|
اول سفره خارج المملكه لتركيا سلام عليكم ورحمة الله وبركاته اسعد الله صباح الجميع بكل خير بالبداية حاب اشكر جميع الاعضاء المتواجدين هنا اقسم بالله معلومات ثررريةً وقسمة يشكرون عليها انا بإذن الله نويت السفر لتركيا وتعتبر هاذي اول سفره لي خارج المملكه😅 فحاب لوتكرمتوا اخذ المعلومات والنصائح منكم سفرتي باذن الله في بداية ابريل او نهاية مارس لمدة 13 يوم تقريبا طبعاً السفر بالزوجه والبنت فافضل الاماكن الي ممكن ازورها هناك (افضل القرئ الريفيه عن المعالم) هل تنصحوني استئجار سياره او اطلع قروب سياحي في طرابزون تحديداً واسف ان طولت عليكم ولكم جزيل الشكل والتقدير |
ممكن تزور انطاليا و طرابزون يعني خلها 3 طرابزون 3 انطاليا 6 اسطنبول و يوم منها بورصة خذ لك في طرابزون سيارة و سايق يوميته 400 ليرة مع البنزين يوديك و يلف فيك على راحتك |
اهلا بك اخي القرني .. ما ذكرته الاخت منيرة مقترح وبحاول اعطيك مقترح ثاني .. طالما إنك اول مرة تسافر خارج السعودية فانصحك تكون رحلتك متأنية وما فيها تنقلات كثير حتى تقدر تعطي كل شيء حقه .. اقترح تختصر رحلتك على اسطنبول وانطاليا ولا يمنع إذا حبيت تروح يوم لبورصة أو سبانجا ولكن حاول تغطي اسطنبول بالكامل وتعطيها حقها .. بالمناسبة توقيت رحلتك هو نفس توقيت رحلتي في عام 2017 فالأجواء تكون رائعة واحتمال تلحقوا على موسم زهرة التوليب بتشوفها منتشرة في اسطنبول بالحدايق العامة لكن هذا يرجع لبرودة الجو فكل ما تاخرت الرحلة في ابريل تظهر اكثر حاول تقرأ تقريري في الصفحة الأولى ( الرحلة الربيعية للاراضي التركية ) لان توقيت الرحلة كان بنفس توقيت رحلتك فهذا يعطيك انطباع أفضل بالتوفيق |
اقتباس:
الله يعطيك العاافيهً لكن كم تقريباً تحتاج من مصاريف غير الفنادق والطيران (13 يوم) |
اقتباس:
لكن حسب المعلومه الي عندي ان السواقين غالين فاقترح ع احد الاخوان استاجر سياره بطرابزون ممكن تطلع ع 1350 7 ايام |
اكيد الافضل استاجار سيارة بطربزون ولكن في حالة عدم الاستاجار بالإمكان الاعتماد على الرحلات الجماعية من المكاتب المنتشرة بالميدان وبإمكانك الاستفادة من التقارير الحديثة بخصوص هذا الموضوع. |
اقتباس:
طرابزون يستاجر سيارة ويروح فيها وين مايبي 100 الايجار اذا طار في توقيته تحياتي أرسلت بواسطة أوكسير بإستخدام Tapatalk سبحانك اللهم وبحمدك أستغفرك وأتوب إليك |
وعليكم السلام مايقصرون الاعضاء وو التقارير غنيه بالمعلومات 🇹🇷 الجو في ابريل حلو ربيعي في اسطنبول وو موسم توليب 🌷 بس في مارس وو بداية ابريل ممكن يكون للحين في ثلوج بالشمال وو ع الجبال 😊 وو اكيد تأجير سياره في طرابزون افضل وو اريح لكم ☺ قررو اي مناطق بتروحون لها عشان تسوي الجدول 😁 |
أهلاً أحمد ... اختيارك لتركيا .. موفق بلد جميل وسياحة عائلية بامتياز .. الشمال التركي ربما الأجواء لن تكون مناسبة برد وثلوج ... مقترح الرائع ( نواف ) ممتاز .. وبالنسبة للتكاليف من يحددها ( نظرتك وقناعتك ) يستحق أو لا يستحق وفي هذا الأمر ( الناس أجناس ،،، ولولا اختلاف الأذواق لبارت السلع ) عليك بالبوابة وقراءة التقارير بتأني وتسجيل كل ماتميل له رغباتك ورغبات أسرتك .. في النهاية ستجد نفسك أمام خطة سير نهاية مطافها نجاح بإذن الله .. |
شهر 4 يعني الربيع و تركيا كلها حلوة في الربيع سواء رحت الشمال التركي او جلست في اسطنبول و ما حولها في اسطنبول محد ينصح بالسواقة لانها متعبة مع الزحمة و قلة المواقف لكن خارج اسطنبول افضل انك تسوق بنفسك و الأماكن سهلة و شوارعهم تشبه شوارعنا اذا بتروح للشمال ممكن تخصص 6 أيام لطرابزون يعني توصل اسطنبول ترتاح اول يوم و تنطلق لطرابزون ثاني يوم لين سابع يوم و تبقى لك 6 أيام في اسطنبول تروح فيها اشهر الأماكن مثل السلطان احمد و تقسيم و البسفور و المتاحف و الحدايق وممكن تاخذ سيارة اول يوم تروح لبورصة 3 أيام ثم لسبانجا و بولو 3 أيام مناطق طبيعية و جميلة تبعد عن اسطنبول ساعتين او 3 بالكثير , و التنقل سهل بقوقل ماب ثم ترجع السيارة للمكتب و تكمل رحلتك في اسطنبول .. بالتوفيق |
| الساعة الآن 03:32 AM |
Powered by vBulletin® Copyright ©2000 - 2025, Jelsoft Enterprises Ltd.
Search Engine Optimization by vBSEO