![]() |
التعامل بالكاش في تركيا السلام عليكم ورحمة الله وبركاته عساكم بخير وصحة جميعا خلوني ادخل بالموضوع على طول،، مسافر مع العائلة لتركيا ان شاء الله ، وحبيت اسأل عن طريقة التعامل بالكاش وايش افضل ! هل اغلب الاماكن يوجد لديها شبكة ؟ البازارات وغيرها .؟ لاني اخر مرة سافرت بريطانيا كنت اصرف ببطاقة الراجحي العادية من المطاعم والكافيهات وغيرها.. وكان يعطيني سعر صرف ممتاز جدا وافضل من فيزا التسوق وكان مريحني من حمل الكاش الاكيد اني لازم اخذ معي كاش احتياطا للتاكسي مثلا والمحلات والاماكن الي ماعندهم شبكة ، فقررت اخذ حول الخمسة الى الستة الاف ليرة ، والي له تجربة استخدام بطاقة الراجحي العادية يخبرنا دمتم بود،، |
وعليكم السلام اغلب الاماكن بامكانك استخدام البطاقة ماعدا المحلات الصغيرة والكشكات وتقدر تصرف من الصرافات العادية والافضل توزيع المبالغ على عدة بطاقات احتياط انا عني ما اخذ كاش الا احتياج اول يومين فقط وهذا موضوع عن الصرف https://www.arabtrvl.com/vb/t1607.html |
ما اعتقد تحتاج تشيل كل هالمبلغ معاك...شيل معاك مبلغ لاول يومين مثل ماتفضلت الاخت زهره ,,, وباقي الايام استعمل بطاقتك المصرفيه في سحب مبالغ كبيره في كل مره مثلا 1500-2000ليره,لان البنك يستقطع عموله سواء كان المبلغ كبير ام صغير ,كلما كان المبلغ المسحوب عالي كل ما وفرت من عمولة البنك.. اما لو اعتمدت على بطاقتك البنكيه العاديه في عملياتك اليوميه كمشتريات ومطاعم ومصروفات يوميه ,راح تنحسب عليك عمولة على اي مبلغ فيكون مكلف عليك مع كثرة الاستخدام .. ان كان لديك متسع من الوقت استخرج (بطاقة السفر من البنك السعودي للاستثمار) بتريحك جدا من مسالة العمولات . مسبقة الدفع,تحتوي على عملات من ضمنها الليره التركيه فعند استخدامها في تركيا لن بتم استقطاع اي عموله منك..ومبلغ ثابت (22.5 ربال) عند عمليات السحب الكاش من الصرافات ,, |
هناك مكائن سحب تقدر تسحب من حسابك لأربعة آلاف ليرة والسعر قريب جدا والفرق لايذكر وجالس استخدمها من حوالي شهرين للان ف تركيا والعمولة تعتمد ع نوعية حسابك وع العموم شيء بسيط مقابل الراحة النفسية وعدم حمل كاش وقلق الصرافين وتغيير العملات وسلامتك |
لا داعي لحملك هذا المبلغ الكبير مثل ما تفضل الاخوان يكفي 1500 ليره في الايام الاولى قد تحتاجها في التكاسي او الكشكات الصغيرة اما المطاعم والمحلات الكبيرة يمكنك استخدام البطاقة |
يعطيكم العافية جميعا ، اجل شوركم وهداية الله ، وبالنسبة لي لايوجد متسع لاستخراج بطاقة من السعودي للاستثمار ، جزاكم الله خير على المساعدة بالتوفيق |
معظم الاماكن في اسطنبول او حتى جميعها يتعاملون على الكرت :e304::e304: |
هلا بك |
طيب كيف يكون |
بكم القيمة |
الساعة الآن 08:07 AM |
Powered by vBulletin® Copyright ©2000 - 2025, Jelsoft Enterprises Ltd.
Search Engine Optimization by vBSEO