا تسافر لتركيا وتقارن طبيعتها بطبيعة شرق آسيا فهناك فارق نسبي بينهم .. شرق اسيا جوها استوائي فلا تتأثر بالخريف والشتاء والثلوج لهذا ستجد اللون الأخضر لديهم أكثر ثبات واستقرار أما تركيا تتأثر بمتغيرات الجو فيتحول في بعض شهور السنة للون أشهب ويحتاج فترة ليعود الأخضر وهكذا ... لهذا حاول تتقبل فوارق الطبيعة بين شرق اسيا وتركيا واستمتع بها كوجهة سياحية بدون مقارنتها بغيرها .. أما بالنسبة للشواطيء والجزر تختلف فمثلاً انطاليا رائعة ولكن لن تشعر بنفس احساس جزيرة لنكاوي وانت فيها .. فالجزر الشرق اسيوية طبيعتها بكر مقارنة بما سواها .. ولكن تبقى انطاليا باجواءها ومنتجعاتها والفعاليات داخل المنتجعات وقدرتك على قيادة السيارة بنفسك كلها مزايا جميلة تحسب لها مقارنة بجزر شرق اسيا ... بالنسبة لسفرك في اكتوبر قد تستمتع ببرودة الاجواء الجميلة ولربما يكون موسم أمطار وهذه ميزة تحسب لتركيا على حساب شرق اسيا .. فالمسألة كما تلاحظ مزايا وسلبيات هنا وهناك بالتوفيق |
مزبووووط يا اخوي نواف الله يجزيكم خير جميعا |
بعد تفكير طويل عريض قررت التالي واعطوني رايكم طبعا انا مسافر ولي احد الشباب يدرس باسطنبول فالخطه نوعا ما مقيده حسب دوامه يومين اسطنبول بدون يوم الوصول طبعا يوم طرابزون يوم اوزنغول يوم ( لا اعلم فين حسب مقترحكم عن الشمال ) العودة لاسطنبول لسبعة ايام شامله رحلة بورصه ويوم العوده .. اماكن الزيارات قراتها ومعروفه في التقارير بالمنتدى ما قصرو الاعضاء عيشونا كاننا باسطنبول بس عن الشمال احتاج اكثر وفي شي يدور براسي وحسب كلام اللي قبلي اني الغي الشمال من بالي واستبدلها بانطاليا انا بحيره من جد ، لاني اعشق الاخضر وخوفي تكون مناسبه وافوتها مدري :21: |
اذا انت تحب الفعاليات والسهر فخليك على انطاليا الشمال طبيعة وتمشية بالنهار والفعاليات قليلة بعد صلاة العشاء الغالب يسكر |
| الساعة الآن 10:07 AM |
Powered by vBulletin® Copyright ©2000 - 2025, Jelsoft Enterprises Ltd.
Search Engine Optimization by vBSEO