|
ارغب بالترتيب الافضل لزيارة هذه الاماكن في طرابزون السلام عليكم اخواني رحلتي الى طرابزون في 23 سبتمبر إن شاء الله وراح اقيم فيها 4 ايام وفي اوزنجول 3 ايام** عندي استفسار بخصوص الطقس هل صحيح في هذا الوقت الخضرة تقل وتصبح صفراء بحيث المناظر الخضراء الخلابه تصبح صفراء بسبب الخريف ؟ واستفسار آخر ارغب بترتيب الاماكن التاليه حسب الاقرب والأنسب :** - قرية آيدر. - قرية هامسي كوي -حيدر نبي -بحيرة سيراجوال -قرية ماتشكا . -مدينة ريزا طبعا قد تقولون ان الاماكن كثيره بالنسبه ل4 ايام فعشان كذا ابغى ترتيب حسب الافضل من ناحية المكان ومن ناحية الترتيب الافضل للجدول . واخيرا ايش تنصحوني بالمواصلات هل الفنادق توفر سائق او ارتب من هنا وهل هي غالية ولا لا . لاني ما ارغب باستئجار سيارة بصراحه** تحياتي لكم |
وعليكم السلام الخضره سوف تصل ايدر يوم ريزا يوم وتقدر تجمعهم سيرا قول حيدر نبي همسكو ي ماتشكا لعل الزملاء يضيفون رأيهم |
اهلا بك ... مثل ما تفضل اخونا فيصل وحبيت اضيف بعض النقاط عدت للتو من الشمال التركي فاتوقع انك بتلحق على اللون الاخضر ولكن قد لا يكون بذلك الوضع المثالي مثل الاشهر السابقة وغالباً سيكون النهار مشمس والله واعلم بالنسبة لترتيب الاماكن فاقترح عليك الاتي بالنسبة لطرابزون يوم كامل : تزور مغارة شال مع حيدر نبي يوم كامل : تزور سوميلا وتحديدا المطعم مع هامسكوي نصف يوم : تزور بحيرة سيراقول ولكن انصحك تطلع فوق لمطعم اكبينار يشرف على بحيرة سيراقول وهو اجمل من الجلوس عند البحيرة .. والنصف الثاني ممكن تخصصه لمنطقة الميدان بالنسبة لاوزنجول : يوم كامل : سلطان مراد مع الوقوف على الشلال في بداية الطريق يوم كامل : تروح فيه لقرية ديمركابي وايضا تخصص في هاليوم جلسة على احد الكافيهات الجبلية المطلة على البحيرة مثل كوم أو قالو اوماد او اكرا يوم كامل : تستمتع فيه باوزنجول وتستاجر دباب او سكوتر أو دراجة بالنسبة لايدر وريزا يفضل تخليهم بطريق واحد بحيث تمر على ريزا وانت رايح لايدر بس اهم شيء تحدد وش هدفك من ريزا هل فيه مكان محدد ببالك بالنسبة للمواصلات الافضل انك تستاجر وتسوق بنفسك ولكن اذا مو حاب هالفكرة فالافضل ترتب لك مع سواق من الان وغالبا بتلاقيهم فاضيين واسعارهم اقل من الموسم .. اهم شيء يكون عندك رقم اكثر من سواق ولا تسافر ببديل واحد بالتوفيق |
اقتباس:
و عليكم السلام و رحمة الله و بركاته اقتباس:
اقتباس:
اقتباس:
سيرا جول وهومس كوي ممكن تاخذهم بمشوار واحد لانهم عباره عن مناظر طبيعية مع البحيره لايوجد الكثير لعمله خاصة لو طلعت الصبح 10 او 11 ولا يكون فيه ارهاق ان شاء الله ايدر وريزا اذا بتسكن في اوزنجول بتكون قرب منها اقتباس:
- قرية آيدر. انا من الناس الي ماانصح الاعضاء بتنقل كثير ولكن الي قلت عنهم فعلا على خط واحد تقريبا اليوم التالي تذهب الى حيدر نبي تقضي فيه نهار كامل وتطلع على اوزنجول -مدينة ريزا ويدر بتصير بعيده عليك شوي على اساس الوقت وقتك ضيق اقتباس:
لااتخيل كيف بتذهب الى حيدر نبي بتاكسي او مع سايق او كل هذه المناطق الجميله دمت بود |
الله يعطيكم العافيه جميعا لكن السواقه اخشى تكون صعبه خصوصا المناطق جبليه وكذلك سمعت ان البنزين غالي جدا فهل الديزل خيار كويس خصوصا في المرتفعات ؟ |
اهلا بك .. السواقة تعتمد على الشخص ومدى تقبله فاذا كنت غير مهيأ لهذا الامر فانصحك تاخذ سائق خاص باليومية .. كثير من السياح يستاجر سيارة ويقودها بنفسه وانا احدهم ولكن البعض لديه مشكلة بالمرتفعات والمنعطفات والمنحدرات فما اعرف مدى تقبلك لهذي الامور ويفضل انك تشوف الطرق من خلال التقارير بالمنتدى يمكن تعطيك انطباع مناسب وتتخذ القرار .. نعم سعر البنزين والديزل مرتفع ولكن تكلفة استئجار السيارة مضاف لها تكلفة الديزل قطعا ستكون ارخص من استئجار سيارة مع سائق .. سعر البنزين والديزل متقارب ولكن الكل ياخذ ديزل لانه يقطع فيك مسافة اطول من مسافة البنزين بالتوفيق |
صدقني ان الوقود أحسه عندهم يبقي يا أنا أضرب خطوط عليها وأتذكر عبيت يمكن 3 مرات بس وفيه زياده السياره متعه بس اذا شفت ضباب لا تجازف وتكمل الطريق |
اخوي نواف كفى ووفى ولا قصور في الباقين في ريزا يوجد سوق شعبي و كورنيش جميل ممكن تخليهم في الطريق إلى ايدر سواء و انت رايح أو و أنت راجع في داخل طرابزون مول جواهر اوت لت , و مول فورم . ممكن تروح مرتفعات بوزتبه قريبة جداً من وسط المدينة و ايضا الميدان و حديقة زاغنوس انا يوم رحت حيدر نبي كان ضباب قوي ماستمتعت فيها بقد ما استمتعت في سلطان مراد بالتوفيق |
اؤكد على ما ذكره اخونا بو صلوح بخصوص حيدر نبي وسلطان مراد .. وحصل معي نفس ما حصل معه .. لهذا يفضل تزور المرتفعات في الجو الصحو اما اذا كان غيوم وضباب فيفضل التاجيل ليوم اخر اذا كان ذلك ممكنا بالتوفيق |
اقتباس:
الديزل ممتاز وعملي عندهم بعكس الي عندنا او ماتعودنا على ان تكون السيارة ديزل بنسبة الى سوميلا القلعة تحت الصيانه لو وصلت هناك اذا تبي مجرد المتنزه ممكن ولكن القلعه مازالت تحت الصيانة |
| الساعة الآن 06:59 AM |
Powered by vBulletin® Copyright ©2000 - 2025, Jelsoft Enterprises Ltd.
Search Engine Optimization by vBSEO